八幡屋日本料理 (Closed)

就到聖誕，朋友都紛紛相約飯局聚舊，順便慶祝埋聖誕。今晚她們選擇了放題。揀左非常就腳的一家放題，位於旺角兆萬中心，交通方便，而且可以坐低傾下計，仲要任食。餐廳都幾大，座位多，所以坐得幾舒服，冇擠迫的感覺。立即去飲品櫃睇下有咩飲：紙包，罐裝，茶，汽水，啤酒咩都有。Order 紙上面既食物選擇豐富，同時可以加錢升級食更得更豪。除左生蠔同珍寶赤蝦值得留意，仲有澳洲和牛壽司，京蔥金目鯛壽司同埋黑松露珍珠鵝肝帶子壽司。入座已經送芝士波士頓龍蝦，令今晚更加豐富，非常香濃的芝士味。壽司，刺身，手卷大路既三文魚，赤蝦，甜蝦，帶子，象拔蚌刺身都有，比較驚喜的是赤貝，赤目鯛刺身，還有泰式常見的虎蝦刺身，夠多元化。前菜，佐酒小食和風凍蕃茄沙律同牛油粟米粒份份細細，唔怕食唔晒。炸物，燒物黃金焗蠔芝味十足，表面鋪滿芝士，非常惹味。另外有鹽燒鯖魚，鹽燒三文魚骨和鹽燒大虎蝦都燒得有水準。料理叫左牛油炒雜菌，味道清新。甜品出面有甜品櫃，有雀巢杯裝雪糕，雪糕糯米糍，牛奶樂同冰菠蘿。Order紙又有紅豆牛奶布甸，布朗尼同櫻花水信玄餅，可惜已經飽到食唔落。

本身生日飯同男友諗住食放題，見佢上網+$50有生蠔任食同大蝦刺身，好似d相都幾吸引，之後就去左食，點知去到原來+$60 ，都冇所謂都叫平，一坐底更係叫加錢既生蠔同刺身食，其後叫既熟食黎哂，都未見到加錢個d,等左半個鐘以上都仲要吹佢，九個字先黎第一轉，劣評！！見d蠔都吳係上網有壳，雖然甘既價錢都吳會即開生蠔，但吳係就甘拎個杯仔解凍仲有奶白色混濁既水。佢d加錢既大蝦都滑潺潺 另外打邊爐叫左個豬骨湯，有陣怪味，d食味放完入去都變左陣怪味，原全食吳落。羊架都冇架既，得塊肉仔仲要勁so,食左1半鐘 就開始個胃吳舒服想吐， 之後我柯左十幾次 ，又吐仲發燒去左睇急症要留院 ，我男友就勁肚痛，柯完就冇野，真心覺得食材勁吳新鮮，原全冇野係讚 請我都吳會再去。

😡😡😡😡😡😡食左咁多次放題 呢間係第一次嬲到要寫食評鬧 首先本人已經多次食放題經驗，咩原因？平靚正方便，咩都有食又新鮮任何地點，都可以食到，小女久違八幡屋大名，咁啱朋友又想食，咁啱佢又話有位，咁就諗住上去試一試啦。。。。 我地兩個人，一入到坐，張枱係細到完全淨係放到勁少嘢食，仲要我地兩邊到夾住兩張枱，坐入面果個係要隔離突登企起身你先出入到，，ok香港地少人多，呢個我可以原諒。 。 其實食開放題都知正常你係食完刺生再食其他嘢，但係呢一盆嘢係我食左勁多舊壽司佢先到，我真係冇惡意放呢張相上泥，我同朋有一見到都呆曬，請問下呢盆嘢係唔係叫刺新生水上世界？啲冰已經溶曬，，，，對住真係冇曬胃口。 其次係上菜速度勁慢 組織極亂，咁隔離遲過我地黎啦，我地係佢地黎之前已經叫過焗蠔，但係點知佢地一黎到就有，而我地就。。。。🤢🤢🤢 咁另外一邊就唔滿意上菜慢呢個問題，咁佢地就叫左個類似大家姐嘅人黎（因為佢係果度似似incharge成個範圍，個個員工都聽佢講，短頭髮個頭綠綠地）成件事就即刻变到勁快，仲好聲好氣問佢地要

