Video
Exit A3 , Sha Tin MTR Station
continue reading
Telephone
26180992
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
沙田新城市廣場7樓開咗幾間新餐廳，呢間泰式火鍋見過幾次，但係一直都冇試，今次晚餐時段六點幾嚟到，冇人排隊，入去試試。餐廳環境寬敞，好光猛，都幾乾淨，好多都係卡位，坐得舒服。湯底有三款，冬陰功鮮蝦、椰奶雞湯、牛肉，我見多數人都係會嗌冬陰功同椰奶，畢竟呢兩樣嘢係比較泰式同埋比較值得一試，兩個湯都好好飲，喺開始煮肉之前已經飲咗幾碗，加湯都係會加返個湯，唔係加水，所以味道都keep住濃味，不過冬陰功就有少少辣，就咁飲就唔係飲得好多，椰奶湯就可以就咁飲好多都得。冬陰功鮮蝦拼椰奶雞湯鍋底餐牌度寫明每人仲會加咗個醬料同配料費，$15，包括醬料、茶水、紙巾同埋蝦片，所以蝦片係任食，大家食完記得添，唔好蝕咗，蝦片都幾脆幾好食，所以我哋都食咗好多我哋食四人餐，有一個四人海鮮盤，一上枱店員就問我哋使唔使準備定手機影相，我心諗有咩值得要咁快影定呀，原來一打開個海鮮就會噴晒煙，加上個盒都幾啱打卡，睇嚟都好多人嚟打卡，所以店員都叫我哋準備定有鮮活日本扇貝四隻，鮮脆本地魷魚90克，鮮脆珊瑚蚌60克，鮮活鮑魚仔四隻，白鱔魚片四片，手打墨魚丸四粒，海蝦四隻。真係每樣海鮮係得四粒，每人得一粒，唔算好飽，不過海鮮都幾新鮮，蝦同鮑魚上枱嘅時候仲會郁。四人牛肉盤，都係每款牛肉得4塊，都係每人試一塊，不過啲牛肉都唔錯幾好食，幾香幾濃牛味另外叫嘅娃娃菜河粉如果係咁飲冬陰功湯同埋食蝦片，都好難唔叫杯飲品，不過啲飲品都唔錯，呢個鮮芒芝士奶蓋幾濃味整體係幾好食，服務都還好，用餐時間係90分鐘不過冇人食嘅話都唔會趕你走，不過價錢係貴咗啲，不過新城市嘅餐廳不嬲都係偏貴
continue reading
平時都喜歡中午嘅時候shabu shabu，因為通常都會食得好飽，仲有成個下午可以消化，如果食晚餐的話，就會飽到瞓唔著。 最近新城市7樓開咗間四面泰泰式火鍋，所以星期六放假就嚟試下喇。 我們到嘅時候已經係一點，餐廳店面好大，坐了六成客人左右，大家都係會選擇他的午市套餐，$299，湯底，丸，肉類，麵食，需要的話可以額外加錢配嘢飲，另外仲有15蚊嘅醬料費同埋要加一。計返上嚟兩個人其實同牛x價錢差唔多。他的三色醬中間是椒麻豉油，不是很辣但很惹味。冬陰功湯入面有四隻鮮蝦，店員介紹我們湯底的時候建議我們先把鮮蝦食掉，飲一碗湯，再打邊爐椰奶雞湯，他的雞肉鮮嫩，湯底鮮甜，如果唔食辣嘅話，呢個係好好嘅選擇。四面拼盤，是指蝦丸墨魚丸豬肉丸同牛丸，除咗牛丸是現成的其他都是蝦滑、墨魚滑和豬肉滑打成的。好細心的下面用一塊薄薄的青瓜墊起，避免黐底。西班牙黑毛豬，薄片一綠就熟。放在兩個湯底淥熟都好好食。 手打烏冬，煮極都好彈牙，兩個湯底都好好食。 他的雜錦田園擺盤亦非常漂亮，這些湯底淥菜特別好味。 我也很鍾意他的前菜蝦片好脆。 泰式芒芒碌碌，楊枝甘露，入面有啲椰果。打邊爐飲佢絕配。因為天氣凍凍地，所以點了熱嘅泰式手打波波奶茶，他的奶茶又不算很甜，但係好滑，打邊爐飲佢都唔錯。 真心他的湯底好鮮味，所以不停地飲湯。打完邊爐成身都好熱，幸好我點了芒芒碌碌，可以減熱一下。 另外我們加錢叫了主餐牌的甜品芒果糯米飯，一送上來被他的擺盤嚇親，很少見到這麼用心的擺盤，用芒果砌了一個s型兩個彎位放咗兩舊糯米飯，上面灑上椰汁，味道也非常好味。店舖寬敞坐得非常舒服，食物質素也非常高，好似好適合一家大細，良朋結伴一齊打下泰式打邊爐。 滿分為10分（一分最低，10分最高）食物：10環境：10衛生：10服務：10價錢：8舒適度：10總分：9.5
continue reading
天氣凍凍哋，想食啲熱嘢暖和吓身體，喺商場行過圈見到呢間，竟然有一人火鍋食，咁都唔使諗啦，就呢度啦🤣$98「午市一人火鍋套餐」主食揀咗「稻庭烏冬」肉類揀咗「西班牙🇪🇸黑毛豬」湯底揀咗「椰奶雞湯鍋」手作飲品耕揀咗「泰式芒芒碌碌（+$28）」小食揀咗「香茅雞翼（+$24）」同埋「泰式手打蝦餅（+$24）」唔使揀嘅有「潮州豬肉卷、鮮活海蝦」仲有「蜂巢豆腐、時令蔬菜」先嚟「泰國蝦片」，非常鬆脆👍有「泰式青檸醬、椒麻醬油、泰式辣椒醬」「椰奶雞湯鍋」：煲滾咗之後，先飲咗兩啖，有濃郁椰汁味😋「西班牙🇪🇸黑毛豬」都幾好豬味👍「泰式芒芒碌碌」：唔係好甜有芒果味，仲有啲小粒芒果可以食，同埋好似係蒟蒻粒粒🤩「香茅雞翼」：做成單骨雞翼，非常香口，好容易食😋「泰式手打蝦餅」：外層香脆，裏邊蝦膠好鮮味😋「潮州豬肉卷、鮮活海蝦」：海蝦非常鮮甜🤣「時令蔬菜」簡單幾好食🤣
continue reading
