半熟工房 (金馬倫道) (Closed)

作為一個「孤漏寡聞」既港燦，我對芝士撻既認識僅限於杜如風個無記節目同埋Openrice既食評。可能因為係星期日既下午，今日路過既時候排隊既人居然唔多只得零聲幾個。既然呢間野長期高倨top 5，於是決定試下究竟呢度究竟是龍定是蟲！因為未食過其他同類型既芝士撻，所以坦白講都分唔到到底有乜野分別。Anyway，入口時個皮都算鬆脆，但芝士味就好似差少少略嫌不足，對於我呢個對芝士只係「一般過一般」既人黎講都好似唔係好夠味咁。另外，唔知係咪撞啱「水尾」，入口時既熱度略嫌不足，只係暖暖地而已，可能因為咁令到芝士撻「流心」既程度相對冇其他人講得咁誇張！坦白講，$22／個既定位水平相當之高，幾乎係翠華等等港式蛋撻之流既3倍，就算俾其他同類型既芝士撻都仲要貴。唔係想潑冷水，但呢D gimmick野間唔中試一次半次都可以既，但係喺呢個貪新忘舊既香港呢個熱潮又可以last到幾耐呢？