圓山台灣料理 (Closed)

聽朋友介紹黎食呢間圓山台灣料理，去到先知原來係酒樓既形式，伺應服務仲好好添！叫左麻油雞湯（半隻）一直聽講台灣麻油雞很出名，第一次飲，估唔到幾好味！係屬於比較濃d既雞湯，d雞又好嫩～唔錯唔錯食台灣嘢點少得三杯雞，三杯雞比較重九層塔既味，整得好惹味，送飯食好正，而且每舊雞都幾大舊～呢個排骨酸酸甜甜，而且係炸過之後再加個醬煮，好開胃，呢個屋企人好鍾意食～呢個煎蠔餅同平時大牌檔食開既做法唔一樣，呢個個底係蛋黎，d蠔係大隻個出面而且係飽滿d聖子好新鮮而且好嫩，唔會過曬火候，好食😋