八幡屋日本料理 (Closed)

呢間野好唔掂，真心唔推介。除非好肚餓，其他餐廳等位等好耐，如果唔係千祈唔好黎呢間。食物質素低，野食味道真心一般。好多都太咸，炸物既炸粉太厚；炸魷魚送到黎唔熱已經硬哂。已經唔係多人食出野食都禁慢；寫左幾張紙都無黎，第一次食放題係有一半時間係度等多過食。隔離檯追幾次單，我地追都費事追。食到無癮提早埋單，埋張單都要等3、4個字，好無奈。好差！食到燥底，第一次食放題唔係飽到食唔哂係俾左錢唔俾野食你！唔會再黎呢間😡唯一好既係服務唔差囉😒

啲野食質素好差，岀餐勁慢，問題系間野冇坐爆人都可以甘慢。未食過甘差既放題等左成個鐘吹左幾次都未岀到野食(但用餐時間得大約2個鐘，淨系等食都等左大半時間)，跟住岀啲野食又吾熱 好差，聽到隔離枱都話甘耐未有野食。呢個價錢吾需要食呢間野，有其他更好選擇，完全吾抵食，試都吾好試 好伏。請埋我食都吾會再去，完全吾知食緊乜落肚第一次食野食到燥底。劣質仲有其他樓下既放題都好多人等，呢間冇人等直接入得，宜家終於明點解😂

雖然咁講好奇怪,但我真係為了就水信玄餅而去呢間放題.首先我晨早book了檯,當日準時到達但佢話無位要等,之後叫我去同一商場另一樓層的"分店"1.既然無位咁我book的意義在哪裡? 2.另一樓層係一模一樣點解另一樓層唔係叫呢個餐廳名? 為免中伏我堅持等!其實呢度真係逼到一個點,算,野食最重要,呢度選擇都算多,唯一問題就係上台速度...魚生佢好精美咁擺盤,如果新鮮度有待改進,而且張台好細,上到來,其他食物無位擺=-=壽司方面佢選擇都幾多元化,由於我對食真係無要求,所以我覺得D壽司係食得落,不過你話食材係咪最新鮮呢,咁又唔算,起碼最簡單,玉子都唔係好玉子顏色..不過我覺得炸物佢地做得唔錯,雖然多油左少少,不過炸得夠透,所以好脆,好入味,甘栗紫薯餅同炸蝦天婦羅係我的推薦~番薯都幾好,雞翼好香好惹味~~燒物都係有D水準之作,我覺得牛舌同翠玉瓜最好食,特別翠玉瓜好多燒汁,所以好好味,不過上台時間就.....rewind返去前菜先!其實佢前菜選擇都真係幾多,款款我都好想食,呢D涼拌基本上無得輸,難食極有個譜,只係蟹籽沙律可以多番少少會好D...終於去到甜品,我立刻畫左幾粒水!信!玄!餅! 點知佢勁耐

尋日出MK買隻figure 比個 Kidult做生日禮物, 一行出 CTMA, 有人塞左幾張樓上食肆嘅宣傳單張比我, 因為未到時間去 Karaoke 慶生, 又差唔多時間都要搵嘢醫肚, 我其實對MK嘢食, 無乜要求, 是但揀咗間日式放題開餐.上到去八幡屋, 間嘢都幾爆下, 不過一條友唔駛等, 即時有位坐.因為手機食先, 睇番啲相, 先知原來自己食左唔少野, 嘢食都算唔錯, 有板有眼.我最鍾意火炙左口魚裙邊壽司, 其次係炸蝦天婦羅同埋蕎麥麵, 可惜嘢飲選擇唔夠多.最好笑係有bb 板象拔蚌, cute 到爆 , 不過d 牛脷 overcook, 雞軟骨太油膩, 仲有啲咖哩魷魚駛唔駛咁辣.Overall 呢間放題唔錯, 落單上菜都好快, 最好係無漏單, 啲嘢食都到齊曬

