我愛慢煮 (普慶坊) (Closed)

係一個落雨嘅週末，本身想去上環啲Cafe坐下，但係搵到呢間主打食慢煮菜嘅餐廳，又有得飲手工啤酒，又有嘢食！-餐廳主打晚主菜，叫咗一個澳洲安格斯牛西冷$138有唔同嘅配菜揀，我哋就揀咗香草薯蓉$15因為係慢煮嘅關係，係要等得耐少少，但係係值得等待嘅。牛扒七成熟，肉質鮮嫩仲有濃厚嘅肉汁，食落一啲都唔韌。薯蓉有驚喜！好creamy！-然後叫咗一個焗肉醬意粉$78意粉唔會焗得太淋，有咬口！-小食就叫咗七味一字雞翼$48有啲似麥記脆香雞翼, 有啲辣，幾惹味！-呢度環境幾好，可以坐一個下晝。過一個chill既weekend!