鮨文 (Closed)

每年老公生日一定㨂食日本野，今次㨂左好出名嘅鮨文。早一星期已經係Whatsapp book定位。到左餐廳㨂定左貴少少個omakase，一年一次生日冇計啦。當日真係太多好野食不能一一盡錄。先黎左個魚子茶碗蒸，魚子已先用醬油漬方法醃左，食落係甜甜地，好味。前菜唔洗講，又好味擺盤又靚。呢個吉列鮮帶子配青瓜洋蔥他他醬，老公食過返尋味。他他醬我都整過，但無師父嗰d咁好食。師父話可能用左日本洋蔥嘅關係，下次再試下先。跟住食壽司。由於我已經食到6-7成飽，所以叫師父握我份壽司時少飯，咁就可以食到最尾啦。整體黎講，老公好滿意餐飯，任務大成功！