宏鮨芯 (Moved) New Location

天氣熱到34度，相信好多人都會揀食刺身壽司，今日特登搭車過嚟，因為見到都有唔少好評，而且見佢午市套餐有做刺身丼飯，價錢合理啦，入到去空間都合理嘅，不過師傅服務員唔係好識點樣安排客人入座，反而要我提議唔介意搭枱，佢先至將一個近廁所嘅四座位分開兩個座位，其實都係好小事，同樣服務員係唔識得攞茶俾客人嘅，又唔見得呢一間店屬於自助形式，都唔緊要，期望食物好食啲啦，揀咗一個午市餐牌嘅148廚師發辦嘅壽司當飯，廚師發辦理應會揀合適嘅刺身放埋一齊，如果要熱嘢飲就加兩蚊，OK啦total$150, 上枱嘅時候就如圖，大大隻牡丹蝦確實吸引，不過竟然係有沙嘅，港督海膽都預咗佢唔會好多，不過識落都鮮甜嘅，其他嘅刺身魚各一塊啦，唔會話特別大塊，我諗我坐喺嗰度都等咗30至40分鐘，雖然我唔趕時間，但係服務員都知道我坐咗喺度好耐，食到一半嘅時候，服務員話唔記得咗攞沙律，其實都係啲菜碎淋啲汁… 總括嚟講一般般，唔係特別好食

嘆個浜燒午餐再個手卷，好滿足。午餐可選甲羅燒/帆立貝/虎蝦或焗蠔。甲羅燒配多士一流，今日帆立貝加$10加大，女士飲品免費，平日午餐九折。蔥吞拿魚腩手卷好足料，但我麻麻哋鍾意加左酸蘿蔔。

🌃食肆為日本菜餐廳，位於屯門仁愛堂街， 鄰近屯門西鐵站C1出口 ， 餐廳充滿日式風格， 門面十分之大 ， 係兩連舖位， 餐廳內外掛滿日式燈籠，木色為主調， 以四人枱為主 ， 並設有吧檯， 主打浜燒料理， 亦有超多款式時令刺身、 壽司、炸物、 丼飯，仲有omakase😍.🐟秋刀魚刺身💲 198👉 正值秋高氣爽嘅季節， 當然叫返條時令秋刀魚刺身喇， 秋刀魚原條即片，餐廳擺盤十分精緻， 十分適合打卡， 秋刀魚十分新鮮， 食到甘甜嘅鮮味， 有一浸浸魚油嘅脂香， 肉質鮮嫩爽口， 食完仲想叫多一條😋.🐠🍚 蔥碎吞拿魚腩爆丼💲 138👉 可能用上了較大嘅丼飯碗， 沒有了爆丼應有嘅份量澎湃嘅感覺， 有點兒可惜，不過吞拿魚蓉幾有驚喜 ， 軟綿綿入口即溶，油脂香突出，味道都幾鮮甜， 加上蔥碎同埋芝麻， 更加惹味。.🍣 三文魚小卷及鰻魚小卷💲 22+22👉 擺盤十分有誠意， 三文魚小卷同鰻魚小卷交叉交替， 22蚊有六件都幾抵食。.🥗 三文魚配迷你沙律💲 免費👉 呢個係之前專頁分享活動贈送嘅小食， 有三文魚刺身加上新鮮爽脆嘅沙律， 免費得黎又不馬虎👍.🍺 凍檸檬綠茶💲 免費👉 呢個都係之前專頁分享活動， 凍綠

平時去杯渡都係打冷、食潮州菜，就係一次打冷時意外發現呢間日式料理，就book左一條友黎食個午餐😋先利伸：我係超級三文魚控🍣🍣🍣第一驚喜：午餐竟然有成27個餐選擇😱第二驚喜：人地話廁所反映餐廳質素，真心呢到個廁所勁乾淨👍🏻平時諗都唔諗就叫三文魚飯，但呢到餐牌多姿多彩到我想試下特別野～- 特選三文魚盛合🍱💲98好正！一條三文魚五種食法🥰🥰令三文魚控除左食到三文魚、仲有唔同既食法同享受😊一個價錢咁多款壽司同卷物，好值！！！- 宏蟹味噌甲羅燒🦀 💲78第一次食甲羅燒！係被OpenRice食評既相片吸引🥰好正！熱辣辣食最正！蟹膏味極濃，襯埋魚籽好香滑！我想講，搽完兩塊麵包🥯之後仲有剩，我用埋來搽落三文魚卷，都好夾，一d違和感都冇🤣🤣整體來講，店員好有禮貌，全餐都好用心製作，一d都唔馬虎，係小店先會食到既獨特，同埋新穎既創作😊💯💯💯係值得encore之選😋店內環境都好舒服，因為小店面向內街，望街位都係寫意既😊👍🏻

