Burgeroom (Fashion Walk)

Open Now

Now Closed

今日同事想食包，於是就試下朋友介紹的Burgeroom食Lunch. 餐廳位於銅鑼灣Fashion Walk，由銅鑼灣港鐵站行去大約5分鐘， 路程唔算遠。餐廳有室外室內2邊， 大熱天時當然坐室內啦， 店員有禮帶入座。 望望餐牌除左牛肉漢堡外，重有魚，海鮮，雞，鴨，連素肉都有， 真係想食邊樣都得。今日叫左午市漢堡套餐:大烤菇芝士牛肉漢堡牛肉漢堡+芝士套餐+$30配薯條及飲品店員攞碟漢堡埋黎，我望一望就知出事了。因為個漢堡好巨型，真係食得哂？廚師好有心，知道巨型漢堡可能需要切開食， 一早已中間切開左， 裡面的材料，層次分明，望落去都已經係一種享受。 本麻煩神放盡個口， 一啖咬落去， 最搶味係個大菇， 真係不得了， 菇味香濃，有汁，呢隻菇真係好香好得。牛肉目測有20mm 厚， 牛肉的香味加上肉汁，真心比讚。牛肉肉質有硬有軟，材料上乘。最後溫馨提示， 唔好怕失儀， 放盡哂個口， 大大啖食先係享受。