Video
1-min walk from Exit A, Causeway Bay MTR Station
continue reading
Telephone
25139899
Opening Hours
Today
11:30 - 22:00
Mon - Fri
11:30 - 22:00
Sat - Sun
11:00 - 22:00
Above information is for reference only. Please check details with the restaurant.
銅鑼灣時代廣場有食通天大家都知😂差唔多層層都有唔同餐廳俾大家揀去完shopping梗係要食啲野醫肚嚟到呢間食新加坡菜嘅餐廳🍴門口見到有二人/四人餐 見幾抵試下啦‼️😌二人套餐B $328/2櫻花蝦柚子沙律🥗沙律中滿滿櫻花蝦加埋鮮豔嘅柚子色彩鮮明非常吸引 聞落已經有酸酸甜甜味兩者嘅鮮味及酸爽相互融合帶來幾爽嘅咀嚼感 好多柚子水汁味道啱啱好又開胃🤤鹹蛋黃單骨雞翼(6件 )每件單骨雞翼都均勻地裹住金黃鹹蛋黃醬色澤誘人 仲有香噴噴濃郁嘅鹹蛋黃味道💕外層外皮好夠酥脆 內部雞肉幾嫩多汁口感極佳 最啱我呢啲鍾意食香口野嘅人😂白胡椒肉骨茶肉骨茶賣相唔錯 可惜飲落唔夠熱辣辣😢湯中白胡椒味都唔夠重 吊唔起個味但都有2-3件肉排🥩味道唔錯 肉都易離骨香料唔算多 仲有一嚿蒜頭🧄蝦頭油炒椰菜苗呢個都麻麻地🥲雖然睇落幾嫩綠但其實炒得幾老 要啲牙力 至於蝦頭油真係有落嘅 但唔覺得落咗有分別參峇蟹肉配炸饅頭口感豐富多樣 蟹肉幾鮮嫩 一絲絲喺個汁度炸饅外層酥脆 咬落去發出脆脆聲音內部鬆軟綿密 咬一啖再點 嗦曬啲醬汁鹹香味幾足幾獨特 第一次食呢個味😃海鹽雪糕椰汁珍多冰雪糕帶有微微嘅鹹味 配落偏甜嘅珍多冰唔錯好多料喺底 整體偏甜但好涼爽😌熱香茅鮮橙茶杯茶有一種清新嘅香茅味 同新鮮橙汁嘅酸甜幾夾入口先係茅香嘅清香 跟住就係橙汁嘅鮮甜而且有啲微微嘅熱度 喝落去暖胃又解渴👍🏻
continue reading
行街去銅鑼灣時代廣場，順便食埋嘢先，上次經過 "花漾"都已經想食，見到要排隊所以卻步，今日避開繁忙時間，就可以一嚐新加坡美食啦！餐廳裝潢帶有古典氣息，環境雅致，座位闊落又多打卡位，加上店員有禮介紹，值得一讚！餐廳主打海南雞、喇沙、蝦麵同埋肉骨茶、特式小食、甜品等，款款都唔錯。花漾海南雞飯拼喇沙米線 $108海南雞肉份外軟滑，雞皮爽薄，食起嚟嫩滑有彈性，淺黃色嘅油飯香氣十足，份外好吃，另外三色醬用左黑醬油、薑蓉及辣椒醬，用嚟沾上海南雞特別香醇美味，菜心鮮甜。依份係雙拼，另一款係喇沙米線，濃郁嘅湯底，好重椰香及香料味，有少少似冬蔭功，但係呢碗唔辣嘅，與多種海鮮一齊配搭，味道更濃更香甜。新加坡喇沙摻摻 $78麵條可以揀摻摻或米線，我就較喜歡摻摻，有兩種不同麵係油麵加米粉，加埋一齊原來係幾夾，材料有大蝦、魚蛋、魚片、雞蛋、四季豆，好豐富，大蝦彈牙爽口，豆卜吸到喇沙湯嘅精華，味道香濃，帶少許微辣，食落特別惹味。芝士蟹粉蟹肉焗酥盒 $75精緻美點的酥盒，外脆內熱，蟹粉蟹肉味道鹹香，小食材料新鮮，鬆脆可口。椰青 (+$22) 飲品我選擇咗椰青，清清甜甜，椰子味潤喉，口感清新。桔仔話梅水酸酸甜甜特別醒胃，呢幾日天氣又熱又濕，適合不過。
continue reading
2024年3月6日 星期三今晚放工之後去到銅鑼灣行下街，行完時代廣場之後就諗住喺附近搵間餐廳食飯見到呢間餐廳好似唔錯咁，燈光好光猛，而且裏面嘅裝修都好雅致，暫時未到繁忙時段，所以唔算太多客人，唔需要等位就可以入座，坐低咗之後先發覺原來每張枱都係卡位黎，所以坐得好舒適餐牌上面都有好多食物可以選擇，餐廳推介嘅食物都好吸引，圖文並茂，而且仲有最新推介嘅冬日暖鍋添，不過驚兩個人食唔晒，所以最後點咗幾個菜式同飲品就算，價錢喺銅鑼灣嚟講都算合理飲品等咗冇幾耐就嚟到，係海鹽雪糕椰汁珍多冰，海鹽雪糕鹹鹹甜甜咁，味道幾特別，同椰汁珍多冰都幾配合，而且飲品夠晒冰凍，一飲落去成個喉嚨已經爽晒之後