Video
Read full review
2021-07-22
26 views
9 0 後 的 味 蕾作為一個新界東人，真係好少入去屯門，咁啱嗰日朝早去做完野，喺附近泊好車，見到有間好乾淨、新裝修既日式店，我呢啲日本愛好者梗係二話不說衝左入去。.午飯時間佢哋都有10幾個餐選擇，包括刺身、壽司、炸物、咖喱丼、烏冬，好多元化.📸️ 特上壽司定食 $128 包左八款壽司，三件小卷，一碗烏冬，一碗麵豉湯同埋一小碟沙律菜，好豐富，好夠飽。壽司新鮮，零雪藏味，師傅應該專登喺食之前放室溫，令到我哋入口嘅時候可以食返每一種魚嘅原始味道，而且魚生刺身厚切，飯團搓得細細嚿，唔會咬落去成口飯，正！.師傅喺壽司入邊已經加咗Wasabi，面頭搽咗醬油，我專登close up影咗好多張壽司大頭照，俾大家睇吓師傅嘅整齊刀工，同埋處理刺身嘅一絲不苟。.老實講而家好少出邊嘅舖頭會咁細心去處理一件壽司，所以值得欣賞。同行有人就叫左咖哩炸雞定食，雞件好大塊，而且佢哋唔係用好厚粉去炸，一咬落口啲雞油標晒出嚟，真係做到外脆內軟，加埋夠熱，提升咗炸物嘅層次😋，鍾意食炸雞好推薦呢一個！！！.日式咖喱甜甜地，扒飯一流🤤.另外好想提吓嘅係佢哋面試湯都真材實料，放左一隻隻蜆落去煲，所以有海鮮味，同埋咸度適中。幾驚喜喺
作為一個新界東人，真係好少入去屯門，咁啱嗰日朝早去做完野，喺附近泊好車，見到有間好乾淨、新裝修既日式店，我呢啲日本愛好者梗係二話不說衝左入去。
.
午飯時間佢哋都有10幾個餐選擇，包括刺身、壽司、炸物、咖喱丼、烏冬，好多元化
.
📸️ 特上壽司定食 $128
包左八款壽司，三件小卷，一碗烏冬，一碗麵豉湯同埋一小碟沙律菜，好豐富，好夠飽。
壽司新鮮，零雪藏味，師傅應該專登喺食之前放室溫，令到我哋入口嘅時候可以食返每一種魚嘅原始味道，而且魚生刺身厚切，飯團搓得細細嚿，唔會咬落去成口飯，正！
.
師傅喺壽司入邊已經加咗Wasabi，面頭搽咗醬油，我專登close up影咗好多張壽司大頭照，俾大家睇吓師傅嘅整齊刀工，同埋處理刺身嘅一絲不苟。
.
老實講而家好少出邊嘅舖頭會咁細心去處理一件壽司，所以值得欣賞。
同行有人就叫左咖哩炸雞定食，雞件好大塊，而且佢哋唔係用好厚粉去炸，一咬落口啲雞油標晒出嚟，真係做到外脆內軟，加埋夠熱，提升咗炸物嘅層次😋，鍾意食炸雞好推薦呢一個！！！
.
日式咖喱甜甜地，扒飯一流🤤
.
另外好想提吓嘅係佢哋面試湯都真材實料，放左一隻隻蜆落去煲，所以有海鮮味，同埋咸度適中。
幾驚喜喺屯門搵到一間日式小店，用心去經營，加埋屯門地大，餐廳好闊落，有別於市區嘅日式餐廳，啲枱好闊好大張，上幾多道菜都唔怕冇位放👍🏻
見到餐牌佢哋有好多特色嘅魚，全部豐州直送，有時食厭咗三文魚、拖羅，都可以有啲新鮮嘅嘗試。
Post
