Video
Read full review
2021-11-07
759 views
今日已經係同佢分手既第三十三日。放左工我依然係街到盲目遊走。不知不覺又走到天后，不知不覺又走到蜆穀街，不知不覺又走到佢公司樓下。其實我都唔知我算唔算係不知不覺。然而我繼續不知不覺咁去返之前同佢食晚飯果間拉麵店—「金鶴拉麵」。最後被呢間拉麵店門面所吸引，坐左落黎。我望左兩望餐牌。決定對自己好啲，叫左個蒲燒鰻魚飯套餐，跟一份餃子同可樂。忽然又記起「佢」話呢間個炸雞好好食，所以就叫多咗份炸雞。好似叫得太多，於是叫老闆幫我轉外賣。老闆幾好人，二話不說就幫我轉，仲提我下次可以試下佢個瀨戶內海蠔拉麵，話期間限定必試。返到屋企，本來無咩胃口，但打開餐蓋。全部賣相都好靚。蒲燒鰻魚飯鰻魚好有油香，食落鮮甜。外層帶點焦香，肉質都結實彈牙。調味既醬油好襯日本珍珠米，好快俾我食清光。煎日本餃子餃子同日本食到既好相似，內餡有大量豬肉同蔬菜，食起黎好有蒜香，呢個都係日本餃子既傳統。而且薄外皮食落都幾酥脆，值得一試。唐揚炸雞唐揚炸雞好Juicy ，我好鍾意佢帶少少甜，外脆得黎又唔會覺得硬，難怪佢咁鍾意。不過外賣都咁好食，堂食一定更上一層樓。雖然再冇機會同「佢」一齊去食，但我相信我都會再光襯呢間拉麵店，咩原因都好，至
放左工我依然係街到盲目遊走。
不知不覺又走到天后，不知不覺又走到蜆穀街，不知不覺又走到佢公司樓下。
其實我都唔知我算唔算係不知不覺。
然而我繼續不知不覺咁去返之前同佢食晚飯果間拉麵店—「金鶴拉麵」。
最後被呢間拉麵店門面所吸引，坐左落黎。
我望左兩望餐牌。
決定對自己好啲，叫左個蒲燒鰻魚飯套餐，跟一份餃子同可樂。
忽然又記起「佢」話呢間個炸雞好好食，所以就叫多咗份炸雞。
好似叫得太多，於是叫老闆幫我轉外賣。
老闆幾好人，二話不說就幫我轉，仲提我下次可以試下佢個瀨戶內海蠔拉麵，話期間限定必試。
27 views
0 likes
0 comments
返到屋企，本來無咩胃口，但打開餐蓋。全部賣相都好靚。
蒲燒鰻魚飯
鰻魚好有油香，食落鮮甜。外層帶點焦香，肉質都結實彈牙。調味既醬油好襯日本珍珠米，好快俾我食清光。
20 views
0 likes
0 comments
煎日本餃子
餃子同日本食到既好相似，內餡有大量豬肉同蔬菜，食起黎好有蒜香，呢個都係日本餃子既傳統。而且薄外皮食落都幾酥脆，值得一試。
12 views
0 likes
0 comments
唐揚炸雞
唐揚炸雞好Juicy ，我好鍾意佢帶少少甜，外脆得黎又唔會覺得硬，難怪佢咁鍾意。不過外賣都咁好食，堂食一定更上一層樓。
13 views
0 likes
0 comments
雖然再冇機會同「佢」一齊去食，但我相信我都會再光襯呢間拉麵店，咩原因都好，至少都俾我試埋佢期間限定個個蠔拉麵。
Post