It's been ages since I went to MK for all you can eat.Went here because of all the good ratings on Openrice.The restaurant is spacious.As a standard, there is a drinks and dessert counter.The crab congee is highly recommended because it was deliciously thick and comforting with a lovely crab taste.The sashimi, handrolls and sushis are good as well.Tomato salad:For carbs, I had soba noodles which were chilled and soothing,Surprisingly, the prawn tempura was really good because the coating was fri

今日同我寶寶去兆萬既八幡屋，而我對放題⋯係好鐘意！因為可以食住刺身，又可以食下小食。諗到都爽。 一早已經book定枱，怕冇位好掃興a_a 黎到送左隻芝士波士頓龍蝦，龍蝦係升級就會送，出去叫隻龍蝦都幾十蚊啦，即刻翻晒本！ 龍蝦啲芝士夠晒多完全唔使驚好Dry，仲要好有彈性，估唔到送嘅龍蝦都可以做到咁新鮮，完全唔馬虎！ 咁岩又有個加幾十蚊升級，多D野食，裏面有啱心水所以就加錢啦。同埋見到隔離嗰啲人都有升級，自己唔升級都對唔住自己。 升級生蠔同埋蝦都唔錯，生蠔冇沙，好乾淨，都幾清新。蝦就好新鮮，完全爽口又清甜。 咁當然叫埋刺身係例牌啦，黎到個賣相又花又草，好多心思，不過我就梗係食左先講。 講最新鮮既，亦係我最驚訝既係希靈魚 ! 無錯係佢啊。直程可以媲美日本既味道 ! 平時香港食到既偏酸，肉質實而不爽。今次食到係食到魚既鮮味 ， 肉質爽口。 刺身出油唔多，冇多餘水份，絕對新鮮。 有頭蝦鮮都好正，夠甜！當然仲有好多刺身包括帶子，虎蝦以及三文魚，都係唔錯嘅選擇。 仲有好多壽司手卷依D野在乎你想用咩角度食野，師傅握力？新鮮？飯煮成點？但係用香港人既角度睇啦。飯醋適中，新鮮美味。海膽手卷啲飯

我地3個人黎食晚餐，睇到網上食評好似唔錯，諗住黎下啦。黎到先發現聞名不如見面，我第一次去到食放題，第一輪點既野都可以唔齊，仲要叫10款刺身黎得5款，仲要每款得3,4舊。炸雞翼未熟晒，燒雞串暖既，眾所周之燒雞串返貨已經經係熟食，拎去叮番熱都做唔到。燒蝦一咬落去就知係凍既，都唔知放左幾耐。汽水櫃係自助既，但係坐左係到成個鐘都仲未有人fill。依餐晚餐簡直就係貼錢買難受。今餐咁既垃圾餐人均消費23x😡😡去食尖沙咀大喜x都係差唔多價錢，佢俾埋錢我都唔會再黎食💩💩

身邊的朋友是一名食家，他對放題很有要求，正當我們討論揀邊一間放題嘅時候，佢建議食八幡屋放題，原因係種類繁多，預先訂座仲可以免費自製章魚燒小丸子；芝士龍蝦係升級就會送，聽落去非常抵食。朋友點了這個凍蕃茄沙律，冰凍且新鮮的番茄片放在沙律菜上，加上酸酸的黑醋汁，十分開胃，沙律菜尚算新鮮。生蠔刺身我們二話不說點了6隻，睇落去賣相不錯，是原隻即開即食，蠔味OK，放題算係咁上下，同時不會有太多沙沙石石，不會讓人吃得很狼狽。點上旁邊附有的檸檬汁和辣椒蕃茄醬，yummy~雖然話係任食，但係都要試下其他嘢架嘛。珍寶赤蝦刺身，肉質非常厚身，口感軟淋淋的，可是蝦味並不重，(一向都是小甜蝦較重蝦的) ，所以我喜歡點上醬油和芥末提升鮮味。刺身拼盤:三文魚、希靈魚、北寄貝、象拔蚌和甜蝦，食放題點刺身拼盤是常識吧。三文魚非常厚肉，魚油豐富，入口滿是幸福的感覺。希靈魚味道不算太苦或者腥膩，特別係魚肉嘅味道十分不錯。不過講到尾最特別嘅係迷你北寄貝，雖然它的大小比正常的細了一倍，但是感覺上爽口和鮮甜無比，象拔蚌都好夠新鮮，食落去好爽口。黑松露帶子壽司和澳洲和牛壽司，帶子的口感非常軟林，但是帶子味不重，被香噴噴的黑松露味蓋