值得升級@八幡屋 大胃王朋友生日，首選當然是放題，較自助餐便宜外，款式又多總有大家喜愛的食物 新界人朋友旺角相對方便就腳，兆萬中心是放題餐廳集中地，大大話話都十多家，價錢相約但質素參差，有些更是非常難食，而八幡屋是我們頗常去的一家 晚上六時左右人不太多，但一踏入７點左右就滿座，人多來食飯還是先訂位安心！ 餐廳頗舒適的，而且桌也夠大，即使點了好多東西也能好好的放在桌上 ＶＩＰ房～ 天婦羅，刺身，壽司，串燒，多款熱食小食，令人眼光撩亂 店員很有禮貌，上菜速度是光速的最為抵讚 先來一圈剌身吧！三文魚，帶子、馬刀貝、甜蝦等， 點十片來十片，沒有自動ＣＵＴ單的情況，份量也相當大方，而且也很新鮮無雪味，食放題刺身是講量和食得痛快的，這個價位還要求些什麼～ 飲料是自助式的，汽水果汁應有盡有 必食的海胆手卷，紫菜脆卜卜，海胆頗大粒，看起來金黃色很吸引，味道鮮甜沒有腥味 蟹子沙律，蟹子比菜還要多 蕃茄沙律，蕃茄用上外國貨，食起來清新醒胃 升級了可以點的老火湯～ 是花膠雞湯，真材實料，天氣涼涼地最岩飲 雞泡魚乾上桌時還是熱的!香口好味，送酒必備之選 不一會店員就送上每人半邊龍

蝦子餅一向喜歡吃燒大蝦，早前被他發現我與好友私下去了旺角吃放題，並享用了他最愛的燒大蝦，隨即經常在我面前暗示我很久沒有陪他吃放題…… 上星期，襯他出旺角補習，當然第一時間相約他前往八幡屋再吃放題。或許大家都習慣了，原本打算帶他到新店去，但結果因習慣而 Book 了 9樓分店來。原來，相隔一段時間沒有前來，食物方面也有改動，多了不少新選擇。 首先是訂座加送的龍蝦，相當吸睛，大大隻之餘，表層舖上芳香濃厚的芝士，龍蝦肉亦爽口彈牙，份量可不少，啖啖肉相當滋味。 新品之中，BeautySearch 最為推介這款八幡燉湯，用上燉蛋的小碗子盛載，份量雖不算多，但用料豐富，鮮甜味美。唯一要當心的是碗子連湯上桌時都是熱烘烘的，打開蓋子時要小心燙手喔！ 雖然，放題點選刺身早已成為 BeautySearch 的指定動作，並非甚麼新鮮事，不過，這次卻有驚喜，首輪點選刺身時，上桌時店員突然說為我們送上小小驚喜，隨後，即見白煙從刺身盤散出，既迷幻又美麗，猶如置身於仙境般，令心情倍添愉悅！當然，也得結合新鮮、冰凍又味美的刺身，才叫人吃得滋味！ 當然少不了蝦子餅的燒大蝦，大家別誤會他為何今次他吃這麼少，其

