八幡屋日本料理 (Closed)

呢間第三次食，頭兩次都感覺良好但昨晚一行九人去食就中招了升級野食出得慢，加錢升級後說上一時段太多人加錢升級無龍蝦送，改送海膽等六選一，但海膽遲遲唔上，追了好幾次終於上，但一入口有怪味，六人有四人立即吐出，我吞左但食完第日仲要腸胃炎升級後的食物油甘魚無味的蠔除了第一轉之後就點廿隻出十隻魚干可以赤蝦狂追都係要你結賬時才來了四隻仲要有其他蝦放一堆充數，而且赤蝦食落有一口沙感覺未返到屋企已肚痛，半夜仲肚痾

旺角好多放題，花多眼亂。呢間見朋友話食過，話幾多選擇。又可以打邊爐又可以放題。所以就黎呢度食喇。又係分時段。我就揀左宵夜時段黎，可以平啲 😃😃book左抬，所以夠鐘就入得喇！野飲方面都幾多選擇喎！有幾個大雪櫃你揀。👍由於可以打邊爐關係，所以可以出去夾啲打邊爐既野食，但種類唔算多。都係普通野刺身方面，大蝦，三文魚同油甘魚都幾靚。上菜都算快。難得有得食海膽壽司，當然要叫……但一舊得好少海膽😅😅好唔抵叫！食飯都食飽喇！呢間啲野食都幾多野揀同食到濟，都可以打邊爐，淥d菜食。咁都幾好。👍算唔錯。

上網見到好似好吸引咁，睇相見到放題價再加$50有生蠔食咪打去卜位，入座後職員就話加$60/位 都算，即叫10隻生蠔試試，嚟得8隻，一放落口 殼同蠔隻隻都分離嘅，一睇就知啲殼係翻用再翻用，個殼連好似瑤柱咁嘅嘢都被鏟走咗，都唔知有冇洗過先翻用🙈，就咁放隻廣島蠔落去👎🏻，第一轉點蠔都快送到，第二轉點就要劃二張紙再叫二次職員漏單先到，所以加$60係超級唔值，而其他生熟食物同外出放題店一樣，所以絶對無下次！！！

今日我地黎到呢間位於旺角既八幡屋日本料理係朋友介紹既關係事前係無睇過menu就黎我地都好彩book左位因為門口都已經好full坐低第一時間然係點野食就發覺款式種類都好多係升左級之後仲有生蠔、油甘魚刺身、赤蝦刺身同埋和牛壽司！升級食品生蠔 係一間放題食生蠔都係大膽嘗試 但係食完之後二話不說就已經要再叫多幾隻 升級之後仲送左芝士焗開邊龍蝦 蝦肉爽口彈牙加上芝士簡直係100分咁當然第一時間就緊係叫個刺身食下先啦 可能因為人流關係各種刺身都幾新鮮蝦同帶子就當然係必食既 佢地啲刺身賣相都唔錯色澤同味道都好平均 個三文魚腩厚切真係食過返尋味象拔蚌同馬刀貝都爽口彈牙特別一讚既係壽司飯 師傅搓壽司飯既技巧都一流食個飯粒非常鬆軟我之後我都叫左我最中意食既牛脷 可能因為我食牛脷比較喜歡比較爽口既 而呢個就比較林除此之外我都叫左好幾樣燒物同埋煮物（芝麻雞翼 香芋丸 日式炸餃子）芝麻雞翼又香又脆香芋丸個餡甜而不膩超好味炸餃子外脆內嫩 個餃子餡又夠juicy總括黎講 呢間放題款式多又好味唯一唔好就係太多人要排隊所以記得要book位！

昨日我生日，姐姐帶我到兆萬中心9樓有間叫八幡屋日本料理食放題，姐姐話佢收費合理每位$218，仲可以升級每位$60，另加一服務，只要升級，仲有龍蝦奉送。 先講龍蝦，咪以為送就會馬虎，一啲都唔會，令我仲有驚喜添，原隻大大嘅芝士焗龍蝦，離遠已經聞到佢撲過嚟嘅香濃芝士味，啖啖肉嘅龍蝦，肉質夠鮮甜，肉汁夠豐富，食材新鮮再加上大廚嘅功力，簡直係絕配。先講壽司，我哋試咗佢幾款壽司：火炙沙律松葉蟹棒壽司，火炙海膽蝦壽司，火炙芝士蝦壽司，款款都不同風味，新鮮就一定㗎啦，最值得提嘅火炙胡麻三文魚壽司，當你食完一轉之後會繼續再叫第二轉，三文魚新鮮無比，夠肥大油質豐盛，加上佢自家製嘅麻油香料，配合獨特嘅火炙製法，唔係別家隨便食到。一個地獄汁煮螺，聽起好像好邪惡，但係非常惹味，佢嘅辣味好多人都食到。一個日式味噌煮蜆，整個日式嘅風味都展現出嚟，非常可口。多款炸物都做得好出色，新出一個日式可樂餅，材料係用牛肉煮製，牛肉味濃郁，加上優質薯蓉，薯蓉嘅質感 ，鮮味嘅牛肉，配合得相得益彰，外皮炸得夠鬆化，外脆內軟，調味適中。一個炸芝士年糕，芝士味香濃，年糕煙煙靭靭，炸起又不過火，外面鬆脆，內裏軟滑，年糕夠煙韌，仲有流心嘅芝

