Video
Read full review
2024-04-02
108 views
一入到餐廳已經感受到嗰個氣氛🐷成個感覺就好似入咗幾十年前嘅一間香港餐廳淨係嗰幾個大大個嘅霓虹燈牌已經好加分❣️而且無論係成間餐廳嘅裝修 定係啲細節位都做得好好除咗啲霓虹燈之外 牆上面嘅掛飾 天花板上面嘅燈 枱枱凳凳 全部都係超級對應香港以前啲餐廳嘅vibe🤓就連佢哋嘅餐巾都印個 正 字落去😂餐牌就好似以前啲茶樓嘅餐紙咁樣 感覺上係想做到嗰種類似嘅效果而佢哋嘅碗都係用雞公碗 食叉燒飯用雞公碗😙好似食緊黯然銷魂飯咁..🤣原來佢哋最近仲轉左一個Menu 所以菜式方面係有所更新就算之前嚟過都可以嚟試吓佢哋嘅新Menu加上佢哋嘢食同環境都咁高質 真心 小編會再返兜！.🐷油封美國牛舌尖 川味烤西班牙黑毛豬肋骨配時令蔬菜 法式白汁牛舌肉醬及牛油蜜糖焗甜薯冇諗過份量咁多 啲牛肉肉質好鮮嫩個Ribs 亦都好多肉 同埋都幾好切 唔會黐住啲骨醬料係甜甜地嘅 都幾惹味🫶🏻.🐷24小時慢煮伊比利亞叉燒豬油撈飯 配 日本溫泉蛋，韓國紫菜，紅洋蔥漬 及 大豆芽Slow Cooked 24 Hours Iberico Char-siu pork fat rice served w/63°C egg, Korean se
一入到餐廳已經感受到嗰個氣氛🐷
成個感覺就好似入咗幾十年前嘅一間香港餐廳
淨係嗰幾個大大個嘅霓虹燈牌已經好加分❣️
而且無論係成間餐廳嘅裝修 定係啲細節位都做得好好
除咗啲霓虹燈之外 牆上面嘅掛飾 天花板上面嘅燈 枱枱凳凳 全部都係超級對應香港以前啲餐廳嘅vibe🤓
就連佢哋嘅餐巾都印個 正 字落去😂
餐牌就好似以前啲茶樓嘅餐紙咁樣 感覺上係想做到嗰種類似嘅效果
而佢哋嘅碗都係用雞公碗 食叉燒飯用雞公碗😙
好似食緊黯然銷魂飯咁..🤣
原來佢哋最近仲轉左一個Menu 所以菜式方面係有所更新
就算之前嚟過都可以嚟試吓佢哋嘅新Menu
加上佢哋嘢食同環境都咁高質 真心 小編會再返兜！
.
🐷油封美國牛舌尖 川味烤西班牙黑毛豬肋骨配時令蔬菜 法式白汁牛舌肉醬及牛油蜜糖焗甜薯
冇諗過份量咁多 啲牛肉肉質好鮮嫩
個Ribs 亦都好多肉 同埋都幾好切 唔會黐住啲骨
醬料係甜甜地嘅 都幾惹味🫶🏻
.
🐷24小時慢煮伊比利亞叉燒豬油撈飯 配 日本溫泉蛋，韓國紫菜，紅洋蔥漬 及 大豆芽
Slow Cooked 24 Hours Iberico Char-siu pork fat rice served w/63°C egg, Korean seaweed, pickled red onion and bean sprouts 呢個就好似平時嘅黯然銷魂飯高配版
首先佢哋啲叉燒唔會好似燒味舖嗰啲咁樣諧霎霎
中間仲有隻好香嘅溫泉蛋 拮開佢撈埋落去個豬油撈飯都超香
仲有啲韓國紫菜等等嘅配料作為配菜
有一種食緊石鍋拌飯嘅錯覺
有香港嘅叉燒同埋豬油撈飯、日本嘅靚蛋、韓國嘅紫菜等等
所以小編有少少覺得呢一個真係好似聯合國咁樣
.
🐷北海道粟米朱古力甘納許 配 焦糖椰汁煮菠蘿及法式燉蛋雪糕
Hokkaido corn chocolate ganache w/caramelized coconut milk pineapple & crème brulee ice-cream
呢個甜品都幾有誠意 首先就係佢有一個好香嘅甘納許 粟米味喺香到小編冇諗過嘅咁濃
最特別係上面個雪糕 出邊根本唔會搵到 #焦糖椰汁煮菠蘿及法式燉蛋雪糕
食落去甜甜地 加埋上面嘅焦糖脆脆就真係口感豐富
.
🐷鳳梨薑茉莉冷泡茶Pineapple Ginger Jasmine Tea
🐷椰青龍井冷泡茶Young Coconut Longing Tea
呢度嘅嘢飲全部都好鬼死正 啲名全部都花過心思去起
不過可惜兩位小編飲酒麻麻哋
所以就算踩咗半隻腳入咗蘭桂坊 小編都係飲返兩杯茶啦
最特別嘅應該就係 椰青龍井冷泡茶
第一啖飲落去覺得有啲唔習慣
第二啖開始就飲多椰青同埋龍井撈埋一齊嘅香味
椰青清甜加埋龍井嘅清香
.
無論你係嚟香港旅行定係想放假同朋友去飲吓嘢食吓嘢
小編都大力推薦呢一間餐廳 因為佢哋嘢食同埋環境都好高質
食完嘢仲可以喺餐廳影幾張相 打個靚卡
.
何蘭正
📍中環雲咸街29號LKF29 2樓
.
#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #中環 #中環好去處 #中環美食
Post