八幡屋一直都是我覺得在兆萬放題中最穩陣的一間，基本上一個月都有一兩次幫襯。昨晚行奧比斯盲俠行(一個行六個鐘的慈善步行抽款)，出發前就和友人來這裡吃飽才出發。不過，這次的遭遇的確較人失望。食物的質素還是OK的，至少刺身和炸物是保持水準。款式多款而且每種食物的份量不會出得太多，減少浪費。其中海膽和黑松露更是給得很大方，又香又好食。服務員都很NICE，這是我一直覺得八幡屋值得去的原因，相比起同商場的其他樓層，這裡的服務實在好太多太多。以事論事，今次俾喊面是針對以下出事位：1. 我和友人是六時多入座的(大約是6:50左右)，離開後行到半路，友人向我收錢，才發覺原來他們將我們的收費計算成七時入座，變相每人收多了二十多元(以後228加一來計算我們的收費)。因為無諗過餐廳方面會犯這種錯誤，我們埋單時的確沒有為意。店的2. 人流開始多的時候，漏單嚴重。侍應生不斷向每檯詢問有否漏單，但反映了仍然沒有改善。其中有一位食客也是大大聲聲追問漏單漏到他們半小時沒有東西上檯。其中漏單嚴重的應該是刺身和串燒。天婦羅和壽司反而嚟得齊。3. 雪櫃的清酒是限量供應，俾其他食客飲哂就無了。如果成本問題，我偏向每檯只限要一支

兆萬放題競爭激烈,本想去大本瀛試下,怎知蹅進兆萬門口被落力派傳單哥仔推薦去了此放題店。環境整潔舒服,女侍應安排坐位後便介紹每人所送食品一份,我們便叫了免費海膽。隨後便細看點單紙,看來食物品種不多,但刺身品種基本和兆萬其它放題店無異,而且也很新鮮👍,壽司飯小料大正合我意,加上味道💯,整晚食得最多便是🍣,燒物也不差,但羊架及海膽就不及上次那間咁好味,其它廚房食品有花螺,味道不過不失,至於甜品品種也不多,整晚食品最差便是芝士焗蠔,總括勝在這晚刺身及壽司都好🆗,價錢很快便回本。

年紀越大越少食放題，但當諗唔到食咩既時候，放題呢個念頭突然飄過，好想比個機會自己擦餐勁既！要食放題即刻諗到兆萬呢個放題集中營，記得之前朋友有讚過八幡屋質素唔錯，所以我同朋友二話不說就衝左上去！店員哥哥好好人地安排我地去卡位坐，位置好寬敞，超開心地開始狂點我地想食既野！（咁當然要食得曬先好點，唔好浪費）刺身：好驚喜既係三文魚片片都好大片而且唔會好薄，但食落有口感既三文魚！另外有希靈魚、赤蝦同虎蝦，留意呢隻赤蝦同下圖升級既赤蝦大小有非常明顯既分別！《+$60升級》我地加錢升級，所以有好大片肥美既油甘魚同我最愛既珍寶赤蝦。珍寶蝦果然比一般赤蝦大一倍，啖啖肉好肥美。另外試左海鮮燉湯同海膽蒸蛋。燉湯內有菇、花膠同蟹柳，味道清甜，放題有呢個質素既湯飲而唔係即沖麵豉湯其實已經幾滿足。海膽蒸蛋不過不失。《創意之作》第一次見食放題有得玩自製章魚小丸子，呢個gimmick 的確非常吸引。店員哥哥先幫我地加粉漿同餡料，而後我地就要自己反同轉轉轉，記得要時刻留意，小心玩到燶左！黑椒牛舌：好惹味，好重黑椒味而偏咸，好啱超重口味既人蕃薯仔：永遠唔令人失望既蕃薯仔，每次食都係咁甜芝麻雞翼：外層好香脆另外有香芋丸同芝

一件很火大的事情 今天中午和朋友們一起在這家餐廳聚餐 這家口碑在open rice還是不錯 你猜猜怎麼樣 結果在食物裡吃出蟑螂 MMP 吃了一半的烏冬裡面有蟑螂 FXXK! 我們等manager等了很久 最後的處理方式就是打九折呵呵🙄 謝謝你啊 我們又不差那個discount 起碼的好好道歉都沒有 完全打擾了我們的心情 我們沒有辦法去爭取自己的權力 我只能在這邊和大家說 請不要去吃這家🙂🙂 希望作為一家注重服務和品質的餐廳能注意一下你們的衛生和消費者的權益BTW 拜拜了您沒有照片，因為發現問題找了服務員然後立馬拿走了那個證物🙄🙄🙄🙄

