炊豕店 (加路連山道) (Closed)

下午茶時間，同朋友經過呢間台式小店，被佢哋懷舊擺設吸引，另外見枱枱都有份豬扒，大大塊，口水不其然就咁流，所以飽都入去試試佢嘅味道。兩人叫左一碗期間限定嘅避風塘豬扒配粗麵，好大碗呀，豬扒又多又大件，分到兩碗出嚟，好似變魔術咁，見啲醬油深色，以為好咸，食落一D都唔咸，配埋炸到好香好脆嘅蒜蓉及葱花，真係無入錯嚟試。涼拌大豆芽菜，都值得推介，好香麻酒味，食落微醋酸，大豆芽內有豆腐卜，鎖住汁味，將整體配搭得好好。