247
50
13
Telephone
27926189
27924990
Introduction
The restaurant is located on the seaside of Tai Mong Tsai Beach and has indoor and outdoor seating. It serves the northern Thai dishes that are rare in the Hong Kong, such as Thai-style fragrant chicken, Salmon Joint with Lemongrass. The dishes are all served by Thai chefs, and the spices are transported from Chiang Mai and other places of Thailand.
continue reading
Opening Hours
Today
12:00 - 22:00
Mon - Sun
12:00 - 22:00
Public Holiday
12:00 - 22:00
Above information is for reference only. Please check details with the restaurant.
About Reward Scheme
Recommended Dishes
大家知唔知西貢沙海灘側邊有一間坐擁無敵海景嘅泰國餐廳😎 呢間主打泰北菜式，正宗得來環境仲要非常chill, 坐outdoor 用餐區，好似置身於泰國小島🏝️一樣😚 我哋由黃昏坐到天黑，感覺真係好正😚 非常推介大家試吓🥰 🌟香茅辣拌蝦沙律 $188 呢個沙律超級有驚喜🤩 有齊我最鍾意嘅泰式元素😍 香茅切到好幼，再加上其他泰式香料以及新鮮爽口嘅大蝦，又香又辣，加上香茅獨有嘅清新香氣，真係食到停唔到口好開胃🤭🌟香葉炒辣肉碎 （豬）$108 呢道經典嘅泰國菜式，睇落好平凡，但係要炒得好味一啲都唔簡單😌 呢度炒得香辣惹味，豬肉肥瘦適中，熱辣辣配埋白飯真係一流👍🌟酸辣青檸明爐魚 $198 呢個價錢我覺得好抵🤩 原條烏頭，非常新鮮，一啲都唔腥👍 裏面嘅肉碎同埋菜索晒酸酸辣辣嘅湯汁，非常醒胃，推介👍🌟椰香青咖喱雞 $138 青咖喱好溫和😌 加埋椰汁落去煮更加香濃，雞肉好入味又夠滑，又係非常適合送飯嘅一道菜😆 🌟椰青 $58清甜又夠凍，配泰國菜真係一流👍🌟提提大家，如果揸車嚟都非常方便，餐廳門外就有得泊車，喺餐廳食飯泊車會平啲㗎😊
continue reading
早前的12月頭，跟好姊妹一起到西貢 WM Hotel Staycation 兩日一夜！我們沿海旁行，她帶我走到酒店附近的一帶，沿途見到大型燒烤場、海景泰式餐廳及充滿聖誕氣氛的酒吧西餐廳！當時約 6:00，我見過環境後，便決定到泰式餐廳 <泰道> 入座；由魏俊傑開設，屹立西貢區已有好幾年嘞！這間海景泰式餐廳設有室內室外用餐區，我們選擇室外，可以望到海景，又有涼風送爽！好姊妹已來過多次，多謝她先告知我，這裡環境好，卻是食物一般，讓我有心理準備！餐牌泰式晚餐沙嗲豬肉串 $42 (2 串)豬肉肉質嫩滑不嚡口，蘸上甜美的醬汁份外滋味及風味！泰式蝦肉炒金邊粉 $138這是我喜歡的菜式，所以，都想試試其水準；果然沒有令我失望！ 未嚐已經香味撲鼻， 金邊粉炒得乾身又入味！配料包括：雪白又肥嘟嘟的芽菜、炒蛋、花生碎、辣粉，兩隻尚有鮮味的蝦！千層糕 $48未及預期的質感及口感！ 不過不失！熱檸茶 $35紅茶包加檸檬，沒有什麼特別！熱百香柑桔 $48好甜！ 她要加水，才容易入口！
continue reading
香港都有渡假風格既泰國菜餐廳？係啊，真係無錯！位於西貢既呢一間泰國菜餐廳就係隱世得黎又浪漫，而且食物選擇多之餘價錢相當適宜，對住個沙灘聽住海浪聲食飯真係勁有feel。不過可惜個日食飯天氣唔太好落太大雨，所以轉移左入室內用餐。香茅辣拌蝦沙律 $188呢款沙律係其他餐廳真係比較少食到呢個口味，餐廳將香茅同檸檬葉分別切得好碎，配埋少量既辣椒，洋蔥同埋少量既沙律生菜，成個味道同口感簡直100分。大量既香茅每一粒都夠晒嫩身，每一啖都好香勁清新，而且有埋檸檬葉既香味超級開胃。當然仲有蝦肉，餐廳剝好晒殼好方便食，蝦身夠大隻多肉，而且剝左殼既好處就係將所有汁醬既既味道沾滿晒成隻蝦身，咁就邊食蝦肉邊食到個汁同香茅既味，超正！