樓面哥哥, 姐姐好NICE, 我係鋪仔細細....以為都過得去..我無諗過好食....但SORRY.......我唔會再來...我未試任何食物都見到都唔影相~~刺身.........唔新鮮同好HEA...小小美感都無..仲有呀...所有野攪埋一堆...真係好唔得...算食熟野...酒煮螺 - 未熟炒蜆 - 凍的天婦羅.......見到黑色...已經個粉漿好厚同唔係天婦羅既漿囉~~牛柳粒....同生薑燒, 又黑又甜...無一樣食物係掂囉。

朋友生日佢話想食放題，旺角最多選擇，睇左一輪，八幡屋其下原來有幾間任食，以前食過打邊爐非常好，今次就去兆萬間日式放題先。上到去6點半左右，但已經坐左好多人。店員講解收費後，見升級都係加多幾十蚊，又可以多d 刺身熟食食，朋友又生日一於升。急不及待剔野食，刺身，壽司，串燒，天婦羅，鍋物好多元化，而甜品都幾多選擇。一開始先黎刺身，三文魚，帶子，象拔蚌，北寄貝，甜蝦等，雖然唔算好大片，但至少我填幾多片真係比足，讚。 三文魚魚脂豐富，食落好軟嫩。象拔蚌，北寄貝，帶子果d好鬼爽口彈牙，整體款款都好新鮮。而升級左既刺身有油甘魚同珍寶赤蝦，升級版果然唔同d, 又厚又大隻，食落好鮮甜，赤蝦好彈牙。至於熟食有燒牛仔粒，軟腍juicy,夠入味。串燒既牛舌夠惹味，腍身唔韌.鹽燒蝦好入味，鮮味濃郁，細細隻但蝦頭都好多膏。升級左仲每人送半邊龍蝦，因為即燒，所以食左一段時間先上枱，龍蝦肉爽口又夠豐厚，面層個醬唔似芝士，甜甜地好開胃。芝麻雞翼都炸得好香，唔油膩，仲夠香口。雞軟骨又係炸得好香又夠脆，食落唔會太硬。壽司款式都幾多，樣樣要d,細細件唔會食到太飽，將幾新鮮。任食兩小時都好夠，當中無漏單，侍應間中仲走埋黎問有無

 今日慶祝同男朋友嘅紀念日，特登book咗去食放題。哩間野幾次係旺角行過見到，今日就一於試下！因為我地有預約嘅關係，佢送咗一張訂座優惠嘅紙，有得揀海膽刺身、鵝肝多士、DIY章魚小丸子等等，我地就叫咗海膽同埋小丸子。海膽份量好足，好鮮甜。而小丸子好有趣，佢係有服務員即場係我地張枱度整小丸子，服務貼心。佢仲有幾支醬汁俾我地為小丸子調味，我仲同男朋友鬥整得靚添哈哈！我作為生蠔的忠粉，就一定要食升級料理！任叫生蠔真係好吸引啊！哩度嘅生蠔都算大隻飽滿，上面鋪少量葱花，夾埋好fresh!我自己中意落少少茄汁，個種口感係好juicy好滑，十級推薦大家要升級！食放題當然少不了食刺身！佢啲刺身都幾新鮮，尤其三文魚，厚厚一塊咬落去係好有口感，加上少少肥膏，融係口入面，好正。仲有虎蝦也是我最愛之一，真係幾甜，肉質咬落去有少少爽口唔會太過軟，幾新鮮，中意食蝦嘅朋友不能錯過！哩個真係食咗幾轉都未厭！熟食方面，我自己覺得燒牛舌同天婦羅值得一試。牛舌調味鹹度適中，有少少孜然粉，成件事好香好吸引！牛舌仲要好爽口，食上癮。天婦羅係好多人嘅最愛，佢哩度嘅天婦羅都唔細隻，炸得香脆，入面嘅蝦仲好香口，不能錯過之選。最後梗係要

