Diletto (Closed)

旅行完返黎無停過見朋友，嚟緊6月尾去沖繩。諗住搵個地方坐下，食得好小小又可以舒舒服服傾下行程，朋友搵左呢間。我自己又衰，遲到，話說last order 2點半，咁我地有兩個遲叫嘅。朋友問遲到嘅可唔可以叫tea set，佢話唔得，因為有人book左。我一黎見到朋友凍到咩咁，叫佢地關小啲風，點知無變過。我到左都係得包同沙津到，包就正常，都鬆嘅。我地越坐越等，我真係以為食緊法國餐，成粒鐘先上main。。。而呢粒鐘裡面，我地見唔到有新到嘅客人，咁tea set呢。。。？好，主菜上左，正常，不能承認心態點都影響左啲味，意大利飯本身都ok嘅，不過就淡左啲。朋友叫嘅意大利通心粉樣子唔算討好，但有味啲，都ok。另外嘅魚，佢地食完就覺得寡左啲，有舊薯蓉都好，真係無。。。餐廳唔多客人，咁佢都俾我地坐5點都算係咁。不過我地就唔會再去。。。