黑門水產すいさん (棉登徑)

聽朋友講呢間黑門水產成日都爆場，唯有book平日早少少食晚餐，好好彩訂到位。早食晚飯，去到餐廳時，唔係好多人，空間比較廣闊。餐廳裝修比較有特色，以木色系為主，好似日本居酒屋。見到餐牌，款式好多，人氣之選都有3款，今晚一次過叫晒3款。磯燒海鮮都幾好受歡迎，見到餐廳差唔多每台都有叫。而且餐廳仲有時令海鮮，可以叫職員介紹吓當日新鮮嘅刺身。鍾意食甜品嘅朋友都可以餐後試下。介紹返先… 甲羅燒好新鮮，仲有好多蟹膏，配埋蟹籽同餅乾，鬆脆香口。如果唔夠餅乾，仲可以免費添加。牛油燒帆立貝，職員會幫手燒埋，生熟度剛剛好，有少少外脆內軟嘅口感，啖啖濃郁嘅牛油味，提升咗帆立貝嘅鮮甜。極力推介：黑門令大漁魚子醬脆脆包… 刺身層層疊，每疊口味都食出新口味，有魚子醬、三文魚子、海膽、吞拿魚蓉等等，好豐富呀。龍蝦湯煮海鮮：建議大家連湯都飲埋，裡面有多款海鮮，魷魚、蠔、蝦，加埋龍蝦湯底，鮮甜美味。最後嘅卷物，黑門三文魚加州反卷：三文魚好肥美，壽司係用醬油飯製作，唔洗另加豉油芥茉都可以👍🏻