行完街想食日式放題，諗起兆萬有不少放題店，結果去左「八幡屋」。餐廳不算大，裝修簡約，整體感覺乾淨。我地早去所以店員安排左靠窗座位，景色較好。同其他日式放題一樣，有不同類型食物，有不同顏色點餐紙。而八幡屋的食物選擇幾豐富，佢地用五顏六色的點餐紙分類，包括前菜、刺身、壽司、手卷、天婦羅、燒物、炸物等十大類。我地另加左 $60 升級選項。內容包括：油甘魚刺身、珍寶帶子刺身、赤蝦刺身、和牛壽司、燒味淋河豚干等，連生蠔都可以任食！今次升級原來仲有原隻芝士波士頓龍蝦贈送，一開始食一隻新鮮彈牙嘅龍蝦係放題嘅好開始。試過其他幾款壽司和卷物，水準都好好，其中升級體驗中和牛壽司比較吸引。刺身係放題必食。我們覺得刺身值得一讚。三文魚、帶子都算肥美和新鮮，馬刀貝和赤貝夠爽甜，不過我極力推薦升級選單上的赤蝦！又大又肥，甜甜蝦肉中食到鮮味。食完刺身同壽司，開始試不同熟食。燒物方面，喜歡燒黃金焗蠔夠Juicy ，配芝士和酸忌廉汁，又咸又酸。鹽燒虎蝦本身口感飽滿、芝士大蝦金龍船、鹽燒牛舌、鹽燒雞翼都值得一試。升級選單上的燒物中，特別推薦燒味淋河豚干，有咬口、煙煙韌韌，幾好味。八幡屋價錢合理，環境舒適，員工服務態度有禮

兆萬一向係放題集中地，是晚出黎旺角做完野，想食放題即刻諗起八幡屋，之前食過幾好食吖。平日晚九點入坐$178，再加左$60升級，圍返起$238一個人，任飲任食其實幾抵㗎。飲品雪櫃自助，款式幾多，有茶，汽水，啤酒，韓式飲品等，甚至清酒都係任飲，哈哈，朋友飲左幾罐啤酒，佢話hite好正喎。第一個round的刺身，呢個係無升級的刺身紙點嘅，三文魚，吞拿魚，帶子，象拔蚌等，厚切鮮甜，黎足份量無漏單升級的刺身，有赤蝦，油甘魚，生蠔等，赤蝦隻隻都大隻鮮甜，油甘勁肥美咬落成口魚油超正，生蠔雖不是即叫即開，但都很鮮嫩，就係見有生蠔任食即刻升級唔使諗海膽蒸蛋，蛋嫩滑，海膽鮮甜，正。和牛壽司同金目鯛壽司，細細件，呢個size有口感得黎唔會一件就飽。黃金焗蠔個芝士蛋醬汁勁正炒聖子夠惹味，最緊要係無砂。蜜桃蟹柳沙律同炸物，不過不失。再黎多round的生蠔，依然咁正。朋友encore左多round的三文魚，夠哂肥美。升級後有心太軟任食㗎五蚊銀size，一口一個勁正，雖然細細粒，但入面都好流心，朱味甚濃，好好味encore左好多次！其他甜品有泡芙，布甸，水信玄餅，雪糕雪條雪米滋等，全部任食，作為甜品控梗係全部都食勻

成日錯單漏單，用命令式語氣叫人埋單。睇到星期五晚都仲有咁多位淨剩都心知不妙，唔想去第二間要等位先諗住試下。三文魚質素正常，燒雞翼好難食，明明話蒜香但望落同食落都似淡咖哩。甜品楊枝甘露其實係一小瓶得個甜字既布丁。炒雜菌除左油味之外係冇味。兩人真心浪費458蚊!