收工後和朋友去了一間位於旺角的題食晚飯，一進入餐廳內，餐廳內的裝潢和佈置充滿濃郁的日式氣氛。讓人感覺很舒服。坐低後，店員看見我們的隨身物品比較多，可能有礙於進食，所以主動問我地需唔需要將我們的袋先寄存在他們的收銀臺，讓我們感覺非常貼心。食物方面，不論在炸物、刺身、頭盤和甜品等等各方面的種類都非常繁多，讓我們有不同的選擇。而我們亦加了錢做一個升級，有額外生蠔、油甘魚、仲有大大條嘅珍寶赤蝦等等，因為唔係間間放題都有油甘魚刺身，口感方面，油甘魚食落不腥，口感非常鮮甜，亦都唔會軟淋淋，值得一試👍👍整體來講刺身係好好食、食材非常新鮮。而天婦羅方面，有南瓜、蝦、蟹棒等等不同種類啲粉又唔會炸得太厚、可以話係啖啖肉👍👍另外有不同嘅佐酒小吃，有雞軟骨❤咖喱魷魚、牛舌、粟米等等💕攞嚟送酒簡直係無懈可擊😭😭手卷方面今次嘗試了鰻魚手卷🤤🤤出面紫菜非常脆，而入面嘅鰻魚熱嘅，令我非常感到意外😱😱仲有其他壽司舊飯都唔會太大，暖暖地，舊肉夠Fresh，非常滿意。因為好多日式放題餐廳手卷都係整定嘅所以好多時啲紫菜都係淋嘅，可見呢間放題係即叫即做。另外重點來了，差不多結束時，我們還點了一個蟹粥，送到來的時候，係有一隻蟹係

去澳門玩完返黎，返到黎已經餓到暈。個腦不斷呼喚我去食放題😂我地揀左去八幡屋日本料理😍.坐低之後私人物品可以放係櫈下面，個設計幾正，超窩心😍另外我地加$要左要個升級體驗。即刻多左勁多選擇，岩曬中意食野嘅我👅.我地係升級體驗到揀左個日式海膽蒸蛋、和牛壽司同鹽燒牛舌。日式海膽蒸蛋好滑，個底仲有勁多蟹柳，好清甜😋我好中意食牛，佢嘅和牛壽司同牛舌岩曬我。和牛上啲汁甜甜地。而牛舌食落好爽，超有咬口😻.對於海鮮控嘅我，當然要叫盡各種刺身、壽司同手卷啦🐠🍙佢嘅火灸壽司真係款款出色。平時啲日式料理嘅火灸三文魚上面通常係芝士。呢到特別啲，係芝麻醬，酸酸地，又唔會滯，可以食到多啲野😄而刺身，必叫三文魚啦。三文魚厚度剛好，帶有清甜。仲有虎蝦同帶子都係我嘅最愛，亦都係我認為必選嘅刺身👍手卷方面，我地揀左饅魚同軟殼蟹手卷。兩款手卷黎嘅時候都係熱嘅，可見佢係即整即上。而且軟殼蟹食落好脆唔油，加埋啲沙律醬真係絕配😍手卷整得細細舊，食完仲可以食到好多野，唔驚飽😊.食放題冇理由唔叫天婦羅嘅😏我地叫左天婦羅蝦、蕃薯同蟹棒。蕃薯真係超級甜，細細粒，唔易飽。蝦同蟹棒都好清甜。全部都唔厚粉，又唔油膩👍.第二round我地叫左小食

