盛記粥麵

Open Now

Now Closed

周一放工，約了太太去佐敦吃雲吞麵。這家店面清潔整潔,富有古典粵式飲食的氛圍。我們步入店內,迎接我們的是親切的店員,熱情招待。我們點了兩碗雲吞拼水餃麵,每碗~$44。菜餚很快就端了上來,香噴噴的麵條配上彈牙可口的雲吞和水餃,實在是讓人垂涎欲滴。我們先品嘗了幾口,感受到麵條的柔軟滑順,肉餡的鮮美多汁,配上店家特製的湯汁,口感Q彈醇厚,回味悠長。為了增添更多層次,我們又加點了熱薏米水~$6、桑寄生旦茶~$14,以及牛肉腸~$30和叉燒腸~$30。用餐後,我們步出店門,滿足地踏上歸程。這次與太太的雲吞麵之約,不僅是對味蕾的滿足,也是對我們感情的一種升華。

佐敦淨係白加士街就已經有三間雲吞麵舖，除咗兩間麥字頭盛記近年都好有人氣食物選擇多，除咗有粉麵，亦有生滾粥、腸粉同小食✨雲吞麵湯底清澈好香大地魚味，帶點豬油香味雲吞係傳統做法，蝦同豬肉餡料細細粒，好好食😋✨頭抽蝦籽撈麵 拼雲吞一上枱畀蝦籽份量嚇親😆未食過會落咁多蝦籽幼麵爽口彈牙，用頭抽同豬油撈，加埋鹹香蝦籽好惹味平時最愛食撈麵嘅我覺得好啱口味三粒雲吞跟大地魚湯上，我飲晒碗大地魚湯✨炸兩之前嚟食過炸兩覺得太壓，今次食就啱啱好腸粉滑溜油炸鬼少少脆毫無油益味✨炸鯪魚球新鮮炸起口感彈牙，食得出魚肉比例高

及底粥粥底本身好食，唔係嗰種開粉漿糊口嘅粥。粥裏面有四款豬內臟，每樣兩件。聽聞豬潤出名，但可惜一睇，就係嗰種「嗱」到好大塊和爽嘅豬潤，而唔係真係新鮮嗰種口感，確實失望…有位叔叔，服務很親切，食完嘢嘅時候，佢好細心咁笑住攞咗杯暖水過嚟，好窩心👍🏻 其他幾位姐姐都好有禮貌和親切

佐敦出名雲吞麵炸兩-盛記粥麵早起的鳥兒有好嘢吃😜平時要排好長龍架，如果唔想等咁耐可以一朝早黎，其實呢間既雲吞麵、粥同炸兩都好出名，今次試左雲吞麵、蝦腸同炸兩先，雲吞麵蝦好彈牙，初頭食落覺得有層”油”係面😂應該係大地魚湯個層油😅所以好香滑彈牙，個人唔係幾慣😂炸兩方面，薄薄既膠粉，包住炸到脆脆既油炸鬼😊脆到卡卡聲😂我個人鐘意外脆內軟🙈🙈另外及底粥都好出名架，下次可以試吓😉

一向都好鍾意食粥嘅，去到邊都有食開嘅粥店，今日離開佐敦又去食盛記啦不過呢度最好食嘅，我覺得唔係粥，而係佢哋嘅秘製薏米水！咁耐冇嚟佐敦，秘製薏米水都加咗價今日嘅凍薏米水麻麻哋，好似有啲淡，同埋啲薏米有啲硬

專程去試雲吞麵🍜，雲吞是傳統的小雲吞，無特別，我本人比較喜歡大隻的爽蝦🦐🦐🦐，湯頭可以，大地魚味香，麵很爽口。雲吞、湯同麵三項，麵比較優勝。炸醬麵反而有少少驚喜，竟然有瑤柱粒，雖然係超級BB size ，起碼有放瑤柱，很難得，炸醬不會過甜，比雲吞麵出色。如果辣椒油🌶️🌶️🌶️可以再做得香d，帶起個麵香，會更完美😀炸鯪魚球🐟🐟🐟🐟好吃😋唔腥又彈牙。下次試吓及第粥，目測好好味咁👀

港式雲吞麵篇 - 盛記粥麵.- 雲吞麵 -雲吞麵最驚有鹼水味同腥味，盛記嘅雲吞麵冇呢一方面嘅問題雲吞好入味，皮好薄，裏面有原只蝦麵條煮得剛好，唔會太冧，配埋大地魚湯，味道岀色.- 炸兩腸粉 -跟餐+$28有一份炸兩腸粉一碟有8舊，上枱嘅時候炸兩仲係脆嘅即使食到最後炸兩都係維持脆嘅唯一略嫌係腸粉唔夠熱.- 白蘿蔔南乳豬手 -豬手係食過咁多間最大碟一共有差唔多7-8舊豬手好大件，件件都手掌心大南乳味好岀，豬皮好煙韌，但唔會韌到痴牙無諗過咁多樣裡面我最鐘意豬手.- 桑寄生雞蛋茶 -好少雲吞麵舖有桑寄生雞蛋茶每碗糖水都跟一隻雞蛋，糖水份量足足有一碗味道個人認為偏甜但價錢嚟講係無挑剔，跟餐只需加$12單點都係$18，平過食隔離松記😂

