Thai Deer Factory (The Wave)

Open Now

Now Closed

觀塘依間「Thai Deer Factory」裝修風格以露營為主題都幾靚，仲有一個盪鞦韆位置俾大家用嚟打卡，菜式價格為中上程度。*此餐廳收取加一服務費。煙燻盒子西班牙黑毛豬鞍配班蘭香茅燒汁（單點$248），黑毛豬鞍肉質厚嫩，肉味濃香、帶有果木清香，食落好Juicy，略嫌班蘭香茅燒汁嘅班蘭、香茅味道皆為欠奉，食落偏向類似普通燒汁味道，配菜包括有西蘭花、紅蘿蔔、粟米。冬陰功海鮮意粉（單點$158），帶子食落有一絲絲口感，味道鮮甜，鮮蝦肉質爽口，食落有鮮味，魷魚口感彈牙，略嫌大蜆肉質瘦削，冬陰功意粉口感軟硬適中，食落好惹味，略嫌冬陰功醬汁分布不平均，配菜包括有秀珍菇、車厘茄、辣椒、香葉、芫荽。熱帶果園（單點$42），表面鋪有菠蘿果乾，採用熱情果、菠蘿果汁製作，味道酸甜，飲落好清爽。