Video
Read full review
2015-10-06
696 views
中秋節一過，可能真係食得太多月餅啦，契妹喺網上平台上不斷話好想食抹茶甜品，其實各方好友都有不同o既提議，不過佢最信任o既都係資深食家K哥 ，所以尋日就捉咗小肥契哥倍佢過海一試抹茶蛋卷皇「宏」。對於居港o既XO仔黎講，九龍真係好陌生，幸好「宏」位於尖沙咀名商場內，光鮮o既店舖都好容易搵。店子一邊係甜點外賣部，兩個透明雪櫃都擺放著五彩繽紛o既蛋糕同西餅。另一邊則為開揚o既散座大堂。四周連天花都係簡單地以大小不同o既彩圈裝潢，感覺有時代感得黎好輕鬆自在。 正門中央放有細細件o既糕點同餐牌供客人免費試食及參閱，牆上o既玻璃鏡架則陳列出茶品及奬狀。奬狀旁仲有封由白金漢宮發出o既感謝信添 。入座後即發現原來每張餐枱上都有個「呼叫」鐘 ，真係搞鬼；坐落就知餐廳其實人手不足，故為怕得失客人，個「呼叫」鐘真係不可缺少。樓面伙計都比較年輕，不過似乎除咗高大威猛o既經理哥哥一人落力之外，其他服務生都好似黑面神上身咁 ，唧都唔笑，而且一啲都唔起勁。講真如果唔係睇在餐廳仍在試業中，同靚仔經理咁好客o既份上，服務分嗰度真係好想俾一分或兩分囉 ！契妹一到步，二人立即商討叫咩食，眼見烏冬套餐包埋鎮店抹茶
對於居港o既XO仔黎講，九龍真係好陌生，幸好「宏」位於尖沙咀名商場內，光鮮o既店舖都好容易搵。
店子一邊係甜點外賣部，兩個透明雪櫃都擺放著五彩繽紛o既蛋糕同西餅。
另一邊則為開揚o既散座大堂。
四周連天花都係簡單地以大小不同o既彩圈裝潢，感覺有時代感得黎好輕鬆自在。
正門中央放有細細件o既糕點同餐牌供客人免費試食及參閱，牆上o既玻璃鏡架則陳列出茶品及奬狀。
奬狀旁仲有封由白金漢宮發出o既感謝信添 。
入座後即發現原來每張餐枱上都有個「呼叫」鐘 ，真係搞鬼；坐落就知餐廳其實人手不足，故為怕得失客人，個「呼叫」鐘真係不可缺少。
樓面伙計都比較年輕，不過似乎除咗高大威猛o既經理哥哥一人落力之外，其他服務生都好似黑面神上身咁 ，唧都唔笑，而且一啲都唔起勁。講真如果唔係睇在餐廳仍在試業中，同靚仔經理咁好客o既份上，服務分嗰度真係好想俾一分或兩分囉 ！契妹一到步，二人立即商討叫咩食，眼見烏冬套餐包埋鎮店抹茶蛋卷同紅茶，優惠價$99已經抵過單點烏冬加蛋卷 ，所以就每人先叫咗一客「海藻烏冬配甜品特價餐」。
小肥唔多好茶，見散叫餐牌上有咖啡飲，所以就試問經理哥哥可唔可以加錢轉咖啡。
佢深懷歉意地解釋，平時真係可以加$40轉咖啡飲，但由於店子特滴o既咖啡每日只能滴出十杯左右，當日午市時段又一早已賣哂，要等第日先有得飲 ；因為真係每日限量供應，店子亦接受訂座時訂埋咖啡，小肥唯有期待下次黎再試。
可能聽到XO仔情願放棄紅茶，佢就好客氣地提議細佬不如轉飲「宇治抹茶奶」。
宇治抹茶奶（原價$40）：抹茶奶品茶味清香，飲落好香滑，不過可能自己飲慣咗飛沙走奶o既特濃咖啡，所以就略嫌奶味偏重，如果抹茶味可以濃多啲啲就好啦！
宇治抹茶奶
$40
28 views
3 likes
0 comments
套餐可選一款麵品，XO仔就揀食「和風溫泉玉子海藻麵意粉」。
和風溫泉玉子海藻麵意粉
$78
52 views
1 likes
0 comments
和風溫泉玉子海藻麵意粉
$78
66 views
2 likes
0 comments
沙律
47 views
2 likes
0 comments
抹茶蛋卷（原價$30）：嘩，K哥真係冇介紹錯，蛋卷質感軟綿濕潤，卷物本身o既抹茶味清香，且毫不苦澀，面層深綠色o既抹茶粉濃味得黎一啲都唔濁，加上卷心o既北海道牛乳忌廉幼滑微甜，令化學作用發揮得淋漓盡致，鎮店之寶果然係名不虛傳呀 ！我地兩個人食完都各自買咗幾件返屋企同家人分享，美味程度不言而喻 ！不過大家要留意，蛋卷製造過程屬零添加，故外賣必需要兩日內食完，以確保安全衛生。
抹茶蛋卷
$30
38 views
3 likes
0 comments
抹茶軟雪糕芭菲（$88）：抹茶味軟雪糕同蛋卷o既抹茶味一樣咁清甜幽香，加上其軟滑幼順o既口感，淨食已覺清新。正當不大喜愛紅豆o既小肥同契妹都喺度互相讓對方食啲紅豆粒時，二人各自吃下一口卻同一時間眼睛發亮 ，因為紅豆粒一啲都唔嚡唔粉，甜甜o既味道同個抹茶軟雪糕超夾！芭菲入面o既抹茶啫喱都好軟潤，不過當契妹食到有杏仁粒時小肥就馬上停食，因為怕會引起敏感反應。
抹茶軟雪糕芭菲
$88
26 views
3 likes
0 comments
Post
