Video
Exit A3 , Sha Tin MTR Station
continue reading
Telephone
26180992
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
今日咁啱好想打邊爐，經過呢間餐廳，見到佢話食滿$400有公仔送，咁就一於嚟試吓啦。雖然我哋嚟嘅時間只係六點幾，但係入面已經好多客人，大家上嚟亦記住book位或者早啲到啦。雖然好多客人，但係呢度嘅裝修好開揚闊落，就算多人都坐得好舒服。侍應好細心咁介紹話原來呢度嘅湯底係親自煲出嚟嘅，而且就算加水都係加真正嘅湯底，咁就一於試個雙拼啦。我哋就叫咗椰子雞湯拼冬陰功蝦湯，佢叫我哋未打邊爐前就要飲咗啲湯底先，因為好香甜。我自己就最欣賞呢個椰子雞湯底，佢真係同屋企煲出嚟嘅一樣。椰子非常清甜，而且飲落唔會太膩，越飲越開胃。朋友就話冬陰功蝦湯比較出色，因為佢比較鍾意食辣，酸酸辣辣咁又係好開胃。我哋見到好多台都有叫呢個海鮮寶盒，一開盒佢仲加咗唔少乾冰，有好多煙噴出嚟，非常適合打卡。而且入面仲有好多唔同種類嘅海鮮。我最欣賞嘅就係呢個生蠔，因為佢除咗好大隻之外，而且非常新鮮，淥一陣就食得啦，完全唔使點任何豉油醬汁，都食到佢海水嘅清甜。另外呢個手打蝦丸都非常出色，喺呢度自製嘅蝦丸。而且食落好多蝦，唔會好似好多麵粉嘅感覺，又係唔使點醬汁都好好食。因為朋友唔食牛肉，所以我哋就揀豚肉。平時我唔係特別鍾意食豬肉，但係呢個豚肉非常大塊，而且食落肉質好好，食落簡直可以媲美牛肉，非常推薦唔食牛嘅大家嚟試吓。甜品方面，我哋就叫咗呢個椰皇奶凍。佢嘅賣相非常好睇，估唔到食落唔會太甜，而且份量好多，食完奶凍之後，仲有好多椰子肉，簡直為呢個晚餐畫上一個完美嘅句號。
continue reading
之前喺Airside分店食過午市，一直好想食埋晚市，星期四晚終於去咗沙田新城市幫襯啦🤩我哋叫咗節日歡樂二人聚餐 $688，可以揀單拼或雙拼鍋，當然揀雙拼好似抵啲😂 我哋揀咗椰奶雞湯鍋拼慢燉牛板腱清湯鍋，椰奶雞湯有濃郁嘅椰子香，配跟餐嘅泰式金邊粉，肉，蔬菜食都好正，掛晒湯咁🤤牛板腱清湯味道清甜有層次感，配唔同嘅肉類都好夾🥰依個餐最正係有個海鮮金盒，裡面有鯇魚片，鮑魚仔，帶子，墨魚膠，蝦， 蠔，珊瑚蚌，全部都好新鮮肥美。肉方面可以揀日本黑豚肉或美國嚴選牛板腱，我哋揀咗牛板腱，好有咬口，肉味濃郁😍套餐仲有小食泰式手打蝦餅，外脆內軟，好有蝦味。跟餐+$38有一杯飲品，我哋叫咗泰式芒芒碌碌，好colorful, 好清新又解渴，芒果味仲好濃，好似飲緊楊枝金露咁；爆珠馬蹄椰子水，好清新解膩。最正係依間火鍋係加湯唔係加水，唔會愈溝愈淡，茶水同埋手工醬料費15蚊一位，已經包咗任食嘅泰國蝦片，真係好抵，全部侍應服務都好nice，講解又詳盡，環境又舒服，餐廳仲好貼心有供應圍裙同埋usb位可以叉電，值得一讚😍評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉翻兜指數：🩺🩺🩺🩺四面泰泰式火鍋沙田正街18-19號新城市廣場一期7樓708號舖📍沙田港鐵站A3出口5分鐘路程
continue reading
