39
5
5
Restaurant: Ying Jee Club
Info:

To promote a new salt and sugar reduction (RSS) dietary culture and living style to the people of Hong Kong, the Food and Health Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department has launched the "League of RSS-friendly Restaurants" ("League"). Restaurants participated in the League will offer less-salt-and-sugar options to the consumer or even tailor-make less salt or sugar dishes in designated restaurants. Participating restaurants will be granted with the League Labels for displaying in the premises for public identification. For details, please click here, https://www.fhb.gov.hk/en/our_work/feh/rssf.html

3-min walk from Exit C, Hong Kong MTR Station continue reading
Telephone
28016882
Introduction
The restaurant specialises in traditional Cantonese cuisine. Executive chef Siu Hin Chi is highly experienced and skillful in his cooking. Recommended dishes include stir-fried sliced lobster with onions, steamed egg white with king prawn, and pan-fried crab claw filled with shrimp paste. continue reading
Awards and Titles
Michelin 1 Starred Restaurant (2018), Michelin 2 Starred Restaurant (2019-21)
Opening Hours
Today
11:30 - 16:30
18:00 - 22:00
Mon - Fri
11:30 - 15:00
18:00 - 22:00
Sat - Sun
11:30 - 16:30
18:00 - 22:00
Payment Methods
Visa Master Cash AE
Number of Seats
114
Other Info
Prevention of disease
Wi-Fi
Alcoholic Drinks
May Bring Your Own Wine
Parking Details
Phone Reservation
10% Service Charge
Review (62)
Level7 2021-03-17
848 views