唔好以為屯門無日本菜嘅美食～今次介紹一間高質小店比大家，唔單止刺身新鮮好食，價錢range 仲好闊，使得起可以食omakase，想平靚正又有lunch set 飽肚高質～🍽炸蝦&軟殼蟹手卷👍🏼👍🏼👍🏼👍🏼兩款手卷都超正～炸物卜卜脆，外脆內軟火候啱啱好，有效鎖住肉汁保持肉質鮮味彈牙😋紫菜仲好脆，飯粒又唔會太軟影響口感，大大件夠晒飽！🍽壽司&特級丼飯👍🏼👍🏼👍🏼👍🏼平時我食飯都對食材十分講究，但食生野我會更加有要求，因為平時熟食都可以靠調味同廚藝搭救，但係刺身唔同，完全不經烹調，依賴嘅就係餐廳嘅採購同埋保存～而宏鮨芯嘅用料上乘，非常鮮味，保證食過翻尋味😍除此之外，餐廳嘅烏冬同埋麵豉湯等都做得好好食，一個午餐連埋飲品都係百零蚊～非常抵食，推介大家一試！

宏鮨芯位於屯門，港鐵站步行約8分鐘就到～餐廳有omakase，亦有較平民價錢嘅lunch set，豐儉由人。今次試咗幾款食物，全部都好高質😋🍽️ 鮨芯特級丼⭐️⭐️⭐️⭐️特級丼嘅食材都特別高級～除咗常見嘅三文魚同吞拿魚，仲有大大隻牡丹蝦同海膽呢啲高級食材，非常鮮甜！食刺身對食材嘅要求好高，因為無須烹調，所以新鮮嘅魚生一食就知，而宏鮨芯嘅選材真係掂，食到欲罷不能～🍽️ 壽司八貫+烏冬⭐️⭐️⭐️⭐️壽司超好味，午餐set都好飽肚～仲有烏冬，百幾蚊有埋野飲，超抵食😍仲有麵豉湯、沙律，食到捧住個肚～總括而言，餐廳嘅食物都好高質素，環境舒適，食材新鮮又大份，推介大家食lunch set，平靚正！其他食物例如手卷，炸軟殼蟹同蝦都好好食，喺屯門區唔知食咩好不妨一試～

又係跟網上推介來試, 一放工就黎,  6點正, 第一個入坐, 任擇位, D 枱既 size 都幾好, 唔迫夾, 個個都話要試, 無得唔點, 的確好味呢個又掂, 好充實的口感三文魚肉好大塊, 放到成個碗邊都係, 留左一個位俾你可以拎到碗, 唔會整污糟個沙律都好好, 好豐富, 完全沒有厄稱的感覺, 78蚊就有蝦又魚肉, 好物有所值!想不到呢個都咁好食, 吞拿魚肉又多, 中拖羅手卷, 肉質正, 油脂平均這是最後用來飽肚的, 想不到, 普通一件, 料多, 一點不馬虎 才$25真係唔算貴

今日經過屯門朋友同我講其實屯門都好多野食我地今日就選擇食下日本野依家小店位於屯門但原來係做過好多年嘅咁就可以試吓正宗嘅日本味道見到招牌，佢寫明佢嘅刀鋒同埋食材配合得好朋友二話不說就叫咗角切雜錦魚生丼咁我當然叫同樣啦又真係唔錯入面嘅魚生真係好多有吞拿魚三文魚就梗係一定有啦而且除咗個粒粒角切魚生唔同佢哋仲會配埋呢個吞拿魚蓉再加左啲青瓜同埋蛋粒所以成個口感好豐富最緊要係啲魚生好新鮮再叫咗個日式胡麻冷烏冬成個烏冬非常多材料除咗基本嘅蟹柳絲青瓜絲蛋絲仲有好多肉絲配埋一定唔會輸嘅會麻將冰冰涼涼好開胃，而且是顏色都好吸引配買兩枝波子汽水呢啲咁嘅小店一定唔會俾大集團差，而且更有人情味

