Video
Read full review
2019-06-17
748 views
嗰日朋友約食飯，約咗我去銅鑼灣同埋灣仔交界鵝頸橋旁邊嘅呢一間酒吧餐廳，唔算難搵，不過就唔係響大街，只要響鵝頸橋行過少少就係。一開始我以為佢約我來酒吧happy hour, 因為佢有一個好大嘅Bar 枱，仲有Bandshow stage，感覺都似一間好型好chill的酒吧。不過我嗰日放工好肚餓主要想食野，唔淨係想飲酒🍻好彩佢係一間酒吧餐廳除咗飲酒之外，仲有餐點。見到佢啫Menu以西餐為主，我二話不說點左個意大利飯同Pizza另外再點左個手指說小食，好肚餓今晚我要食澱粉質啊！我點嘅係上湯龍躉魚煮意大利飯($208),好少有risotto係用上湯龍躉去煮, 感覺幾中西合璧幾特別喎，加上朋友又話想食魚！大概20分鐘就上菜，真係冇令我地失望，件龍躉滑到不得了！而且真係啱啱熟好嫩，魚扒啖啖肉完全冇骨，而且一啲都唔腥，係好新鮮嘅鮮，件魚真係好正啊！以佢嘅意大利飯都幾特別，我一食落去覺得點解好似有臘腸味嘅？😂但又唔係完全嗰隻味一真係中西合璧得咁交關？睇返原來係外國嘅辣香腸，再加埋番茄乾，勝瓜，玉子豆腐一齊去燴，令到呢個意大利飯有甘香又有魚湯嘅鮮甜，味道幾特別👍食完Risotto隔咗一陣佢就上Pizza
嗰日朋友約食飯，約咗我去銅鑼灣同埋灣仔交界鵝頸橋旁邊嘅呢一間酒吧餐廳，唔算難搵，不過就唔係響大街，只要響鵝頸橋行過少少就係。
一開始我以為佢約我來酒吧happy hour, 因為佢有一個好大嘅Bar 枱，仲有Bandshow stage，感覺都似一間好型好chill的酒吧。不過我嗰日放工好肚餓主要想食野，唔淨係想飲酒🍻好彩佢係一間酒吧餐廳除咗飲酒之外，仲有餐點。
見到佢啫Menu以西餐為主，我二話不說點左個意大利飯同Pizza另外再點左個手指說小食，好肚餓今晚我要食澱粉質啊！
我點嘅係上湯龍躉魚煮意大利飯($208),好少有risotto係用上湯龍躉去煮, 感覺幾中西合璧幾特別喎，加上朋友又話想食魚！大概20分鐘就上菜，真係冇令我地失望，件龍躉滑到不得了！而且真係啱啱熟好嫩，魚扒啖啖肉完全冇骨，而且一啲都唔腥，係好新鮮嘅鮮，件魚真係好正啊！
以佢嘅意大利飯都幾特別，我一食落去覺得點解好似有臘腸味嘅？😂但又唔係完全嗰隻味一真係中西合璧得咁交關？睇返原來係外國嘅辣香腸，再加埋番茄乾，勝瓜，玉子豆腐一齊去燴，令到呢個意大利飯有甘香又有魚湯嘅鮮甜，味道幾特別👍
食完Risotto隔咗一陣佢就上Pizza，我哋點嘅係煙三文魚Pizza（$168），新鮮熱辣食好正喔，薄餅底夠薄同埋酥軟，不過食落去同樣係有一種鹹鹹香香嘅感覺😂到底係乜嘢呢？上面Topping睇返係有兩種芝士，Mozzarella Cheese 🧀同feta cheese🧀 ，相信個嗰種鹹香味就係來自呢兩種芝士，同樣係幾特別嘅味道😋
最後上是小食煙肉手指薯（$78），佢係將一啲好似手指咁粗嘅薯仔一開二，再加上煙肉再淋上熱油，同樣感覺好中式好似阿媽蒸魚會淋上熟油嘅感覺，哈哈幾特別成間餐廳西式得來點解俾到一種fusion嘅感覺我。
飲品方面我點左一杯無酒精嘅mocktail , 叫flower fizz, 杯中插咗成朵鮮花好搶眼而且花香味好濃郁，幾淸新。朋友就叫咗一杯cocktail, 我就冇飲酒，但係佢話幾有誠意，佢個杯叫做whisky sour, 我試左啖，酒味幾香不會太濃烈。
整體來講，食物不過不失啦，但喺咁有情調嘅環境同朋友聚餐飲嘢傾計真係適合不過👍👍😊______________________________
店名：Ember
環境🏝：8/10
服務💁🏼♀️：6/10
價錢💰：6/10
食物質素🍝: 7.5/10
整體🙆🏻♂️：6.9/10
地址:
銅鑼灣告士打道229-230號宇宙商業大廈地舖
Post