農曆新年未敢四出拜年,初七後等到疫情穩定啲即約會銀狐長輩晚聚,並由蕃薯uncle欽點一嚐中環二星名店「營致會館」。中餐廳兩層高,正門設於橫街域多利皇后街,其落地玻璃設計當眼鮮明,不難找到。地下為三用嘅接待處、候座區及酒吧。通往上層用餐大堂可步上樓梯,或於干諾道中進入盈置大廈乘坐升降機。店子面積寬廣,以木地板襯托雲石桌面,感覺雅致通爽。四人散座分佈成內圓外方,近窗位置以半梳化合併式方形餐桌圍邊,其餘內側則擺出圓枱,配上厚墊椅櫈十分舒適。桌上有齊備嘅自用及公用餐具,中西合璧,整潔企理。小弟愚見,雲石餐桌雖看似有格調,不過對高級中菜廳而言,似乎舖返張枱布先能顯出其高雅嘅氣派,同時可提升衛生度及減低碗碟所產生嘅雜聲。散點餐牌共有九頁之多,可從官方網頁下載。如相所示,每頁下方除咗提及會收取加一服務費之外,仲講明要求食客「請將手機轉為靜音模式」。XO仔早於電話訂座前參閱過,方便為晚宴預先定下菜單,到用餐當日,早到可以飲住等,人齊就可以起餸。請留意,雜項收費包括茶芥$45/位及開瓶費$500/樽。服務生溫文有禮,加添酒水、更換新碟等功夫全為自動波,食客反映意見後更迅即調整,誠懇及專業之態度實屬難得,值得一再嘉許。黑魚子煎釀蟹拑($260/位):碟子中央鮮亮嘅蟹拑伴有兩件西蘭花,師傅於盤邊以食用花及菜苗砌出相襯嘅花紋,外觀輕盈精妙得很!煎煮過嘅釀蟹拑毫不油膩,奶白色嘅蝦膠鮮爽有嚼勁,以金黃香脆嘅炸瑤柱碎及鮮美嘅黑魚籽醬點綴,口感更為豐潤,廚師推介菜式當真細膩!唯一席上嘅銀狐兄弟提到,美食如果可以熱少少就更加完美!珊瑚芙蓉蝦球皇($390/位):珊瑚芙蓉蝦球皇以黑色嘅盤子承載,成功突出其橙艷鮮美嘅色調,上枱一刻震撼到連隔離枱都要望多兩眼,絕無誇張!晶瑩雪白嘅蝦球皇極富光澤,咬落爽脆鮮甜,玻璃蝦肉簡直係零瑕疵!半浸住極品蝦球皇嘅芙蓉蒸蛋白面淋上呈珊瑚形嘅蟹膏及鮮蟹肉,舌上嘅嬌柔嫩滑頓增添海中貴寶嘅鮮濃氣質,組合配搭確真天衣無縫!明爐燒米鴨($180/例):燒米鴨皮層巧薄香脆,鴨皮與鴨肉之間半點肥膏都冇,粉嫩厚身嘅鴨肉鬆軟易入口,完全唔嚡唔實,肉汁豐盛芳香;嘻嘻,小肥最欣賞靚靚米鴨少骨,脆卜卜嘅透明軟骨仲要吞得架,一客例牌嘅份量最啱四個人分享。秘制香酥雞($290/半隻):反而最失色嘅就係整晚最熱辣嘅秘制香酥雞!香酥雞雖炸至金黃,無奈層炸漿過厚,即使雞肉唔乾卻欠缺雞味,Auntie Y直言此餸難敵快餐店出品,評語激狠。羊肚菌桂花炒粉絲($240):桂花炒粉絲撈入咗羊肚菌及芽菜炒製,蕃薯uncle就嫌粉絲唔夠乾身,細佬則覺得粉絲濕潤中帶爽,質感不錯,只係味道略為過份清淡,雖則見到羊肚菌碎嘅黑點蹤影,但真係食唔出其芬芳之香味,份量是否可以稍為調高?!濃雞湯雲吞雜菜煲($280):以砂鍋呈上嘅煲品熱力十足,哥哥仔展示過後即代為分成四碗。每人都分到一粒皮薄餡爽嫩嘅雲吞,翠綠鮮明嘅雜菜有腍有脆,輕巧健美。濃雞湯底色澤鮮黃,香甜濃郁,真材實料煲出真夠火喉,滑嘟嘟嘅粉絲索盡精華,作為單尾極為暖胃。中環星級中菜廳「營致會館」環境優雅輕鬆,服務生相當好客,而且貼身稱心,佳餚有「營」健康,廚師推介海鮮菜「黑魚子煎釀蟹拑」及「珊瑚芙蓉蝦球皇」尤其精美高質,高級價格尚算合理之列。 continue reading
Level3 2021-03-22
508 views
繼續米芝蓮星星之旅,由於人數少一直很難品嚐中餐,這天與朋友一起來到擁有兩粒星星的營致會館品嚐下午茶。營致會館於 2017年 開幕,餐廳由行政總廚蕭顯志師傅主持,他過往十一年間連同今年剛得到的二星共累積摘得十八顆米芝蓮星。蕭師傅帶領團隊匠心炮製出獨樹一幟的美饌,每道菜式均採用最揀手上乘的食材,配合超卓非凡的廚藝,展現出烹調傳統粵菜的精粹,滿足饕客的味蕾。「營致會館」樓高兩層,由國際著名建築及室內設計大師梁志天及設計董事蔡華麗操刀設計,概念揉合中西文化的精粹,極富時代感餐廳以寓意福壽吉祥的翠綠碧玉作主調,配搭金屬細節及中式擺設作點綴,例如象徵豐足的算盤圖案及祥瑞的麒麟,營造出高雅恬靜的舒適感覺。