BASAO tea (白沙道) (Closed)

位於銅鑼灣鬧市的小茶室，整間店舖都走樸素風格，白色牆身同木系傢俬好舒適，可以好輕鬆咁食件cake飲杯野嘆返個下午茶🌸🔸豆腐慕絲抹茶蛋糕以豆腐磚形狀設計嘅蛋糕，外層係香滑嘅豆腐味好清新，加埋內層嘅一層層嘅抹茶蛋糕，就算本人唔算特別好抹茶嘅食品，都覺得呢個蛋糕唔錯，值得下次再食🥰🔸焙茶牛奶入口好滑身，慢慢滲出少少烤過嘅茶味，凍飲個味道都好出，平時牛奶比人感覺好飽好膩，但依個加左焙茶，再加埋凍飲，好清新🌱🔸伯爵茶牛奶一飲就有好香嘅伯爵茶味，上面仲加左茶葉同橙點綴，不過兩杯比較，我比較鍾意焙茶牛奶多d 好岩行街行到攰嚟歇一吓🥳