Video
Read full review
2018-11-25
1113 views
今日同咗幾位朋友一齊嚟西貢泰道呢一間餐廳食泰菜，去到環境非常優美，我哋坐咗喺戶外用餐地方，望住個大海食飯，真係身心舒暢。小食拼盤 $148呢一個小食拼盤有香茅雞中翼，魚餅，蝦餅，素春捲各四件。 我每樣都試咗一件，食落味道不錯。雞翼好香香茅嘅味道，肉質嫩滑，魚餅同蝦餅爽口彈牙，食得出魚同蝦嘅鮮味。素春捲入面亦都好多蔬菜，點泰式辣醬食，非常惹味。烤薄餅 $32同行嘅朋友要叫，因為佢想點咖哩食。我攞一塊嚟食，覺得呢度嘅烤薄餅唔錯，烤得香脆而且牛油味道好香。椰汁雞湯 $148呢個椰汁雞湯帶少少酸，不過酸得呢亦都好香椰奶嘅香味。佢入邊嘅配料除咗雞之外仲有少少香茅葉同其他香料，好香香料嘅味道。雞肉肉質嫩滑，雞嘅份量都好多，所以佢唔似一個湯反而是一個餸。咖哩海鮮 $158食泰菜有點可以唔要咖哩呢？我哋叫咗咖哩海鮮，入面有青口，鮮蝦 ，鮮魷等等，非常豐富。咖哩味好香椰汁味，一啲都唔辣，好適合香港人嘅口味。我哋另外仲叫咗一碗白飯嚟撈咖哩汁食，正。泰式香燒雞 $168另外呢度嘅燒雞做得不錯，燒雞嘅外皮燒到非常香脆，而雞肉就非常之嫩滑，食落去啲雞油嘅油脂係爆出嚟，值得一試。飛天通菜 $98飛天通
小食拼盤 $148
呢一個小食拼盤有香茅雞中翼，魚餅，蝦餅，素春捲各四件。 我每樣都試咗一件，食落味道不錯。雞翼好香香茅嘅味道，肉質嫩滑，魚餅同蝦餅爽口彈牙，食得出魚同蝦嘅鮮味。素春捲入面亦都好多蔬菜，點泰式辣醬食，非常惹味。
烤薄餅 $32
同行嘅朋友要叫，因為佢想點咖哩食。我攞一塊嚟食，覺得呢度嘅烤薄餅唔錯，烤得香脆而且牛油味道好香。
椰汁雞湯 $148
呢個椰汁雞湯帶少少酸，不過酸得呢亦都好香椰奶嘅香味。佢入邊嘅配料除咗雞之外仲有少少香茅葉同其他香料，好香香料嘅味道。雞肉肉質嫩滑，雞嘅份量都好多，所以佢唔似一個湯反而是一個餸。
咖哩海鮮 $158
食泰菜有點可以唔要咖哩呢？我哋叫咗咖哩海鮮，入面有青口，鮮蝦 ，鮮魷等等，非常豐富。咖哩味好香椰汁味，一啲都唔辣，好適合香港人嘅口味。我哋另外仲叫咗一碗白飯嚟撈咖哩汁食，正。
泰式香燒雞 $168
另外呢度嘅燒雞做得不錯，燒雞嘅外皮燒到非常香脆，而雞肉就非常之嫩滑，食落去啲雞油嘅油脂係爆出嚟，值得一試。
飛天通菜 $98
飛天通菜係必叫嘅菜式，因為佢嘅通菜炒得非常之入味，而且新鮮無渣，好好食。
泰式蝦肉炒金邊粉 $128
我哋另外仲叫咗呢一個炒金邊粉。呢一度嘅炒金邊粉係偏甜同埋酸，因為蕃茄膏落得幾多，正。佢嘅金邊粉炒得非常爽口彈牙，配料又有鮮蝦，食落去好鮮同爽口。
泰式奶茶
紅豆冰
椰青
Post