進入餐廳後慢慢欣賞餐廳裝修,餐廳裝修優雅,以深灰色、黃色、綠色為主,顏色比較貼近大自然,可以在很多餐廳佈置上都看得出是玉器為主題。餐碟及筷子座都是玉器,筷子座的玉器只細一看居然是印璽,很有中國風,文藝氣息濃厚,裝修擺盤都恰到好處,素雅溫潤柔美又高貴。餐廳只有一款下午茶提供,營致精選下午茶($328)/位, 兩位起,有很多款食物,另外再加錢要了餐廳其中一樣招牌的蟹鉗。侍應先送上了辣椒醬及蒜蓉醬,星星米芝蓮餐廳果然不同,一般中餐廳要三催四請才能得到的辣椒醬這裏一開始就預先送上,另外還奉送蒜蓉醬,服務窩心。新派的中菜擺盤不同,不再是一大盤大家一起分享,而是每一位都有各自獨立享用的食物,貼近西式擺盤,賣相更精緻,也更貼合現在高要求的衛生條件。首先上桌的是營致特色拼盤,一碟內放有四款食物:蜜汁極上豚肉叉燒黑魚子鎮江餚肉芝麻涼拌海蜇脆皮鍋貼小棠菜Ying Jee appetisers selection 營致特色拼盤Honey glazed barbecue pork蜜汁極上豚肉叉燒首先品嚐叉燒,叉燒肉選用軟腍的梅頭,肥美油潤,基本不需要怎麼咀嚼,肉質非常柔軟。調味方面醃得香甜入味,燒製後有少許焦增添香氣,是經典美味的粵式叉燒做法,美味。Marinated pork terrine with caviar黑魚子鎮江餚肉餚肉晶瑩剔透,面層的黑魚子更增添賣相,入口冰涼,在口中以溫度慢慢溶化餚肉的高湯啫喱。這款鎮江餚肉做得有水準,肉質細滑甘香,越咀嚼越鮮味。Marinated jelly fish with sesame 芝麻涼拌海蜇涼拌芝麻海蜇份量是四款頭盤中最多的,味道中規中矩,口感爽脆,當然調味適中,味道仍然是好的,但和坊間的分別不大。Crispy Shrimp paste with Shanghai cabbage脆皮鍋貼小棠菜這款脆皮鍋貼小棠菜就有點失色,雖然用料上乘,用上了大量蝦膠,吃得出蝦肉的鮮味與彈牙,但整個脆皮都太過油膩,加上已經放了一段時間溫度已經變冷,油沁到底層的脆皮,底層的脆皮已經變得軟腍,加上蔬菜的比例偏小,未能減低油膩感,整體感覺不佳。總括四樣頭盤,味道雖然不錯,但驚喜也不大。評分: 7.5/10Dim sum combination 陸式點心薈萃接下來的點心薈萃,先上來蒸點心三款,用同一個蒸籠送上。3 kinds of Steamed dim sum 蒸點心三款蝦餃蝦餃是三款點心中最大件的,看上去就比一般的蝦餃份量更大。用上的他是新鮮的海虎蝦,非常彈牙而且充滿蝦味,和一般餐廳酒樓用的海蝦不一樣,比較之下質素高下立見。由於份量大,在口中咀嚼的時候非常過癮,彈性十足,滿口都是蝦肉鮮味,滿足。😋帶子燒賣這份帶子燒賣也和一般餐廳的不一樣,雖然賣相差不多大,但品嚐過就知道不同。不同之處是帶子是選用新鮮厚肉的帶子,味道鮮甜,肉質細膩,而且中間的部份不是豬肉,而是新鮮的海虎蝦肉,所這是一份高級版的海鮮燒賣。果然是兩聲米芝蓮餐廳,用料非常高級,可以提供不一樣的點心體驗。黑松露素餃黑松露素餃中全部都是切得細碎的角色蔬菜及菇菌,非常方便咀嚼,各種蔬菜及菇菌更提供了很多不同的口感,而且蔬菜的甘甜和菇菌的鮮香互相提升味道,再加上黑松露的香氣,很是美味。三款蒸點心中,我最喜歡這款黑松露素餃。評分: 8.5/10Three kinds of fried dim sum炸點心三款三款炸的點心分別是春卷形狀的火鴨絲春卷、手袋形狀的和牛千絲酥及叉燒酥。火鴨絲春卷春卷的餡有火鴨絲、韭菜、菇菌等等,但略嫌溫度不夠,所以香味不夠突出,味道只屬普通。和牛千絲酥這款賣相非常可愛的手袋酥,以肉汁豐富的澳洲M9和牛及香蔥入饌,炸成別致的手袋形千絲酥,外脆內軟。味道濃郁充滿牛味,但沒什麼驚喜,味道不及賣相吸引。叉燒酥最後的叉燒酥當然是用上黑豚肉,味道也是跳得正宗,鹹甜適中,但和坊間的也差不多,驚喜欠奉。