Video
Read full review
2018-07-15
216 views
第一次食大滿喜，其實望餐牌真係同佢哋兄弟姐妹差無幾，但價錢的確唔錯，計埋加一$190一位LUNCH。上餐速度唔錯，而且有幾大嘅甜品加沙律吧醫肚，不定唔會蝕時間。至於點解我話佢係「平衡型」，係因為大多數放題都有一兩類食物係好好，其他就...但今次食樣樣都唔錯，尤其甜品極為出色，比得上唔少餅店。放題第一擊食雪糕係我永遠嘅preference，因為好玩又唔洗等。今次嘅雪糕令我好滿意。擠出嚟唔會成攤水，有兩種口味仲可以扭紋。雖然因為顏色太似擠出嚟扭紋唔太驚喜，但味道真係好match。froyoX蜂蜜牛奶，甜得嚟唔漏，值得食！甜品櫃係前所未有地多款！望落唔多伏，神奇神奇。揀咗四款冇一款係伏，甚至可以講係好好味。蜜瓜大福外皮黏韌，餡料香甜唔假。冇諗過放題撻都落足心思。特濃朱古力分為上下兩層，上層係厚厚嘅creamy dark cho mousse，下層係朱古力脆脆，撻皮脆得嚟唔油，上品。刺身大家一定係唔理好醜都去馬架喇~坦白講呢度刺身唔係最好，肉唔夠肥美，但都算新鮮同切得靚。珍寶蝦係咁多款入面最值得食嘅。反而創作壽司就有驚喜。外型似花之戀，中間係蟹肉，上面好多木魚，但精粹係外層嘅火炙三文魚。油脂融
放題第一擊食雪糕係我永遠嘅preference，因為好玩又唔洗等。
扭紋雪糕(蜂蜜牛奶X乳酪)
10 views
0 likes
0 comments
今次嘅雪糕令我好滿意。擠出嚟唔會成攤水，有兩種口味仲可以扭紋。雖然因為顏色太似擠出嚟扭紋唔太驚喜，但味道真係好match。froyoX蜂蜜牛奶，甜得嚟唔漏，值得食！
甜品櫃係前所未有地多款！望落唔多伏，神奇神奇。
揀咗四款冇一款係伏，甚至可以講係好好味。
2 views
0 likes
0 comments
蜜瓜大福外皮黏韌，餡料香甜唔假。
蜜瓜大福
15 views
0 likes
0 comments
冇諗過放題撻都落足心思。特濃朱古力分為上下兩層，上層係厚厚嘅creamy dark cho mousse，下層係朱古力脆脆，撻皮脆得嚟唔油，上品。
朱古力撻
9 views
0 likes
0 comments
刺身大家一定係唔理好醜都去馬架喇~坦白講呢度刺身唔係最好，肉唔夠肥美，但都算新鮮同切得靚。
珍寶蝦係咁多款入面最值得食嘅。
反而創作壽司就有驚喜。
海鮮班戟&金沙蟹王壽司
13 views
0 likes
0 comments
外型似花之戀，中間係蟹肉，上面好多木魚，但精粹係外層嘅火炙三文魚。油脂融化喺口中，好香。
班戟蛋皮煎得唔錯，冇諗到入面嘅海鮮係指刺身，都幾得意，唔算好夾但值得一試。
聽到cream cheese好興奮，可惜鰻魚醬太重手，搶咗味。
燒物亦唔錯。
火候調味都啱啱好，黑椒味好香，不過油脂分佈可以更好啦~
牛舌爽口惹味~鰻魚燒得好腍，幾乎化喺口中。
翠玉瓜好香牛油味，而雞軟骨就調味取勝。
飲品種類多。
總括嚟講呢間大滿喜冇乜伏位，價錢相宜，食得過！
外面仲有夾公仔機，正牌公仔，但呢啲機率機我都係免喇~
Post
