蝦麵店 (荃新天地) (Closed)

喺鰂魚涌食過呢間蝦麵店, 一直對佢嘅叻沙湯麵念念不忘, 新店開到荃灣 , 當然要約朋友嚟食啦！咖哩叻沙湯底 海鮮麵 $74海鮮有大蝦、魷魚、青口, 仲有腐角同蟹柳等配料, 相當豐富。其中大蝦爽甜味鮮, 拆開仲有蝦膏添！叻沙湯底椰香味濃郁, 十分掛麵, 辣度適中, 惹味非常。海鮮麵羹 福建滷麵$68福建滷麵, 湯羹濃稠, 食落有啲似碗仔翅, 拌摻摻麵底(油麵+米粉) 有粗有幼,食落很有層次。除咗麵之外, 呢度仲有唔少馬來小食。五香脆炸豆腐豆卜$25豆腐豆卜酥脆無比, 好食到停唔到口。魷魚串燒$35魷魚串燒爽嫩彈牙, 沾上醬汁, 風味更佳。摩摩喳喳$18充滿椰香味, 入面有類似芋圓嘅粉圓, 估唔到又幾好食喎。馬拉盞通菜$20通菜份量足, 唔會油淋淋, 馬拉盞分開上, 唔洗驚調味過重, 夠健康。蝦麵店特色亞參脆多士$18亞參果果醬帶有獨特酸甜味道, 同多士呢個配搭很有新鮮感。亞參蜜茶$14 除咗配多士, 亞參仲可以製成飲品, 味道酸酸地, 有助消化解膩。