總括而言,三款炸點心都屬於比較普通,不及蒸點心好吃。評分:7/10Pan fried crab craw with shrimp paste and crispy Conpoy 金瑤煎釀鮮蟹拑(另加$180)這到另外加錢的讓蟹鉗是這一頓中最為出色的一道菜。師傅把傳統炸蟹箝改為用上湯把蟹箝以慢火煮熟,繼而煎香,面層點綴炸過的瑤柱絲,香脆鮮美,讓鮮味更為濃郁。無論是蝦膠或蟹鉗都是新鮮貨色,吃得出蝦味濃郁彈牙、蟹肉鮮甜,雖然蟹肉不多,但一絲絲的蟹肉甘甜美味。由於用上的海鮮都是新鮮的、高質素的,所以把炸改為煎這種做法更為聰明,因為原汁原味,更能吃得出海鮮的鮮味。畫龍點睛之處當然是炸過的瑤柱絲,炸過之後鮮味更加濃縮,而且能為這個菜式提供一種不同的對比口感,也能貫徹傳統炸蟹鉗的特色。擺盤方面也傾向西式精緻擺盤,放上食用花很是美觀。評分:9/10Inaniwa noodle with shrimp wonton in fish broth 魚湯雲吞稻庭麵在三款主菜中選擇了魚湯雲吞麵,因為很想喝一碗濃郁鮮味的魚湯。這碗雲吞麵有兩粒大雲吞,採用的仍然是新鮮彈牙的海虎蝦,咬下去爽脆,咀嚼的時候紮實有力的回彈令口感很實在。魚湯呈奶白色,魚味濃郁,配合軟綿的稻庭麵相輔相成,有一種溫暖的幸福感,作為結尾的主菜真是不錯。評分:7.5/10Ying Jee Dessert 精美甜點接下來是放在同一碟上枱的兩款甜點,一熱一冷,互相輝映。Crispy sesame ball with banana and Lotus seed paste 香蕉蓮蓉芝麻球首先是熱的甜點,香蕉蓮蓉芝麻球。芝麻球炸得鬆脆,和一般的芝麻球相比,多了香蕉的香甜和蓮蓉的綿密,芝麻的香氣也很突出,比坊間的更香更甘甜。Chilled red bean pudding with coconut milk百眉椰汁紅豆糕另外冷的甜點是百眉椰汁紅豆糕。鴛鴦色兩層的紅豆糕造成可愛的心形賣相,更在面層放上少許紅豆蓉及金色的食用珠令賣相更精緻。入口冰涼,紅豆煮得綿密酥軟,椰汁的味道也很香,是不錯的結尾甜品。評分:8/10總括而言,這份下午茶用料高級,真材實料,充分表現出高級粵菜的手藝。不過以整個平衡感來說,雖然選用的海虎蝦非常鮮味彈牙美味,我覺得蝦肉太多,以這個套餐來說味道難免重複,美中不足。總評分:8/10 continue reading
(The above review is the personal opinion of a user which does not represent OpenRice's point of view.)
Level4 2021-03-08
866 views
「營致會館」貴為米芝蓮二星,食物質素同服務都有返咁上下!- 行政午餐 - ($680+10%)•花雕醉香鴿伴意大利陳年黑醋日本溫室青瓜花雕味幾香,鴿肉夠嫩,青瓜爽口清甜,點上黑醋開開味蕾,一道唔錯嘅前菜!•點心拼盤最欣賞係春卷,炸得脆口連一滴油都冇,蝦餃皮夠薄,裏面嘅蝦仁好大隻,彈牙夠爽!•松茸菜膽燉原隻南非鮮鮑一道幾清嘅燉湯,每碗都有原隻鮑魚,唔錯!•豉汁帶子蒸白玉豉汁味道幾香,帶子夠爽,連埋豆腐一齊食,味道啱啱好!•豉椒京蔥爆澳洲和牛柳牛柳夠嫩,醬汁夠濃,但唔係點食出有牛味!•魚湯雲吞稻庭麵魚湯夠濃,稻庭麵雖然唔係太彈牙,但整體味道唔錯!•營致甜品有我最鍾意嘅蓮蓉西米焗布甸,💯!整體來講,賣相同味道俱備,所用的餐具亦講究,每道菜食得出師傅嘅心機同功夫,性價比甚高! continue reading
(The above review is the personal opinion of a user which does not represent OpenRice's point of view.)
