Video
Opening Hours
Today
11:30 - 14:30
17:30 - 22:30
Mon - Fri
11:30 - 14:30
17:30 - 22:30
Sat - Sun
11:30 - 21:30
Above information is for reference only. Please check details with the restaurant.
About Reward Scheme
年初三唔拜年去下黃大仙廟祈福，之後去商場覓食，見到呢間之前一直想試嘅湖南農家菜農耕記. 呢間內地過江龍喺全國有過百間直營店，去年第四季開始在港插旗，先後喺佐敦同黃埔落戶都大排長龍，第三間分店選址黃大仙龍翔中心北館，餐廳做緊試業期間8.8 折. 下星期21/2 開業有半價優惠（應該首兩三天都有優惠），去開嘅朋友可以一試. 門口等位可以自行斟果茶飲，幾體貼，我哋去得早唔洗等位好好彩. 坐低卡位位置寬敞，店員亦奉上好味果茶，可以飲住睇menu . 兩頁紙選擇唔算多不過全部唔常見亦令人食指大動. 掃code join 會員之後可以享有優惠，仲有得送獨家帆布袋（送完即止），仔仔用左即刻好有農民氣息好可愛😍#鮑魚辣椒炒肉餐廳推介名物梗係要試吓啦. 原鍋上夠風味超爆香，而且愈食愈辣. 鮑魚仔細細粒夠Q彈都有好多粒㗎，湖南螺絲辣椒夠爽口，小炒肉係湖南小炒必吃果然出色，肉香滿瀉但口感油潤不膩. 加埋土豬肉前腿咬落結實更有口感. 配菜白木耳炒得好爽身. #蘿蔔燉骨子筒非常鮮美嘅燉湯可以解膩解辣，份量好大煲，蘿蔔夠腍鮮甜回甘，大大舊豬骨仲可以啜埋骨髓嘅精華. 簡單而美味. #鮮肉米粉專程叫俾小朋友食，米粉夠滑溜，肉粒鮮嫩唔乾. 湯底亦帶滿滿肉汁. 呢度菜係香港🇭🇰特有，北上係無㗎！撈埋其他小炒食，味道更豐富. #農家小酥肉肉皮薄而酥脆，醃得入味就咁食已經好正，沾上辣椒粉更惹味. 今次美中不足係農曆新年來貨供應問題無得試餐廳招牌檸檬茶（1公升）玉油柑等, 下次真係要試吓，仲有好多款菜想試.
continue reading
砂鍋煨豬腳 $128湖南風味做法，豬腳燉爛，軟糯得嚟唔肥膩，豬腳大大隻，份量都算多，送飯一流。香芋蒸排骨 $98大人小朋友都鐘意，農家土食材，芋頭吸滿排骨嘅湯汁，鹹鮮美味，而且幾粉吓，係我鍾意嘅口感。鮮肉米粉 $58呢碗鮮肉米粉係超級大碗，我諗三個人食就差唔多，鮮肉比得幾多吓，米粉都好彈牙。招牌檸檬茶 $26個招牌檸檬茶必點，堅好飲呀，不過咁鬼大杯，兩個人飲都可以了。泰國茉莉米飯 $12比屋企煮嘅飯更加香，有少少甜甜哋，食完都仲想繼續添飯。
continue reading
今日同朋友去了黃大仙行街我們今日食湖南菜"農耕記湖南土菜"湘菜以辣味豐富適當、製作嚴謹、突出菜餚本味而著名。我們點了小炒豬肝 $88蔥燒跳舞蝦 $108鹹蛋黃燒賣 $39招牌蝴蝶魚 $128小炒豬肝 $88豬肝爽口彈牙，我們點小辣好惹味！蔥燒跳舞蝦（不辣） $108好香蒜蓉蝦肉好爽口彈牙！粉絲吸收曬湯汁好好味！👍🏻👍🏻😋鹹蛋黃燒賣 $39內面是糯米飯包住蛋黃，軟糯香滑。招牌蝴蝶魚 $128魚肉爽口彈牙，香辣惹味！
continue reading
同爸媽去完黃大仙拜神就去黃大仙中心午飯見到開左間農耕記感覺幾特別就去試下餐牌都幾多選擇價錢唔貴可以電子落單但侍應都好親切不停加茶上菜又會提醒下小心熱餸菜大碟可以唔叫飯等等😂我地揀左三樣餸香椿炒雞蛋蒸湘西臘肉清炒紅菜苔全部都好有特色真係香港少見香椿炒雞蛋雞蛋味濃👍而且份量好多香椿就爽爽地蒸湘西臘肉個臘肉嘅煙燻味超濃！！好特別臘肉好濃味有口感👍配飯食啱啱好清炒紅菜苔有啲似炒菜芯但佢就好爽好甜呢個正！松茸土雞湯雞湯鮮甜足料鹹蛋黃燒麥睇佢英文介紹原來係燒賣😂入口其實係糯米燒賣仲有大大粒鹹蛋黃喺中間添
continue reading
我從來沒有品嚐湘菜，而這家餐廳恰好就在我家附近，我媽決定帶我去試試。當我走進餐廳時，看到別人桌上的菜色，就開始感覺口水直流。😋😋😋我和我的家人一共點了三樣菜和兩杯飲品：▶︎茶油土芹菜炒黃牛肉 🐮($136)：聽說這道芹菜炒黃牛肉是湘菜中非常經典的菜。可以選擇唔辣和不同辣度，這樣更符合我爸爸的口味。這道菜的份量很大，味道非常香濃，小菜的顏色也很鮮豔。牛肉嫩滑，芹菜口感爽脆，非常適合搭配飯食用。味道濃郁香辣，越吃越辣的口感令人回味無窮。▶︎招牌湖蝶魚🐟 ($128)：這道菜非常不錯，魚肉的份量適中，有點像脆皮鯇，吃起來很脆。同樣地，可以選擇唔辣和不同辣度，這樣可以滿足全家人的需求。這道菜非常適合一家大小共享，味道香濃，令人回味無窮。▶︎鮮肉米粉 ($58)：這碗米粉份量很大，味道鮮美，我非常喜歡它。米粉煮得剛好，保持了它的柔軟口感，湯頭鮮美，充滿了鮮肉的香氣。媽媽話完全理解我為什麼如此喜愛這道菜，因為它的味道和口感都非常出色。▶︎滿杯維C橙🍊 ($22)：這杯飲品份量非常大，足夠我和家人分享，但需要注意的是，它不是鮮橙汁。雖然有些許甜，但是一個不錯的消暑選擇。▶︎霸氣玉油柑 🍊($29)：同樣地，這杯飲品也非常大，足夠我和家人分享，非常開胃。總的來說，我在農耕記的用餐體驗非常愉快。湘菜的味道香濃辣辣，讓我的味蕾得到了充分的刺激。這次用餐滿足了我對湘菜的渴望，給我留下了美好的回憶。餐廳的服務也很周到，環境舒適，餐廳的服務也很周到，工作人員態度親切且迅速處理我們的點餐需求。他們對於菜品的介紹也非常詳細，讓我們能夠更了解每道菜的特色和口味。😋😋😋
continue reading