尋找喧嘩大排檔中的日式酒館這間位於一向喧嘩大排檔的日式酒館，進入去反而耳根變得清靜得多，這裹充滿充滿日系佈置的環境，更適合三五知己談天說地！！我們叫了一個日式胡麻冷烏冬，角切雜錦魚生丼先說日式胡麻冷烏冬，不要覺得它是冷盤而失去香味，濃濃的胡麻香味拌勻整個烏冬，而且內面的叉燒，每一片都不薄不厚剛好進食，跟配上蟹柳和蛋絲，每一啖都是入口即吞😋絕對也是小朋友至愛！角切雜錦魚生丼，食材相當豐富，有多種魚類，其中包括有三文魚，吞拿魚等，飯嘅質感軟硬適中，而且每一口飯都充滿魚子,近帶動了味蕾~最後梗係要兩支用冰冰嘅波子汽水回味一下童年時有波子汽水嘅味道！！！

放假 只想悠悠閒行 12度低溫 喺屋企附近搵食啦😬😬馬會橋底 這間宏鮨蕊 菜式選擇好多，出名高質lunch抵食好多 一於試下先🥳🥳冰燒午餐 甲羅燒帆立貝花竹蝦任揀兩款，仲配埋日式炒飯同麵豉湯飲品 $98超值👍👍甲羅燒必試 蟹膏好多，非常濃郁，即叫即燒，熱辣辣，冬天食特別適合，保持高質 配上多士 真係好難抗拒😋😋帆立貝日式做法 火候控制得剛剛好 鮮甜 連湯汁都飲曬🥹🥹炒飯乾身粒粒分明. 配上麵豉湯日本嘅味道 而且裝潢設計都非常有日本feel，服務仲好週到添😌😌另外揀咗神秘盛盒 即叫即做，等多陣都值得一上枱 非常有驚喜感覺 賺咗啦 🤩🤩份量超多有成十種 菜式油甘魚刺身 新鮮肥美日式炸蝦 🍤熱辣辣好細心切開兩三件燒三文魚扒飯，份量特多，魚扒厚切完全冇骨當然每次都會有機會唔同， 份量十足！星期二至五先有非常高質 各方面都非常好仲有Omakase下次再過嚟試吓🥰🥰

平日放假又冇嘢做就約咗係屯市附近返工嘅朋友一齊食lunch， 大家都想食日本嘢揀咗間OpenRice好多好評嘅日本餐廳試，餐廳好闊落，枱之間距離好遠，大聲啲講嘢都唔驚，即使餐應坐滿人都唔會太吵耳，坐得好舒服。Lunch set 都有好多選擇價錢都算合理，熟食有定食丼、拉麵、烏冬、甲羅燒，刺身壽司定食都有好多，選擇困難嘅人士應該都幾難揀。套餐都跟咗個芝麻醬沙律同花甲麵豉湯沙律菜好新鮮爽脆，芝麻醬份量啱啱好冇過咸或者過酸。花甲麵豉湯味道都適中，有麵豉味同花甲嘅鮮甜，飲完個身暖笠笠。滑蛋饅魚丼太早唔想食生嘢，我揀咗滑蛋鰻魚丼。個滑蛋饅魚有啲驚喜，原本我以為佢係成舊饅魚側邊加啲炒蛋咁上，嚟到先知佢係鰻魚「燴」飯（中式啲嘅講法），成件事好豐富，滿滿嘅饅魚同滑蛋，既食到饅魚嘅肥美又食到蛋香，仲有洋蔥同香菇嘅鮮甜，珍珠飯都軟硬適中，雖然同期望中有啲啲出入，但好有驚喜。蔥碎吞拿魚腩丼朋友揀咗蔥碎吞拿魚腩丼（少飯），滿滿嘅吞拿魚腩鋪面，拿魚仲多過飯好足料。我試咗一啖，吞拿魚腩油香好重，蔥同芝麻嘅配合之下鮮味更出，食完一啖仲想食多啖。下次會夜晚嚟試下壽司刺身，座位夠闊落可以慢慢食嘢飲返兩杯同朋友聚下舊。埋

