中華滙館 (Closed)

今次老公老細升職加薪請食飯，老細選左位於中環的中華滙館。係一間高級名人飯堂。環境裝修華麗高貴，服務相當周到。今次老細請食食飯，當然係老細點菜^_^鹿兒島叉燒用上上等的鹿兒島豚肉加上廣東燒味製作。肥瘦適中，更上一層樓。涼拌花甲，前菜令人開胃。黃金脆菌豆腐看似簡單，但眼前一亮^_^平時我不太食黃金食物，因為我太怕太咸。點知今次令我對黃金睇法改變了^_^咸香味道加上酥炸豆腐菌，對比十分大。口感層次豐富。蟹肉冬茸羹，味道鮮甜材料十足口感豐富。避風塘鮮大蟹鉗當晚主菜，超大隻新鮮大肉蟹蟹鉗，用上十分香口帶辣的避風塘做法，已拆殼啖啖肉，口感非常，食材十分新鮮。水煮星斑球一辣接一辣，用星斑球當然較矜貴，但真的夾上的時候，不會容易散開，煮魚最佳當然要嫩滑為首要，該店真的做到。鴨汁鱆魚炒飯，味道較濃味香口，炒飯粒粒分明。整體來說，名不虛傳的高級中菜廳。