下江南

Open Now

Now Closed

參觀故宮後，少不免就在這裏品嚐些懷舊菜式，於是走入尖沙咀西九文化區博物館道8號香港故宮文化博物館地舖～下江南。店內裝飾古色古香也夾著現代簡約的設計風，宜古宜今令人相當舒適，座位非常寬敞，落地大玻璃看透臨海風景，剛參觀歷史文物又回到現代最新的建築物，舒暢。菜譜也別樹一格，古典又新穎，講述古時皇家的做法和食法，確會提升人客的食慾，有種非嚐不可的感覺。火熏玉蓮鴨子飯套餐$178 （自選兩款小吃：花雕醉雞及醉鮮鮑）鴨肉和蓮子作主要的食材，肉質軟綿香滑，肉汁豐富，調味得宜。蓮子煮得淋甜，入口即化，配上冬菇片和脆嫩青菜心。飯粒分明爽口，混入醬汁，好食到不能停口。還有兩款小菜～花雕醉雞，花雕濃香撲鼻，肉質嫩滑多汁。醉鮮鮑肉質鮮甜，又爽又脆。青荀蔥椒丸子麵套餐$178（自選兩款小吃：鹽水鴨及夫妻肺片）青荀爽甜清新襯托著6粒肉丸子，肉質爽口多汁彈牙，調味極佳，配著幼麵嫩滑浸泡在香濃清湯，美味可口。還有兩款小菜～鹽水鴨，肉質淋滑多汁。～夫妻肺片炆得極淋，味道少辣，惹味又滋味。紫薯芋圓涼粉$48芋圓滑溜爽口有咀嚼感，清爽涼粉夠彈牙，還有極淋甜的紅豆蓉鋪面，炎炎夏日食後透心涼的美味甜品。桑寄生蛋茶$48清甜的

行完故宮博物館，當然要搵間餐廳坐低食下野休息下😌嗰間餐廳個名好特別，「下江南」就好像古時黃帝微服出巡，周圍遊山玩水一樣寫意🥳餐牌設計得好靚，有為唔同菜式作詳細介紹。即使係外國遊客，都可以從而認識中國文化🫶🏻 選擇下江南套餐會比較好，可以嘗試兩份小食+一款主食～第一個套餐：醉鮮鮑配夫妻肺片+火薰玉蓮鴨子麵估唔到有一隻鮑魚，切開了三片。鮑魚嘅鮮味加上少少料酒，味道很好，而且肉質彈牙👍🏻 至於夫妻肺片的份量也不少，充滿麻香味！🤤火薰玉蓮鴨子麵唔係好多地方可以品嚐，當中有鴨絲、蓮子、冬菇同中式麵線，湯底清清地，突顯鴨肉嘅香味🤤另一個套餐：手拍青瓜拌雲耳配醉鮮鮑(重複咗因為好好食😂）+ 山西肉夾膜佢係兩層酥餅夾住炒香嘅肉碎，有適量嘅洋蔥，感覺好似中國的街頭小吃，有風味🥯甜品方面，一個桑寄生蛋茶，一個紫薯芋圓涼粉🤤🤤為下江南美宴畫上完美句號🩵

來到西九嘅故宮文化博物館參觀，咁多嘢睇，點都要搵啲嘢食再繼續參觀，天氣熱辣辣，梗係喺故宮週邊搵食，唔通走到去elements先食咩？睇下openrice，都有幾間嘅，咁最終揀咗呢間，價錢實惠又有宮廷小食，啱晒故宮feel🥰🥰🥰聽待應講，“下江南.精選套餐” 係全日一個價錢，冇分中午，下午，夜晚，揀咗兩個套餐，佢哋係 “火薰玉蓮鴨子飯” 和 “青筍蒽椒丸子麵” ，有飯有麵，好啱我哋中國人胃口，而且每個套餐都跟有兩個涼菜，這個就係點解揀套餐的原因。涼性的鴨肉啱晒熱氣騰騰夏天，感覺食咗可以清熱祛濕，蓮子亦清心醒胃，好配搭。套餐1涼菜揀咗醉鮮鮑和花雕醉雞；套餐2涼菜揀咗醉鮮鮑和醉珍肝。大家都喜歡鮑魚的質感，而且店家將鮑魚切咗片，方便食用，抵👍👍揀咗個 小食甜品"棗泥麻餅"兩人share食，棗泥不會太甜，好健康的宮廷小食品。

香港故宮文化博物館自開幕以來，已成為文化旅遊新地標，在展廳飽覽宮廷珍品後，於新進駐的下江南親身領略宮廷飲食文化。餐廳以康熙帝、乾隆帝六次巡幸江南，沿路考察民情及品嚐各地美食，作為命名靈感，重現皇家御膳美食。牆上​​​​​​​​印有以古籍《南巡盛典》插畫，以木系為設計主調，環境典雅而富詩意。內裡樓底夠高，落地大玻璃採光十足，還可以遠眺維港海景。菜單設計別出心裁，主打宮廷菜式及民間特色美食，以味蕾穿越古今。餐廳設有精選套餐，選一款主食配搭兩款涼拌前菜，價錢由$138至$178不等，以遊客區來說，價錢亦不算貴。火薰玉蓮鴨子套餐 $178根據淸代御茶膳房檔案留下的《膳底檔》，於乾隆帝的菜譜裡鴨子出現的次數頻密，全因對古代人來說，鴨肉具有補益之效又不易上火。這道清宮御膳養生招牌菜可配菜飯或是小麵，湯色紅潤澄澈，味道甘醇不濃俗。經長時間燉煮的鴨肉質地軟嫩，配合清心養神的蓮子，滋補養生。幼身麵條質地純樸滑口，掛湯力更佳，盡吸鮮香湯頭精華。前菜選配醉鮮鮑及烤麩，鮑魚口感緊緻，烤麩是以生麵筋為原料，多氣孔有點像海綿，徹底吸收了甘甜醒胃的醬汁。山西肉夾饃套餐 $168肉夾饃有中式漢堡之稱，是在西北地方民間