今日放工，經過呢間壽司店，一直都有入旁邊間小學工作，原來附近除咗潮洲打冷店，仲有日式壽司店，入到去環境都幾舒服，坐得幾寬敞。我自己一個人食，而且又唔係特別肚餓，叫咗以下既野食：- 特選三文魚盛（三文魚、三文魚腩 、火炙三文魚腩、辣三文魚、三文魚卷）$98- 海膽茶碗蒸 $45- 燒虎蝦 $52三文魚盛嘅三文魚好新鮮、係厚切、鍾意三文魚嘅朋友不容錯過，入邊其中一舊火炙三文魚腩嘅三文魚被火輕輕燒過，充滿魚油香，十分難忘。海膽茶碗蒸嘅海有一舊大海膽， 十分慷慨，海膽一啲都唔腥，好新鮮，蛋亦好滑。燒虎蝦嘅虎蝦有一隻手指咁長，背脊有切開，非常容易、方便搣開，蝦頭亦有厚厚嘅膏😍😍😍，燒得好香，送酒一流。見到出邊嘅Menu，原來午餐都十分抵食，一個角切魚生飯都係$59 ，下次出去呢邊工作，一定唔會再嚟幫襯食晏！

今日去仁愛堂街剪完頭髮，同友人搵地方食個午餐，呢條街好多唔同特色小店，見到呢間有抵食日本午餐，就唔諗咁多坐低先，地鋪位置馬會附近，非常近市中心幾方便，座位寬敞闊落，開放式廚房有埋bar 枱見有Omakase 食!呢到午市套餐有成二十幾款揀，價錢都走平民價我地簡簡單單叫左兩個午餐試下先，豬軟骨烏冬，有沙律、泡菜前菜($88)加埋熱飲(+$2)，豬軟骨入味夠淋，最喜歡連埋溏心蛋，很不錯~友人就食左個北海道魚生丼，有四款新鮮魚生(三文魚、帆立貝、甜蝦同三文魚籽)，有味噌湯、沙律前菜($118)加埋熱飲(+$2)，好抵食

到屯門工作，收工時帶著疲勞的身軀，要為自己加一點力，就在附近找間合眼緣的小店。看見小店平日晚上都有客人，環境舒服，座位闊落，佈置充滿日風，就二話不說，馬上坐下試試看。 當然唔算好餓，主打要relax，邪惡食品不少得，先來一客吉列拼盤一次滿足我4嗰願望：我最愛的一口芝士（有三塊，外脆內軟，芝味濃郁，so sweet ）；吉列蠔（蠔肉也厚實juice ，加上沙律醬，令味覺升華）；吉列豬柳（有大件2塊，真心唔明大廚如何做到粉薄，豬柳肉唔油膩）；洋蔥圈：（有3塊，令人可以開心再三品嚐）鹽燒羊架：大塊唔騷，已值回票價，仲要燒到外香內粉嫩粉嫩，愛羊的朋友記住要叫。 Sapporo ：當然香口食物，要與啤酒相配，Sapporo...正啱我口味。 蔥碎吞拿魚腩手卷：蔥香吞拿魚肉又多配上脆口紫菜，令人食指大動。工作的疲累在這裡輕輕吹散，好好享受後，明日再努力。

今日同屯門友去屯門搵食，朋友book 左宏鮨芯，話坐得舒服又抵食。由西鐵站行過去大概5-10分鐘，6點左右就到，避開左peak hour. 枱同枱之前唔會太近，傾計談心一流！牛舌串-有3塊，燒得爽脆，牛味濃-$42黎講CP值高黃金焗蠔-十分有驚喜的一碟！坊間的都係蠔肉好細醬汁好多，但宏鮨芯的蠔肉係超厚肉，有蠔殼Size 咁大-黃金係指焗芝士, 下次一定encore !蟹籽沙律-份量非常多，但冇因為青瓜份量多而少蟹籽，蟹籽都落得好慷慨蟹膏蟹肉厚燒玉子-份量又係好大，真係原條玉子上-蟹肉係新鮮蟹肉，十分鮮甜，滿滿的鋪係中間壽司/ 軍艦-帆立貝: 肥美新鮮，好少壽司飯比魚生細size-油甘魚: 非常鮮甜，魚生大大舊-葱碎吞拿魚: 吞拿魚蓉入口即溶，$28/2 PCs 十分抵食！