盛記粥麵

Open Now

Now Closed

最近胃口不佳，成日諗唔到食乜，最方便就係食粥。佐敦粥鋪唔算多，盛記係其中一間，晚飯時間總排滿外賣的人。我堂食反而即刻有位，坐低點了個招牌狀元及第粥及艇仔粥。因為是生滾關係，所以製作需時。蝦米腸份量算多，食落有粒粒蝦米和葱香，腸皮煙韌，送粥良伴。狀元及第粥大大一碗，料好多，有黃沙豬潤、豬心、粉腸、肉丸等，仲要係厚切又大塊。招牌的豬潤果然好好食，好滑。豬心爽脆有咬口，粉腸嫩腍，所有內臟都無乜味，清得好好，加上粥底綿滑，係一碗高質嘅粥。及第粥粥底同樣綿密，面頭有幾粒脆花生，滿滿的牛肉碎和魚片，簡單足料，食落有薑絲。蒜香南乳炸雞翼拼炸鯪魚球雞翼香脆，外皮香脆，肉嫩多汁兼有南乳香。鯪魚球爽口彈牙，食落有魚香，這兩款香口之物用黎送粥好夾！