至尊滿屋日本料理 (Closed)

今晚去旺角搵食，但係諗食乜真係好頭痛！最後亂點，點中咗瓊華嘅至尊滿屋，咁就去試下啦！食咗好多款式嘅食物，講返當中好食嘅！<刺身>夠多款，算幾新鮮，魚類好夠肥美甜蝦同貝類好鮮甜，又夠凍，無雪藏味，唔錯！ 壽司類，今次試咗好多款，款款都好食！當中嘅<牛肉壽司>真係幾唔錯，<牛肉壽司>半生熟嘅牛肉，配上醬汁同炸蒜，甜甜地脆脆地，味道好夾！一啖一件，食到停唔到呀！ <芝麻雞翼>炸得夠乾身，配上芝麻，又香口又鬆脆！ <咖哩蟹>咖哩味唔會蓋過咗蟹肉，唔辣，蟹算新鮮，唔錯呀！ <牛柳粒>同蒜片同黑椒炒，炒得香口，夠嫩口，好食！ <芝士焗蠔>雖然隻蠔唔大隻，但就用咗好多配料一齊夠，有洋蔥、冬菇、蟹柳等，味道好豐富，唔錯！ 飲品好多款揀，正呀！ 仲有大大個甜品櫃，甜品款式夠多，味道試咗都唔太甜，ok! 晚市咁忙，店員嘅服務態度個個都幾好，上菜快，收碟快，有禮貌，無漏單情況，總捨嚟講，佢哋算係幾唔錯！下次會再約朋友嚟食過！