樓下冰室 (Closed)

下午茶路經呢頭搵野食，聞說呢度瑞士汁幾正，一於坐低試試。首先叫左碗蕃茄湯麵，湯底味道係超濃蕃茄味，甜中帶一點酸，非常醒胃。而且蕃茄營養價值高，食得黎又健康。牛乳炒蛋夠晒滑溜，蛋味同牛奶味道混合好夾，滑不溜手。仲有鮮菌同腐皮，索晒蕃茄汁，素食仲夠健康添。主打既瑞士雞翼黎啦，用自家製既瑞士汁，加埋頭抽，再用埋香草，令味道帶點甜之外，仲有瑞士汁既獨特惹味。至於雞翼肉質夠滑，仲好入味添，質素絕對想不到係茶餐廳既出品。最後飲埋杯紅豆冰，紅豆味濃，用黎消暑最岩，黎冰室又點少得佢呢。