盛記盆菜&盛記麵家

Open Now

Now Closed

地方: 位置較偏，係瀝源邨熟食市場內，唔熟路要花啲時間搵。環境: 佈置好特別，有唔同嘅懷舊裝置。普通熟食市場坐位，不過有冷氣，亦坐得好舒服。湯底: 湯底好多選擇，由清湯麻辣藥材醉雞雪梨等等都應有盡有，一開始揀湯底都已經有選擇困難。七個人叫左個蕃茄粟米牛腩拼四川麻辣鴛鴦湯底，湯底本身已經有好多料，辣湯乜都有啲豆卜芽菜豬紅粉腸豬肚豬皮，感覺唔會太油食落好順好香。蕃茄粟米牛腩睇個名都知有咩，而湯底都好甜唔似味精。食物: 選擇又係超多，樣樣都好大份又新鮮。我地叫左手切牛肉 中山脆肉腩 黃喉 炸脆響鈴 牛丸 雞件 蝦滑 墨魚滑 腐皮 竹笙 豬肚拼粉腸 炸魚皮 芽菜 水魷 黑豚片 魚皮餃 桶蠔 生菜 娃娃菜 油麥菜 豆卜 豬皮，大份足料好新鮮好好食真係好味。飲品: 我地叫左4支啤酒，另外再加一人一支汽水。其他: 調味醬料要16蚊，服務幾好，會不停主動加湯加水，上料好快。