食物開始陸續送上，有街頭串燒拼盤，分別有燒蝦、燒魷魚同雞肉串燒，全部都燒得好香，加埋沙嗲汁一齊食就更加惹味，而且蝦已經剝晒殼，食起上嚟更加方便，魷魚都好有咬口完全唔韌，雞肉食落去都好嫩滑呢個係鹹蛋黃單骨雞翼，整得非常之入味，每一啖都食到濃郁嘅鹹蛋黃香味，又唔會太過鹹，味道啱啱好，如果份量再多啲就更加好最後有新加坡炒粿條，份量都幾多，足夠兩個人食用，而且有好多配料，例如大蝦、花生、臘腸同青瓜等等，加埋青檸汁再撈埋一齊食，味道會更加豐富，食落去都唔會覺得好油膩，粿條幾彈牙，食晒成碟都真係幾飽埋單每人$200左右，坐得非常舒適，亦都好享受呢一餐晚飯
continue reading
肚餓要食嘢，喺呢個商場🏬裏邊，諗吓邊處可以快脆食一餐，記起呢度，問朋友🧒🏻有冇興趣食新加坡菜🇸🇬，朋友🧒🏻話好，咁我哋就行咗嚟呢度食晚餐🤣$98「花漾海南雞飯 Vanda Hainanese Chicken with Rice (Chicken, Rice in Chicken Oil)」：海南雞幾滑，雞油飯幾香口，仲有碗雞湯裏邊有兩粒小魚蛋，又有新加坡🇸🇬黑醬油、辣醬、薑蓉可以沾雞食👍$88「參峇醬燒豬頸肉Grilled Pork Neck with Sambal (Pork Neck, Sambal Sauce)」：豬頸肉🐷燒得幾香口，加埋嗰一小碟參峇醬，令味道更加濃郁😋$82「炒通菜（蝦頭膏/馬拉盞/參醬）Stir Fried Water Spinach (Shrimp Paste / Belacan Sauce / Sambal)」：揀咗馬拉盞，幾惹味🤣；通菜新鮮爽脆，大大碟份量都好多😁$118「新加坡古法炒蘿蔔糕 Stir Fried Radish Cakes (Radish Cake, Dried Shrimp, Dried Radish, Singaporen Soy Sauce)」：蘿蔔糕基本上切成小正方體，外邊煎炸炒到脆脆哋，又係食落香口😂；仲加咗啲蝦乾仔、醃菜、新加坡🇸🇬醬油，組合埋一齊勁惹味😂
continue reading
餐廳：花漾地點：銅鑼灣時代廣場菜式：新加坡菜餐牌：茶餐11選一，有多款飯粉麵，配冷熱飲品9選一，可以加錢升級餐飲。另外仲有小食同甜品。另收加一。新加坡大蝦喇沙摻摻 $78 另加一食新加坡野一定要食喇沙! 新加坡大蝦喇沙可以揀摻摻或者米線。我地揀左摻摻。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。配料有去殼凍蝦兩隻開邊，彈牙炸魚蛋三粒，炸魚蛋有好多條，豆卜4件，同半隻糖心蛋。其他配料仲有爽口芽菜，少少通菜同洋蔥絲，面頭灑上脆脆，口感豐富。另上參峇醬同一隻青檸。花漾海南雞飯 $78 另加一海南雞有脾有胸有翼，份量都唔少，雞皮滑而雞肉頗嫩，配上三色醬比你自己調味。伴有青瓜幾舊解膩。雞油飯大大碗，濕潤度剛好，味道唔錯。仲有一碗魚蛋蔥花湯，味道鹹香，原來入面有脆口八爪魚粒，仲有彈牙炸魚蛋兩粒。炒通菜 $75 另加一炒通菜可選蝦頭膏，馬拉盞或者係參峇醬，我地揀左蝦頭膏。炒通菜熱辣辣炒起，份量足。莖脆而葉嫩，蝦膏味剛好，加有蒜蓉同炒更香，唔會太重口味。街頭雞肉串燒 $80 另加一街頭雞肉串燒一客4串，啖啖肉好嫩，個黃咖哩汁好濃味。伴有半粒車厘茄，青瓜幾塊同紫洋蔥。另配惹味參峇醬，令雞肉更惹味！班蘭咖吔多士 $36 另加一班蘭咖吔多士一客四份，係一塊麵包份量。麥包整得好香脆，入面係一片厚厚牛油同班蘭咖吔醬，食落甜甜地，係一個幾好既甜品。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。海鹽雪糕椰汁珍多冰 加$12 另加一 椰汁珍多冰好滑而椰汁非常香甜，帶唔少碎冰可以咬下。原來椰汁配融化既海鹽雪糕味道好夾，甜中帶微微鹹，好特別。呢個價錢好抵。總括而言，茶餐份量似正餐，不過價錢平好多，仲包大大杯野飲，食物質素都好高。座位舒適，裝修勁靚。
continue reading