放題當然去兆萬中心，每位＄158 起，清酒啤酒任飲和海膽手卷任食，限時兩個小時。加級放題另加$60/位，可升級生蠔任食和送芝士焗龍蝦。點餐紙上列明人氣、推介和必食項目，讓人很快就可以選好心水食物。升級體驗的食物包括人人都愛的珍寶赤蝦刺身，肥厚大隻，味道和層次更上一層樓！餐廳設有訂座優惠，我倆選了一客海膽刺身和生蠔刺身。朋友大讚蜜桃蟹子沙律夠新鮮，我的蕃茄沙律滿有和式風味，蕃茄很甜又脆口。另有兩款沙律，份量都比較小，若想清腸胃或充當餐前小食都挺不錯。刺身最新加了赤目鯛，另外三文魚切得比較細片，可再加單。刺身豐富，達16款，其中包括：劍魚腩、有頭甜蝦、北海道帶子、希靈魚、象拔蚌、八爪魚、鮑魚片、馬刀貝等等。鰻魚壽司夠多蒲燒汁，好juicy! 還希最愛的玉子壽司，夠甜又有蛋香。火灸海膽蝦壽司是最新創作的成品，另有數款以火灸為主題的壽司都可以一試！特色壽司以黑松露為點綴，其中黑松露帶子壽司比較推薦。手卷和卷物類都有十款以上，外型「迷你」真是優點，可以點數款試試！其中北寄貝沙律、銀魚仔、水蜜桃珍寶大蝦和櫻花蝦三文魚手卷都是新增的手卷，值得點來品嚐！小食試了日式味增煮蜆和汁炒聖子，後者的份量不算多

今日同friend兩個人唸住去食放題，行過兆萬見到好多嬸嬸派傳單，都幾多放題店揀~同friend睇左陣決定試八幡屋~ 去八幡屋無得係地下直接搭lift上去，要搭扶手電梯上幾層再搭lift~入到去發覺地方唔算大，但都好多人，幾乎滿晒~Menu同一般放題餐廳既menu都差唔多，大同小異，同friend例牌都係點刺身，壽司，炸物，燒物，小食~以下幾款都幾好食，值得推介！1)黑松露帶子壽司: 黑松露味好出，帶子又鮮甜嫩滑，正~2)炸物(芝麻雞翼，香芋丸，日式炸餃子): 芝麻雞翼好香好脆。香芋丸個餡甜而不膩超好味。炸餃子外脆內嫩，個餃子餡好juicy.3)小食(雞肉串，咖喱魷魚): 雞肉串個醬調味剛剛好，雞肉都好滑。咖哩魷魚係因為好奇而點，但都唔錯，有街邊小食店既風味~4)甜品(泡芙，蘋果一囗大福): 泡芙有忌廉，綠茶同士多啤梨味，本人最鐘意士多啤梨味~ 蘋果一囗大福細細粒好fresh好清香!總括黎講食物質素同餐廳環境都算唔錯，上枱速度好快，侍應態度都好好，唯一缺點係兩人枱張枱比較細，要食得好快先夠位擺XD

趁今日平日唔洗同咁多人迫又可以準時放工，就約左個朋友去試下呢間八幡屋日本放題。之前都成日見朋友係度打卡，所以一直都好想試。好在一早book左枱，平日黎講都好full下！值得一讚係門口既接待員服務態度好好，見到我友人未到，都好慇切咁招呼我入去一路揀住野食一路等，讚！放題黎講，食物選擇唔算話特別多，但部分會寫住推介及必試等等，反正未食過，我就將佢推介必食系列都寫2份！食物黎得好快，但放既位置有限，我同友人都要好高速咁將食物放入口，又要相機食先，真係好忙。 第一味比較深刻既係黑松露帶子壽司，呢個配搭真係第一次食，兩者味道都好鮮甜，所以配搭住黎食都唔會互相搶左知味道，可以encore! 超喜歡食海膽既我當然要試試海膽手卷啦，個present好特別，令成件事開心左～雖然第一眼望落海膽既色水好似唔同平時見到既，但係食落口又幾鮮甜喎！ 食完壽司打底，就輪到食炸物啦，呢度既炸物同小食款式都幾多，叫左都係寫住必試系列，每次食日本野必食既炸魷魚圈，炸香芋波同埋芝麻雞翼。炸香芋波就非常出色，外脆內軟，香芋味一發不可收拾，係口腔不斷徘徊，我想瘋狂咁食炸香芋波呀！