❄️❄️天氣凍，食熱嘢🔥🔥呢幾日好凍，食粥麵就啱哂😌佐敦嘅 \ •盛記粥麵 • / 啱哂！幾欣賞佢啲粥麵可以優惠價加腸粉或者其他小食仲可以加埋嘢飲👍👍✨鳳城水餃麵$41+蒜香南乳炸雞翼拼炸鯪魚球$37+熱豆漿$6大大隻三粒水餃，麵好爽口！☺️☺️雞翼同鯪魚球有驚喜，上枱夠熱，雞翼夠juicy，鯪魚球都炸得好惹味豆漿豆味夠又唔太甜👍✨巧制手打肉丸粥$42+蝦米腸$30+熱薏米水$6粥底棉滑，唔係好濃味蝦米腸大讚👍😎😎夠滑，蝦米又好香口薏米水都好大杯，抵飲！睇佢網上食評都好多個讚～實測見到長期爆滿（可能呢幾日真係太凍😝😝）都真係幾好食嘅☺️👍📍盛記粥麵 (佐敦)佐敦白加士街11號地舖

一碗粥簡簡單單，卻是最考功力之作，久仰此店大名今天終於有機會品嚐，點了一碗魚腩粥，吃出不平凡的味道，難怪那麼多支持的朋友。粥底綿順有米香，鯇魚腩很鮮味，沒有鯹味沒有泥味，魚肉肉質有彈性，由於真正生滾，故粥底滲透了鯇魚腩的魚鮮味，回味無窮。店長很細心地附上小碟一隻作骨碟，細心周到。另外我下午5時多一人進店，店內每張枱均有客人，只有店內最深處有一張四人格閒置，店員竟主動招乎我坐那張枱而不是要求我和其他食客搭枱，實是難得，配服此店已成名店卻不囂張氣盛，真心推薦。

佐敦白加士街食肆之多令人不用選擇，大都是好有質素，之後就要睇個人口味。今日帶朋友去吃超好味的雲吞麵，「盛記粥麵」的雲吞麵彈牙無鹼水味，湯底清澈香甜，陣陣大地魚香，雲吞有四粒，一口一粒，鮮蝦爽彈好味，湯面撒上一些韭黃增香。蠔油芥蘭 好爽脆，這個時候的芥蘭特別嫰又甜。脆炸兩 皮薄炸兩好脆，但我個人比較喜歡粉皮厚一點的。及底粥 也是這兒的強項，豬肚、肉丸、粉腸…我特別喜愛豬潤，煮得剛剛好，不見血水但保持嫩，粥底綿綿的。桑寄生蛋茶好濃香，來一碗暖暖胃。熱意米水煲了很久，充滿蜜棗和薏米的香甜。

📍 盛記粥麵 (佐敦)佐敦白加士街11號地舖==============================呢間粥麵店我成日都幫襯，因為d豬潤同埋薏米水實在太好味😍😍==============================豬潤雲吞麵🍜豬潤一如以往禁爽滑無怪味，雲吞有好多蝦而且好重大地魚味，幼麵皂水味唔重，次次都禁好食🤩豬潤粥粥底好棉滑，豬潤味好出😋薏米水🥤薏米水明顯係有煲過，唔係滾兩滾就算，味道清甜油菜（芥蘭）🥬芥蘭條條都好大條唔老好爽脆👍🏻

📍盛記粥麵 (佐敦)佐敦白加士街11號地舖==============================係佐敦收工想搵間餐廳食晚餐，經過呢間粥鋪比佢門口d粥ge 相吸引住，所以就決定今晚食粥喇🤣==============================豬街粥我地叫左兩碗豬潤粥，其中一碗有加粉腸，豬潤處理得好好，無怪味而且剛剛好熟，粉腸就好彈牙，一樣無怪味👍🏻意米水🥤意米水凍熱都叫左一杯，唔會好甜飲落好潤喉好舒服😌

最近佐敦變成粉麵店嘅戰場，四間人氣旺盛嘅老字號走在一起，各有千秋，不乏追求者，為咗一碗魚蛋粉或者雲吞麵，加多碗靚粥就真係非常滿足同溫暖🤭———————————————————————————.🥢雲吞麵💬一碗雲吞麵，麵要爽口彈牙，雲吞要適中，一啖一口啱晒咀形，鮮蝦同肥豬肉做餡，而且要有蝦子同大地魚嘅湯底，配上韮黃，完美嘅配搭🫡.🥢生滾艇仔粥💬有時最基本嘅粥反而係最精彩，唔係食啲咩名貴餸料，有瘦肉、魷魚、魚片等等滾在熱粥之內，又棉又滑都係啖啖精彩，配埋腸粉絕對滿意🫡

今日突然間好想食雲吞麵，睇到YouTube介紹夏銘記，本來諗住去幫襯。點知要大排長龍，記得段片又話個旁邊的盛記都唔錯，咁就去幫襯吓。其實盛記都係全場爆滿，點左馳名雲吞麵加蠔油芥蘭。價錢比夏銘記平$4碗，面底係彈牙，湯底都唔錯，雲吞係細蓉size ,都有5粒。碗雲吞麵份量正常，唔會好似麥X記/何洪記碗麵咁細碗，食唔飽。我見對面個客人大讃粥同麵，炸兩都好正！枱枱都會叫薏米水，下次－定會encore ! 我覺得係一間CP值好高嘅粥麵店。

雲吞麵、魚蛋粉是食極唔厭的其中一款港式快餐，是日常生活的一部分，而盛記亦是經常光顧的食店。很好吃的生麪，麪條浸久了也不怎麼糊，韭黃清香，湯底帶一點豬油香味，雲吞和水餃都爽口彈牙，但略嫌餃皮過厚。雞翼和鯪魚球均是新鮮即炸，是必點小食，雞翼南乳香味突出，鯪魚球結實有勁度，也沒有令人討厭的泥味，蘸蜆蚧別有一番風味。天氣炎熱，凍豆漿非常解渴，雖然豆味一般但甜度適中。