圓山台灣料理 (Closed)

每逢經過美麗華附近，都會見到大大個’圓山’招牌，能夠喺度屹立咁耐，應該會好好食，適逢今次大家都想食中菜，終於可以一嘗圓山滋味。阿里山桂竹筍，呢種幼身竹荀係阿里山名物，好嫩，好脆，一d渣都無，鍾意食筍既朋友真係唔好錯過！胡椒焗海中蝦，蝦食得出好新鮮，揀選較貴既海中蝦，肉質份外爽口彈牙，採用乾身既煮法，同時間亦保留住蝦肉鮮嫩，廚師功架十足寶島照紅蟳，好肥美既羔蟹，下面係新竹米粉墊底，完全吸收晒蟹汁既精華，爆羔既蟹配上幼細既新竹米粉，好美味！滷肉飯，黎到主打台灣料理既食店，點可以少左佢，無失望，咕嚕黑豚肉，好出色，醬汁完全掛係每件黑豚肉上，絕對無d汁流晒係碟底既情況，酸甜度剛剛好，值得讚台式炆海石斑，原條石斑開邊炸起，再配上涼瓜，涼瓜係爽脆口感，另有一番風味，魚肉鮮嫩，配搭得宜，宮廷葱油脆皮雞，大家都異口同聲讚好好味，一啖嘗到‘香脆嫩滑’，絕對係必食項目。