今日同朋友一齊去食依間兆萬既八幡屋，大家都知兆萬根本係放題廣場黎。咁見八幡屋有得加錢升級同埋星期二晚都可以咁full咪去一戰下。升級menu有頭赤蝦，油甘魚，生蠔等，有頭蝦鮮甜彈牙，油甘魚俾朋友食哂，生蠔本身我地都一般般所以無試na。手卷方面，我叫咗海膽手卷同北寄貝沙律手卷，前者海膽creamy，d飯唔多，唔會一舊就飽，後者就放題好小見，好好食，d北寄貝粒粒有咬口，good。壽司款式多，但胃口唔大，所以叫咗花之戀同劍魚腩2種，花之戀細細舊，一口過，d沙律醬不用太甜，唔錯，不過相比下我覺得劍魚腩就出色d，腩位同飯一齊食，無咁膩！熟食選擇好多，我最愛最愛既牛舌都有，食咗8-9串，佢用小小鹽，放題黎講勁高質！4星呀！之後牛油炒雜菌勁多牛油炒，好好食。黃金焗大蝦依個菜式我第一次放題見到，細細隻，芝士味濃，蝦身無痴殼，姐係新鮮！海膽蒸蛋有大大片海膽係上面，蛋夠滑，真係要食依個，海膽甜而不腥。到最後緊係食返個甜品na，我就食咗水信玄餅，出面都賣至少45蚊粒na，好有彈性而且小小甜嘅啫喱，打卡一流。反而紅豆奶凍有驚喜，甜度適中，奶香重，食咗幾杯呀其實出面都有雪米糍同雪條拎，但當晚雪條賣哂na⋯會再去

朋友早已相約放工後到旺角區食日式放題~八幡屋日本料理。 這店裝修跟一般日本料理放題的風格差不多。 八幡屋日本料理有多種類美食任揀任食,有刺身、沙律、小食、燒物、炸物、日本料理、 壽司、麵飯等熱盤料理、甜品及飲品等。*** 升級體驗 另加每位$60 有更多特別款可以食,如有生蠔、油甘魚、 赤蝦刺身及和牛壽司等。*** 首先送來刺身先 刺身色澤都不錯,質素及味道都好平均,特別厚切三文魚好肥美;劍魚腩口感清甜;帶子十分鮮甜; 而象拔蚌及馬刀貝爽口彈牙。 *** 升級體驗的食物肥美的生蠔味道鮮甜; 油甘魚口感煙韌鮮甜甘香, 而赤蝦鮮甜彈牙。*** 升級體驗送芝士焗龍蝦,是開邊處理製作, 香濃芝士汁配上啖啖的龍蝦肉,有幼滑爽口的雙重口感。*** 前菜沙律點了水蜜桃蟹子沙律､味付螺肉及中華沙律,食後十分開胃。*** 細細件海膽手卷,好甘甜可口, 可以食多幾件。點了多款壽司, 款款好好味,特別 和牛及黑松露珍珠鵝肝帶子壽司特別好食。*** 特別豬軟骨好淋入晒味, 而蒜片牛柳粒味道及口感就一般 。*** 點了蝦天婦羅、炸芝麻雞翼、 炸魷魚圈、吉列烤蠔, 口感香脆不油膩。*** 一品鮮燉湯好飲夠味,而