剛從日本回來不久，便懷念日本的美食。難得今天能準時收工，就約了朋友到兆萬中心的八幡屋吃日式放題，這頓晚餐只能以四字形容，物超所值！😍😍先說一下餐廳環境，地方整潔企理，座位寛敞舒適，燈光刻意調暗，走日本居酒屋路線，相當有心思👍🏻。升級體驗只需每位加60元，便有我最愛的生蠔，還送上芝士焗龍蝦，這麼吸引當然要試一下!龍蝦厚肉又新鮮，配上濃濃的芝士和酸酸的沙律醬，十分滋味。🤤前菜的胡麻冷豆腐，滑滑的凍豆腐配胡麻醬加上木魚絲，感覺清新又開胃。刺身方面，以三文魚和赤蝦最為優勝，三文魚厚度和脂肪比例恰到好處，赤蝦爽口鮮甜。生蠔十分肥美，入口已嚐到鮮甜，帶點點海水味，份外回味😋😋。最令我印象深刻的是黑松露三文魚壽司😆😆，自己一向對黑松露沒太大好感，但這黑松露配上三文魚後，不覺得難入口之餘，還把三文魚的鮮味提升到另一個層次。熟食更是令人喜出望外，汁燒羊架嫩滑多汁，口感豐富，芝麻雞翼香脆而不油膩，嗜辣的推薦地獄汁煮螺，味道滿分。心太軟伴鮮果是必食甜點，尺寸小巧，輕輕一咬，流心朱古力便溶化在口中🤣🤣，誠意之作！值得一讚的是，侍應服務細心👍🏻👍🏻，換碟速度快！款式多，價錢又相宜，性價比甚高的放題之選！

休息日，一個人出去旺角食放題，之前預訂了此間就是看過評論好像不錯，于是去試，老實說，2佰元多嘅午餐放題以食物來說是不值；魚生唔新鮮，刺生帶子點了6件，居然每件好像一豪子大，比較好些是炸物。所以，試一次便算了。

今日黎到兆萬中心的日本料理餐廳八幡屋，同朋友一起吃任食放題，其中有好多款式都好吸引，可惜我只有一個肚，試唔曬咁多好野，地方環境幾大，又舒服。食放題當然唔少得刺身，我就每樣刺身都叫少少，又好睇又好食，選擇有好多，冷冰特別保持刺身的味道、質素等等。三文魚係我最鐘意的食物之一，三文魚刺身切得夠厚，放落口非常有口感，食幾件會覺得非常滿足。燒物方面我會推薦燒牛舌，味道超軟熟超香口，芝士年糕，炸得剛剛好，有好重芝士味。我十分推介升級加$60，有新鮮生蠔😍，油甘魚刺身，澳洲和牛壽司，珍寶赤蝦刺身等等…真心好正，蠔方面，如果你鐘意食有鮮味，建議食生蠔，因為有冰先可以保持食物最佳的一面，八幡屋非常貼心，雖然我地只係叫四隻，仍然會有一大盤冰，為的是將食物最好一面給食客品嚐。當中有冷有熱，用冰保鮮的生蠔好有鮮味，好濃海水味。至於燒的芝士蠔就好香，我都唔識點揀好，真係一個幸福的煩惱，食埋壽司之後已經好飽，叫左一個蟹粥試下，清清淡淡唔會太濃味好適合大眾，仲有好多料，最後當然唔少得甜品，勁多款嘅選擇，特別推薦櫻花水信玄餅，勁靚影相一流啊，食落去個感覺好似食緊啫喱咁，食得好飽玩得開心，非常滿足。

