Video
Read full review
2023-06-24
139 views
北京朋友來香港話想試吓地道嘢食，最後覺得潮州菜都算係地道啦 😂 見到咁多好評決定book 嚟試吓。坐低之後望吓個Menu都有好多嘢食，心入面想食九肚魚，浸花甲，炸粿肉。落單嘅時候竟然可以我想要呢三樣嘢係全！部！都！冇！！我當堂真係打咗個突，我話你乜嘢都冇，咁你有咩係有㗎？佢話就係我嗌嗰啲冇 🙄 咁我話你仲有咩推介？佢竟然答我 「小姐，我又唔知你咩口味鍾意食啲乜，點介紹呀？潮州菜來來去去都係嗰啲㗎啦，蠔餅，豬肚湯，滷水，係得呢啲！」嗰一刻真係已經想走，不過吞咗啖氣，叫咗啲嘢食，同叫咗支黃酒。嘢食好快嚟到，未至於難食但係都冇特別。重點想講佢啲服務因為真係經典！支黃酒都幾多吓，我哋兩個女仔慢慢飲，飲飲吓幫我哋落單嗰個人行過嚟幫我斟酒，一邊斟酒一邊話：「你哋飲咁耐都未飲晒㗎？見唔見到隔離枱個男人？見唔見到先？個男人陣間要幫我哋 xxx（聽唔清楚佢講乜，應該係噴消毒嘅嘢)，你哋最好快啲走，陣間可能噴到你哋啲酒」。我就問乜你哋閂門啦咩？佢話「未，但係我哋趕住噴xxx」。當時真係好嬲，我話唔該你唔好再催我！咁樣趕客走我真係第一次見，過咗一陣之後又走嚟講多次，我環顧四周其實仲有枱未走，況且你一秒鐘未到
坐低之後望吓個Menu都有好多嘢食，心入面想食九肚魚，浸花甲，炸粿肉。落單嘅時候竟然可以我想要呢三樣嘢係全！部！都！冇！！我當堂真係打咗個突，我話你乜嘢都冇，咁你有咩係有㗎？佢話就係我嗌嗰啲冇 🙄 咁我話你仲有咩推介？佢竟然答我 「小姐，我又唔知你咩口味鍾意食啲乜，點介紹呀？潮州菜來來去去都係嗰啲㗎啦，蠔餅，豬肚湯，滷水，係得呢啲！」嗰一刻真係已經想走，不過吞咗啖氣，叫咗啲嘢食，同叫咗支黃酒。
嘢食好快嚟到，未至於難食但係都冇特別。重點想講佢啲服務因為真係經典！支黃酒都幾多吓，我哋兩個女仔慢慢飲，飲飲吓幫我哋落單嗰個人行過嚟幫我斟酒，一邊斟酒一邊話：「你哋飲咁耐都未飲晒㗎？見唔見到隔離枱個男人？見唔見到先？個男人陣間要幫我哋 xxx（聽唔清楚佢講乜，應該係噴消毒嘅嘢)，你哋最好快啲走，陣間可能噴到你哋啲酒」。我就問乜你哋閂門啦咩？佢話「未，但係我哋趕住噴xxx」。當時真係好嬲，我話唔該你唔好再催我！咁樣趕客走我真係第一次見，過咗一陣之後又走嚟講多次，我環顧四周其實仲有枱未走，況且你一秒鐘未到營業結束時間，我都有權繼續坐喺度。不過見佢不斷趕客我都冇晒心機，幫手飲完嗱嗱聲走人。
好明顯，我奉勸大家千祈唔好幫襯！
Post