📍 四面泰最近，一間人氣泰式火鍋係沙田新城市首開分店，主打每日新鮮自家熬製嘅泰式湯底，深受大眾歡迎～😇餐廳環境潔淨，掛滿多盞吊燈，氣派十足💡位置亦都相當寬敞，有大量卡位，坐得好舒服😝✨午市一人火鍋套餐✨ $98 （優惠價）分店推出新張優惠，連星期一至星期五既11:30至17:00都可以以優惠價食到火鍋套餐😉成個套餐都相當豐富：有齊主食、肉類、特色湯底、主料、配菜同飲品，午餐嚟講真係豐富十足！🍤醬料費 $15 每人都會收取醬料費，包咗手工醬料同泰式蝦片～手工醬料有三款：青檸醬、酸辣醬同椒麻豉油；另外，蝦片食落似係新鮮炸起，唔會覺得有油益味😆🍲湯底 * 🐥椰奶雞湯鍋我揀左雞湯既湯底，仲撈到好多雞件！雞肉嫰滑，影咗咁耐相都冇話變到鞋口🤣椰奶味濃，飲落清甜，未開餐已經飲咗幾碗😋* 🦐秘製冬陰功鮮蝦鍋朋友就揀左冬陰功，酸辣味出，更加食到濃郁嘅香茅味；用鮮蝦熬製而成嘅湯底，酸酸甜甜好開胃🥩美國嚴選牛板腱同朋友都係揀咗牛板腱，份量大概係四大片，質素唔錯！牛肉紋理清晰，上枱時亦冇血水，煮熟之後，肉質依舊鮮嫩～💫主料🐷潮州豬肉卷豬肉卷正常發揮，切得薄身，但煮熟之後冇縮水🦐鮮活海蝦有兩隻海蝦，肉質唔錯，蝦肉結實，食落幾彈牙～🍲火鍋配菜* 🥡蜂巢豆腐豆腐幾特別，呈蜂巢狀～完美地吸收曬湯汁！* 🥬時令蔬菜蔬菜款式多樣，有生菜、菜心、娃娃菜，每樣都有2-3片；仲有番茄、金針菇、菇～🐥香茅雞翼 $48炸到香脆！炸粉絕對唔厚👍🏻連埋啲辣椒仔同香茅一齊炸至乾脆，滿滿既香茅清香😇最貼心既係切成單骨雞翼再去炸，食起上嚟好方便！🍢沙爹雞肉串 $36雞肉肉質嫩滑，而個沙爹醬汁絕對係靈魂既醬料！沙爹味道好濃郁，連埋啲花生粒🥜增添左唔少口感😋不論係味道👅抑或係擺盆都好有心思😇🥥招牌椰皇凍 $58椰奶凍絕對係必食，味道香濃而且質感細滑😆份量亦超級多！同朋友share都食唔曬😖餐廳堅持每日新鮮制作，確保啖啖清甜～🥭泰式芒芒碌碌 （套餐加$28）即係楊枝甘露🤣配料有西柚、西米、椰汁同芒果粒粒，好似食緊甜品😽🧋泰式手標啵啵奶茶 （套餐加$28）奶茶口感順滑，珍珠好煙韌！飲落唔會太甜，味道啱啱好🫶⭐️好味指數：9.5/10📍 四面泰•火鍋 (沙田)沙田沙田正街18號新城市廣場一期7樓708號舖#沙田 #新城市廣場 #四面泰 #泰國菜 #邊爐 #火鍋 #椰奶雞湯煲 #thai #food #hkfood
continue reading
Fall In Thai, located in the massive mall New Town Plaza, not only provides traditional Thai dishes but also hot pot with Thai style soups, ingredients and sauces.Ordered a lunch set for two $299◆Shrimp Cracker ◆Tom Yum Shrimp Soup◆Coconut Chicken Soup◆Spanish Pork Collar Butt◆Meat Balls◆Vegetable Basket◆Pad ThaiThe staff served some savory shrimp crackers right after we sat down, and we picked some of the most well-known beers of Thailand, Singha and Chang to pair with them.The set was a perfect portion for two people to share. Their soups had no added MSG so we could eat the soup while cooking the ingredients. Fresh crunchy shrimps in the tom yum side and tender chicken in the coconut side. In my opinion, the Spanish pork slices matched well with nam jim talay, which was appetizing and elevated the pork flavors. Veggies basket included a selection of lettuce, spinach, corn, tomato, Chinese cabbage, okra, and mushrooms. Pad Thai was exceptional that had completely absorbed the condensed soup flavor.
continue reading