同男朋友行旺角，諗住搵下有咩好食，經過兆萬落下，見到八幡屋個招牌，諗都唔使諗就決定食呢間，呢間淨係食放題，岩曬超鍾意食放題既男朋友。呢間雖然第一次黎，但地方都算大，最緊要乾淨企理，牆上塗鴉都好有日本特色，位與位之間都有相應既空隙，唔會話同隔離台太近。一坐低梗係叫刺身先啦， 刺身都有好多款揀，但我地最愛既都係三文魚， 佢啲三文魚勁厚切，仲要勁肥美， 唔知以為自己食緊三文魚腩⋯我地仲加錢升級體驗，整體出嘢食嘅速度都ok。每人加送芝士龍蝦，不算大size但味道很好有彈性，我們好快就KO左依個「前菜」。因為差不多同一時間，我嘅主菜生蠔同其他刺身都已經殺到，兩大盤放係枱度都差唔多霸哂成張枱，未食都已經好興奮。生蠔一擺落口，就係我要既味道，夠鮮味，平時食只有去酒店嘅自助餐，動不動就四五百銀，依度差不多一半價錢就攪掂，抵！珍寶赤蝦唔係間間有得食，啖啖蝦肉，正。 要推介嘅係依個茶碗蒸蛋（升級），冇睇錯，依個唔係cheap嘢黎，睇下係上面係咩就知啦：大大個海膽，好香又好滑！最鍾意番薯仔，外脆內軟，細細粒，甜甜地，好好食。 另一樣值得推介既係牛舌，上面勁多黑椒，咬落又唔韌，味道燒得好好。之後都試左其他炸物

今日同朋友出去唔知食乜好，去到旺角行咗陣見到傳單幾吸引就決定試試佢。 上到去唔洗等就有位，地方睇落都幾大坐到幾舒服，唔錯唔錯！而食物方便種類都幾多，有刺身壽司依啲基本野啦一定，但有炒東風螺同炒聖子都幾特別！一嚟就緊係叫咗刺身先啦！一叫完幾分鐘內就上菜好快手。每樣叫少少試咗咩味先，三文魚好肥美油脂分佈得好靚，而甜蝦都超唔錯，肉質好爽好正 。然後就叫咗啲炸野暖暖胃，芝麻雞翼熱辣辣好脆好香口，一次過食咗兩隻之後又再叫多兩隻哈哈。而天婦羅就不過不失啦，但係新鮮炸既點都係好食既。壽司就叫咗三文魚壽司呀花之戀嗰啲，依度啲壽司唔會話好大舊飯，可以每樣食物都試下都唔驚好飽〜整體嚟講店員服務好有禮貌之餘，食物水準都中上，嚟得快同新鮮真係加晒分！ 下次唔知食咩嗰時應該會再嚟食。

平時想食放題第一時間一定諗起旺角兆萬，發現原來「八幡屋」系列在兆萬有2間，一間係3樓而另一間就係今日主角係9樓。朋友試過3樓的御·八幡屋話味道唔錯所以想試試新環境，所以今次就一齊決定食9樓的八幡屋。一入餐廳就feel到餐廳主打日式料理，壽司吧有3-4個後生師博埋頭苦幹，酒櫃上面放左幾枝Sake點綴裝飾，再行入少少有個玻璃櫃可以比客人隨意拿一些小菜，例如：螺肉、枝豆、中華沙律同八爪魚等等，整體環境比人感覺乾淨舒服。一坐低店員就建議我地每位加HKD$60做升級體驗，會免費送一隻芝士龍蝦，仲有得任點生蠔、海膽，赤蝦等海鮮，就決定試試佢。芝士龍蝦：芝士焗得岩岩好，好香芝士味。龍蝦有成隻手掌咁大，口感爽膽帶微海水香味，無腥味，感覺好新鮮彈牙！實在唔錯。遞紙後6-8分鐘便開始上菜，三文魚刺身厚切叫了十件裝成滿滿的一盤，擺盤上亦頗有心思，有幾片檸檬去腥。三文魚口感爽滑，肥而不膩，魚油香醇出乎意料地沒有半點腥味，似是價錢較高的冰鮮貨而非乾身的冷藏三文魚，實在值得一嚐。除了刺身外，二人還點了大量的壽司，鰻魚壽司、花之戀、火炙三文魚等等。當中最特別的是黑松露系列的壽司，由於先前已經過一大盤刺身的洗禮，所以