去咗四面泰一間超正嘅泰式火鍋$688二人餐真心抵食又豐富💥由湯底到海鮮、主食、甜品，樣樣都驚喜✨🔥節日歡樂二人聚餐$688🔥自選湯底🍲可以單拼/雙拼，我揀咗秘製冬陰功鮮蝦鍋同椰奶雞湯鍋🥥酸辣、甜香並全，冬陰功鍋越滾越惹味，湯汁酸辣鮮甜，用上新鮮蝦煮成，充滿泰式風味。椰奶雞湯，用老雞煲6小時，再加入椰子肉、椰子水同椰奶，味道香濃，雞腿肉滾完依然嫩滑🐥 🐔🥥🦐海鮮金盒二人份量🐚(鮮活帶子、海蝦4隻、台山桶蠔、爽脆皖魚、鮮脆珊瑚蚌、鮮活鮑魚仔、手打墨魚丸)海鮮金盒上枱好有氣派，一打開有仙氣🤣整體都好新鮮，帶子夠晒大隻，味道鮮甜；海蝦爽口彈牙，蝦肉結實；台山桶蠔脹卜卜好肥美，入口即化，充滿海洋嘅鮮味；珊瑚蚌口感爽脆。泰廚嚴選肉品（二選一）日本黑豚肉/ 美國嚴選牛板腱🥩我哋揀咗美國嚴選牛板腱，油花分佈平均，涮幾秒就食得，配冬陰功湯底同椰奶雞湯都好夾！田園時蔬（二選一）唐生菜/娃娃菜街頭炭烤 - 泰式手打蝦餅🦐外層炸得金黃酥脆，入面蝦肉彈牙，真係有粒粒鮮蝦肉，點泰式醬汁更有風味。美味主食 - 金邊粉兩份🍜金邊粉好滑溜，吸晒湯底嘅味道🥹我哋兩邊湯都試左，份量夠多，食完好夠飽。甜品 - 多肉龍眼蜂蜜椰冰🥥🍧甜品額外叫左個甜品，椰奶冰清新解渴，包住好多龍眼肉，配上蜂蜜，甜而不膩，仲有粒粒椰果，增添口感。食完火鍋再食呢個甜品真係大滿足😍
continue reading
🇭🇰泰迷必試！呢個「寶藏海鮮手工金盒」真係好食到喊😱濃郁冬陰功湯底任飲 環境仲要幾唔錯📸🍲【2人套餐食評】🦞「寶藏海鮮金盒」：海鮮夠曬2人份量！大蝦、青口、帶子、魚肉、鮑魚、生蠔、墨魚滑等等多到淨係食呢個都飽 全部新鮮彈牙個盒仲要金閃閃 相機食先必影✨🥘「冬陰功椰奶雙拼鍋」：冬陰功湯酸辣醒胃 椰奶雞湯香濃順滑我飲咗成4碗湯都唔夠喉🤤🍢「青檸椰香炸墨魚丸」：外脆內軟 咬落juicy 青檸味好清新 完全唔膩口🥩「鮮辣金不換牛肉」：牛肉嫩滑 金不換香氣撲鼻少少辣辣地好過癮🌶️🍹必飲特飲：「玫瑰芝士椰子水」💖🍧「多肉龍眼蜂蜜刨冰」：成座冰山咁高🗻仲係粒粒去曬皮去曬核🥹🥹（所以等待時間較長）面頭鋪滿爆汁龍眼肉每啖都食到清甜蜂蜜同椰香最正係個刨冰幼滑到似雪花❄️🍇「多肉青提蜂蜜刨冰」：青提多到瀉出嚟💦爽脆清甜完全冇酸味蜂蜜同青提意外地夾食完成個人即刻降溫🌬️📍沙田新城市一期7樓708號🚇沙田站A出口行3分鐘⏰12:00-22:00#四面泰 #泰式火鍋 #沙田美食#香港泰國菜 #打卡餐廳 #海鮮盛宴
continue reading
今日我哋去咗沙田新城市廣場食四面泰泰式火鍋呢度嘅靈魂醬料真係要推介，有三款醬料提供而且仲有蝦片！蝦片微辣，好脆口！作為開胃小食真係一流！我哋叫咗午市優惠雙人套餐$399可以選擇單鍋或者鴛鴦鍋因為同朋友小朋友，所以我哋叫咗唔辣嘅椰奶雞湯鍋套餐入邊有美國嚴選牛板腱份量好多，而且重牛味，肥瘦均勻好出色手打墨魚丸（四粒）爽口彈牙，小朋友好鍾意食清邁雜錦田園呢個田園時蔬好大份性價比好高泰國船麵河粉呢個河粉好滑，加落去椰奶雞鍋，吸晒佢嘅精華特別入味鮮活鮑魚仔一份兩隻鮑魚仔好新鮮好大隻！如果單叫要$58 2隻！所以套餐揀鮑魚係好抵食泰式手標波波奶茶加$28呢度嘅手搖飲品好多款式 款款都好吸引但係食得泰國火鍋，梗係飲返泰式奶茶搭配返另外而家夏天好推介食完火鍋之後食佢哋嘅椰奶冰冰上面鋪滿水果，有三個口味，分別係龍眼、青提、芒果而我哋今日就叫咗兩款嚟食多肉青提蜂蜜椰冰多肉龍眼蜂蜜椰冰龍眼仲係即叫即剝殼，所以龍眼特別鮮甜，本身呢個刨冰冰底唔算好甜，所以唔鍾意食甜品嘅都可以試吓，相反如果你覺得唔夠甜就可以加上佢附送嘅蜂蜜🍯由於實在太好食嘅關係，勁快就清晒兩個冰食完之後覺得勁消暑！
continue reading