酸辣海鮮湯(小) $168呢個細份既海鮮湯份量夠4-5個人飲，煲底有底座放左個燭火係到熱住個湯夠晒貼心，唔怕食飯食得耐個湯會凍左。湯料都唔少海鮮，大蝦青口魷魚都好新鮮，而且加埋香茅，檸檬葉，香菇，少量辣椒一齊煮勁香好鮮味。成個湯底好清甜唔鹹，帶住一陣陣既清新香同埋少量既辛辣刺激感，又係一道勁開胃既湯水。串燒沙嗲牛(2串) $46串燒沙嗲雞(2串) $46至於串燒都好吸引，分別叫左雞串同牛串肉感肉量都好夠厚身，配埋個花生沙嗲醬夠晒香濃！雞肉好嫩滑而且咬落仲係好多水份完全唔會燒到乾晒身，表面燒到濃濃地有焦香味。至於牛肉都好正，呢到既牛串燒完都唔會乾身到勁韌咬唔開，出色在牛肉既肉汁依然有保留係到，而且牛肉味道咬濃味夠牛香，價錢上對比出面食就貴多左少少，不過絕對CP夠高！咖哩南瓜盅配豬肉 $168原個南瓜上檯！餐廳掘空左個南瓜而且用埋南瓜肉黎整咖哩非常好食。首先個咖哩味道屬於偏甜既口味，原因係因為南瓜本身既甜味煮左出黎，再配埋洋蔥紅椒椰汁成個咖哩甜得黎好有層次。另外咖哩入面仲有加埋薯仔，薯仔煮到軟身入晒咖喱同南瓜既味道，呢個咖喱岩晒小朋友同埋唔太食到辣既朋友食，撈飯一齊食簡直係一流！烤薄餅 $38驚喜之選，有6小塊既烤薄餅，新鮮烤起熱辣辣未食已經聞到好香。沾個咖哩一齊食，入口之後先係咖哩味然後就係薄餅本身既香濃牛油味。個口感好酥脆，咬落口一層層好脆身而且唔會太硬，嗌一份都真係唔夠喉好想嗌多一份黎食香芋雞肉焗飯 $158大量既香芋同雞肉粒配上焗飯，香芋粒有炸過所以咬落口比較實淨有口感，而且炸過之後芋頭唔會咁易散開變粉融晒落個飯到，焗飯飯粒好有口感，唔會太濕潤或者太乾身，口感適中。味道上唔會過份地鹹，表面有肉鬆再配埋芋頭同腰果既香味，夠晒香濃又健康。椰青*2 $116椰青夠甜多水，椰肉好多，飲完仲可以掘埋d椰肉食
continue reading
復活節假期冇旅行去唔緊要！fafafoodie 揾左個好似置身於泰國既餐廳食😍係西貢，望住沙灘吹住海風食泰國菜🏖️真係好chill好似去旅行咁～～餐牌好大本好多選擇，見好多一大班人黎聚會，可以share多啲野食🤤#香茅辣拌蝦沙律 🦐🦐🦐🦐🥗好香香茅味，用左十幾隻蝦足夠多人share，仲加左啲紫洋蔥蔬菜去拌個沙律，冇想像中辣，只係微微辣仲帶點甜味，開胃既沙律HKD188#泰式燒豬頸肉 🐖❣️大大份豬頸肉，唔會太肥，點泰式醬汁食夠惹味😗HKD138#串燒沙爹雞 🐤沙爹可以2串2串咁叫幾好😊豬牛雞都有得揀，試左沙爹雞，係有燒過既味道👍🏻唔係炸😛雞肉唔鞋夠嫩，沙爹醬唔辣有花生香HKD46#青咖哩素蝦 🦐🥣❣️叫左咁多肉，試一下素食先～青咖哩有微微椰香，辣度好足🌶️🌶️🌶️全餐最辣係佢🔥好惹味😉但小心辣親😜素蝦彈牙，質感似魚蛋帶點jelly 口感好好咬🤩HKD128#蒜蓉包 🥖🧄蒜蓉味好香，唔會烘到乾晒😊外面如果再脆啲仲正！蒜蓉包就咁食好食，點咖哩食都好食🤤HKD38#泰式炒河 (豬) 🍝❣️炒河有濕炒乾炒，仲可以揀豬牛雞😉乾炒河大大碟夠鑊氣，豬肉有咬口，仲有好多款蔬菜一齊炒好豐富😊HKD138#椰青 🥤清甜解渴，椰青肉又新鮮嫩滑🤤HKD58加一服務費泰道西貢#fafafoodie_西貢IG: fafafoodie
continue reading
西貢環境氣氛一流の泰菜💚泰道Thai Dao@thaidao.saikung 晚市正價餐牌🍽人均：$200-$400🕰時間：我去過2次晚市時段，包括平日同週末，均可立即入座。有室內室外揀，我2次都揀室外，吹吹海風比較有氣氛🌊室內位置都舒適，播嘅泰國音樂就比較大聲🇹🇭 容易啲叫店員。🥘椰香青咖哩（雞）$148咖哩配薄餅冇得輸🥩泰式燒豬頸肉 $128正常發揮水準👍🏻🐟鹽燒烏頭 $188依道菜嘅CP值相對上冇咁高，唔太推介🥬生菜包（豬）$138嚟食泰菜又點得我最愛嘅生菜包😋🍝泰式炒金邊粉 $118以$118嚟講佢份量算多，4個人分都仲得👍🏻串燒沙嗲雞（2串）$38串燒沙嗲牛（2串）$38成間餐廳我覺得CP值最高嘅就係串燒！沙嗲醬都幾好食唔算太辣🍹椰汁冰 $38其實仲有叫其他嘢食，不過印象唔太深刻所以都唔喺度一一推介啦。總括來講，我嘅誠實建議就係餐廳環境氣氛一流，歸功於佢選址嘅地方（西貢碼頭隔離）。但係食物水平就尚可，CP值唔算話太高。所以其實去嘅話，主要都係食佢個環境同氣氛，對食物唔好咁多期待啦🤣Bible rating: 6.5/10📍地址：泰道 (西貢)西貢大網仔路沙下村9號地舖
continue reading