跟好友聚餐，一個月也沒有幾次當然就是要放開來大吃大喝了誰還理甚麽卡路里、脂肪啊！！說到開懷大吃，當然就是日式放題了升級體驗每位加HKD 60還可以另加升級體驗，料理當然更為矜貴了日式海膽蒸蛋蒸蛋上加入海膽，使味道便為鮮美而蒸蛋本身更是超多料的珍寶赤蝦刺身大大隻赤蝦刺身，極為肥美鮮甜芝士焗龍蝦升級體驗還會送上每人半隻芝士焗龍蝦真的超驚喜的滿滿的芝士，加上爽口彈牙的龍蝦，簡直就是絕配牛油粟米粒淡淡的牛油味，減輕了大吃的罪疚感甜美的粟米粒令人無法忍口蕃薯仔天婦羅、南瓜天婦羅、蝦天婦羅天婦羅炸得香脆，薄薄的炸漿更添口感炸魷圈、日式可樂餅 (牛肉薯餅)、香芋丸、炸芝士年糕每樣的份量都是小小一件特別適合想吃多些口味，但又胃口不大的人炸物很香口，而且不太有油膩感火炙胡麻三文魚夀司、玉子壽司、火炙左口裙邊壽司火炙海膽壽司、鰻魚壽司一口一件的迷你版壽司，可以試多幾款也不用怕會太飽了經過火炙的壽司有一種類似煙薰的味道，很不錯黑松露三文魚壽司、黑松露帶子壽司加入黑松露的壽司，味道更為豐富令人食指大動燒日本蕃薯仔這個絕對是要點的，超愛它甜糯的口感日式炸餃子、芝麻雞翼芝麻雞翼非常香口惹味，而且肉汁都被鎖住了不過

又黎開旺角 於是就到兆萬9樓試下八幡屋日本料理放題 可能我地係傍晚時間去 所以好快有得入坐 一眼望去 昏暗既燈光 鮮豔既油畫 廣闊既位置 感覺幾舒服 因為好肚餓 所以我地立刻叫野食 菜單非常多選擇 有前菜 手卷 壽司 刺身 燒物⋯升級體驗就每位加$60 我地一開始座位上有一碟醬油 我地拎黎點壽司 哈哈 原來係天婦羅既醬油 服務員同我地解釋返 服務態度良好 另外亦會清走檯面既空碟 好盡心刺身拼盤上得好快 賣相精美 色澤光鮮 肉質鮮美 例如三文魚大大件 非常厚肉 赤蝦鮮甜可口 螺肉彈牙 象拔蚌肉質結實 而我最鍾意就係黃金焗蠔 芝士味濃郁 又唔會太乾身 完全食唔到蠔既腥味 仲有升級送的芝士焗龍蝦 有成隻手掌咁大 芝士鋪到滿瀉 蝦肉結實但唔會太過老 好想再叫！另外叫左好多燒物 例如牛舌 虎蝦 不得不提燒羊排 不過要襯熱食就唔會韌 羊肉都好味 一啲都唔騷 而且多汁 非常入味升級體驗真係都幾值得嘗試叫左碟醂魚乾 甜甜地 而且幾有咬口 可惜我地唔飲酒 唔係的話配酒一流啊 海鮮燉湯 雖然見唔到有好多海鮮 味道較清不過不失 而日式海膽蒸蛋好嫰滑 心太軟伴鮮果 暖笠笠加上濃濃既朱古力 一口一個啱啱好 好好

刺身都算新鮮嘢食種類好似少左啲俾起其他放題佢都有啲星級嘅小食可以揀一盒生蠔海膽嗰啲都係每人只可以有一客甜品完全吾想食。。。。只可以講呢個價錢可以搵到啲質素好啲嘅放題不過間野都服務唔錯 臨尾填意見表嗰陣時我反映咗有同事好似問咩都唔係好清楚佢睇完之後真係好有誠意咁問我記唔記得係邊位同事亦都好有誠意咁講唔好意思佢應該係轉左手因為之前甜品係有糯米糍但係而家又冇咗 同埋之前都唔使填意見表其實係唔差 一般 都可以試吓

離曬大譜，第一d嘢食還可以接受，但有一兩碟有頭髮就真係不能接受.第二d嘢飲fill得又慢，忌廉溝鮮奶幾乎無，無乜選擇.第三甩單情況十分嚴重，由頭單開始一直上唔齊，再追單都係無，last order都一碟都無出.第四廚房師傅同壽司吧師傅出餐，就為左睇女. 建議大要慎重考慮，我未試過食嘢食到咁開心，完全係比種悲傷嘅感覺用錢買難受佢俾錢倒貼我都唔會再食再講啲嘢食真係難食到比個乞兒食佢都唔滿足非洲小朋友去食都會得唔開心已經將呢間野黑名單左，心諗嘢食出得一半我錢可唔可以比一半？