Read full review
2019-04-30
4035 views
家人慶生，今次嘗約呢間位於中環嘅餐館，係食飯前當然要逛一逛。呢間要係會員才能訂，找數是簽名月結，今次可以有機會食到，太有食運啦。我地7個人book咗房，房內有琴呢件事好型，可能供聚餐彈下琴唱下歌。有房嘅私隱好高，關埋完全隔哂聲。房內無電視，絕對係專心享用美食。先叫8「小碟」，呢幾碟唔係一般前菜小食，每碟都有番咁上下多，而且味道非常好。燻蛋，一隻$18，入口好「燻」，有啲似食咗煙燻味，蛋味未幾就飄出，蛋黃可以更流心一點會更好。馬蘭頭，$98，我自己好怕菜味太濃嘅菜，不過咁煮法又唔會，而且有啲開胃。烤麩，$98，呢味係江浙小菜裡面家人一般都會點嘅小菜，份量亦算多，好香口，都幾好味。油爆蝦，$120，喜歡食蝦嘅食客表示滿意，連殻食好滋味。紅燒牛塊，$126，我自己最喜歡呢款，以前佢好硬，點知好腍，入口即溶，家人牙唔靈活，都食得到。味道有小小甜，好味。醉雞，$116，花彫唔算好濃，幾香口。無錫脆膳，$138，脆而不油，席間媽媽表示歡喜仲狂食。燻魚，$116，入口係香，食落都好味。跟住就黎個火瞳雞燉大排翅再額外加二両翅，$3000，絕對係考功夫嘅一道菜，要燉夠時間，但翅唔會腍，少啲功夫都唔得。仲
呢間要係會員才能訂，找數是簽名月結，今次可以有機會食到，太有食運啦。
我地7個人book咗房，房內有琴呢件事好型，可能供聚餐彈下琴唱下歌。有房嘅私隱好高，關埋完全隔哂聲。房內無電視，絕對係專心享用美食。
先叫8「小碟」，呢幾碟唔係一般前菜小食，每碟都有番咁上下多，而且味道非常好。
燻蛋，一隻$18，入口好「燻」，有啲似食咗煙燻味，蛋味未幾就飄出，蛋黃可以更流心一點會更好。
馬蘭頭，$98，我自己好怕菜味太濃嘅菜，不過咁煮法又唔會，而且有啲開胃。
烤麩，$98，呢味係江浙小菜裡面家人一般都會點嘅小菜，份量亦算多，好香口，都幾好味。
油爆蝦，$120，喜歡食蝦嘅食客表示滿意，連殻食好滋味。
紅燒牛塊，$126，我自己最喜歡呢款，以前佢好硬，點知好腍，入口即溶，家人牙唔靈活，都食得到。味道有小小甜，好味。
醉雞，$116，花彫唔算好濃，幾香口。
無錫脆膳，$138，脆而不油，席間媽媽表示歡喜仲狂食。
燻魚，$116，入口係香，食落都好味。
跟住就黎個火瞳雞燉大排翅再額外加二両翅，$3000，絕對係考功夫嘅一道菜，要燉夠時間，但翅唔會腍，少啲功夫都唔得。仲要啲餸嘅味道迫咗出黎，係好勁。（呢道要預早點）
我地食湯渣，第一次係真正食到啲火腿味已經去哂煲湯度，啲料我地有拎回家再煮下，仍然有味。
另外一道要介紹係蜜汁火舫，$300，呢度係半份。火腿痴咗小小肥肉，個汁略稀咗小小。（呢道都要預先訂）
食法係用皮包住脆口嘅竹笙夾住黎食，中和到火腿嘅咸，食落口順啲，又有啲脆口，有啲似片皮鴨嘅食法咁。
紅燒八寶鴨，$480，睇佢外面好似無乜嘢咁，一打開：
打開啲料十足，而且好入味，每啖都好豐富（多料難錄）。
（呢道要預早訂）
跟住係煎湯丸，$11一粒，呢味大家都like，外面煎香易入口，內裡係濃濃嘅芝麻。
家人點左「八寶飯」，$130，我地初初覺得咁飽，又食飯。原來係甜品之一，好似簿叉咁，以為好痴牙，又唔會喎，都幾好食。
有人生日，當然要食壽桃啦。一個$13，正常味道，都唔細個，都有拳頭咁大。
我地近乎係最後一枱走，個陣已經係10點幾，俾能大家睇下個環境。
服務唔錯，坐都舒適，大家都好享受呢晚嘅食物同氣氛😊
Post
