我愛慢煮 (普慶坊) (Closed)

上環半山一帶原來都有幾多隱世餐廳，黎到普慶坊，見到呢間個門口咁型格既我愛慢煮，就決定黎食個late lunch。呢度主打慢煮，但又唔係真係要等好耐，我等左10分鐘左右已經上齊。叫左平鐵牛扒（$100），慢煮後一啲都唔韌，牛味頗濃，上面既香草令香氣昇華。加啲蛋黃醬，亦係另一款滋味。薯條炸得非常脆口。沙律菜亦夠爽脆，沙律醋幾開胃。我另外加左溫泉蛋（+$5），生熟度剛好，蛋黃咬落軟糯，蛋香味濃。飲品叫左牛奶咖啡（$15），奶泡打得好高，味道好有奶感。呢度係個遠離煩囂既好地方。