Level2 2020-12-26
1980 views
今餐我覺得係色香味俱全大餐🌈👃🥢見到其他foodie介紹營致會館,見到menu都吸引就去食個中式聖誕大餐⛄🌲價錢$880一位另加一,需要提前一兩日預訂。由上第一道菜開始至鮑魚荷葉飯,我都會話好香呀🧖味道更加是出色,難怪連續攞三年米芝蓮。每一道菜都出色,要數最正就係官燕鷓鴣羹🦆,將鷓鴣肉打到變蓉,要加上上湯及一大匙官燕,好甜,好滋潤,好補身😌如果日日食一碗身體應該好健康😂燒雲腿海参乳鴿脯🕊️係另一道要highlight 既菜,因為佢既鴿肉嫩滑到似食嫩牛咁樣,加上餵到好入味既海參配上甜甜地又炸過既雲腿,每樣輪流咬一啖好正😌不過其中一舊鴿肉係帶皮,所以都會令到個餸有小小油,但絕對可接受。瑤柱花膠扒柚皮又係正到爆,又係一黎就已經聞到好香,之後個柚皮完全無苦澀味而且吸收哂個高湯汁,連埋d瑤柱絲同埋花膠一齊食好掂,e個餸個主角係d汁同柚皮,食完一份係可以再食第二份😆營致甜品入面三款甜品都高質,適合飲住茶慢慢歎,絕對係小甜岩港人好味同埋好傳統,配合到個主題。以上四款菜係我覺得成個set入面最值得highlight 既,以下既好味但未至於好難忘:窩貼大蝦🦐佢下面個底唔係白麵包而係配芋頭,都夾既,隻蝦好大隻都好爽,蓮藕餅有豬肉味但我就唔係好食到有蝦味。古法白肉星班球🐟(即係東星班蒸豆腐配冬菇絲,豬肉絲,紅棗絲)材料新鮮加上有火喉控制,梗係好味啦。翡翠龍穿鳳翼🐣係起哂骨既雞翼入面讓左雲腿同筍(應該係),只能說係功夫菜,但味道冇太大驚喜。鮑魚荷葉飯隻鮑魚有鮮味,飯入面有冬菇雞肉瑤柱絲,飯粒濕潤索哂味。總體黎講佢真係做得好到位,成個menu基本上大部分肉類都有食(除左牛同羊),賣相同味道俱備,同其他高級中菜廳一樣,除咗賣相好presentable之外,餐具(碗碟)都幾靚,可以有下次。ig name=hkfoodiefgg continue reading
(The above review is the personal opinion of a user which does not represent OpenRice's point of view.)
Level3 2020-11-24
1790 views
今日突然想食點心,所以同呀妹今次試呢間中環米芝連2星⭐️嘅餐廳❤️超級好味!所有嘢都好精緻,細細碟但好飽!有啲菜式雖然簡單但係食到師傅嘅功架,2星真係有原因的,不過蟹肉粟米羹係笑點😂,因為食落去同罐頭粟米湯一樣,有啲失望,所以影相都廢事影😅,煎腸粉看似簡單,但好少餐廳可以做到嗰個好脆口嘅口感yummy,但我個人認為一定要試個鮑魚炒飯,因為夠哂味我鐘意,點解兩個女仔飲茶都可以開枝酒飲🤦🏻‍♀️但飲茶嚟講價錢算係奢華💕 continue reading
(The above review is the personal opinion of a user which does not represent OpenRice's point of view.)