難得黎一趟西九文化中心，行完故宮博物館係呢度見到呢間下江南，即刻就入黎食下。因為好多遊客，所以都好多人幫襯呢度。佢以宮廷菜為題，好有吸引力。首先叫個套餐，有2個冷盤加款主食。我簡左火薰玉蓮鴨子麵，配醉鮮鮑同花雕醉雞。黎到睇落雖精緻，但食落都好有水準。鴨香帶出蓮子冬菇既美味，令到個湯都好香濃。而另外2個冷盤都好入味，酒香但唔醉，肉質又稔甜。碗豆黃真係唔知係咩，好奇試下呢款慈禧喜愛既糕點。佢竟然係凍既，但唔會好冰，啖啖豆溶，同我地廣式甜品好唔同，亦唔會太甜。棗泥麻餅，又係好特別既小食。而且一般既甜食都唔太甜，好啱我食，亦太到本身紅棗既香甜。呢款蟠枝瑞實，黎到以為係壽包，點知打開有驚喜，佢竟然係咸點。餡料係筍同肉粒，好清新，好特別。最後食埋佢超足料既桑寄生蛋茶同紅棗蓮子燉燕窩，真係覺得好完滿。

今日同朋友行完故宮文化博物館，行到布啲肚餓，誤打誤撞入左黎下江南，入面既菜式都幾有特色，可以係度介紹下。雖然餐牌上面選擇唔算太多，但就每款都幾有特色，好多都未曾見過，而且宮廷甜品方面亦都幾特別。我地2個人各自都點左下江南套餐，每人可以選2款前菜。雖然係冷盤，用左酒入饌，淡淡酒香同雞，鴨、鮑魚味道又幾夾。主菜有火薰玉蓮鴨子飯，鴨肉味出眾，唔會太咸，愈食愈滋味！另外仲有青荀蔥椒丸子面，自家打的丸子，豬肉味濃，加上蔥同椒的味道，口感非常之夾，面質亦彈牙，軟硬度適中。甜品方面叫左紫薯芋圓涼粉同老姜茶湯丸。紫薯芋圓非常煙靭，有咬口，紫薯味重。而老姜亦都好重手，落足姜去煲，湯丸大大粒，好食！

行完博物館勁肚餓，尼間餐廳就係G floor。入來坐滴看窗外風景好靚，無敵天空景，配合店裡放鬆的音樂，人都放鬆噻。點佐兩個套餐，一個是重慶小麵配合兩個涼菜，醉仙鮑同醉珍肝。一個是菜肉大雲吞配花雕醉雞同夫妻肺片。重慶小麵料很多，肉醬花生同酸菜，量好足，仲有足量蒜末，撈埋一齊好香。面比較有咬勁，面皮唔算厚。菜肉大雲吞真是幾大隻，一碗有好多粒。餡料除了菜肉好似仲有韭菜，好香。雲吞湯底中規中矩。醉鮮鮑已經切成幾片，質地韌韌哋，酒味唔重。醉珍肝就脆好多，同樣酒味唔重，幾好。夫妻肺片牛肉都肥瘦相間，唔算辣，再辣滴應該仲香。花雕醉雞酒味就濃烈好多，雞肉帶皮，好嫩。甜品點佐姜汁湯圓同蟠桃包。湯圓是芝麻餡料，薑汁暖胃，甜甜哋有少少辣，食完好舒服。蟠桃包好得意，同故宮氛圍好搭，餡料有竹筍和香菇，食落不膩，面皮好軟。飲品點佐水果茶，水果種類唔多，但酸酸甜甜好開胃，清爽解暑，冰冰涼涼，飲落人都舒服佐，今日行博物館的疲倦一掃而空。

平日晚上人不多。傍晚時間餐廳內仍然明亮，因室內樓底高，而且窗邊位置有大片玻璃天然採光，並可望到西九景色。故宮博物館出名日落靚，夏日天氣晴朗時，應該可邊欣賞日落邊用餐。一共有兩本菜單，其中一本圓形的主要介紹特式宮廷主食及點心。內有菜式名嘅由來，或者成為宮廷菜嘅歷史故事。e.g.「棗泥麻餅」就係因為乾隆皇有一日聽唔到和尚念經，發現原來和尚被麻餅嘅香氣吸引以致冇心機念經😂就跟住試下個餅，發覺果然名不虛傳，於是成為其中一味宮廷點心😂棗泥麻餅 - 外面芝麻香口，欣賞佢個餡甜而不膩，一人一塊剛好。碗豆黃 - 碗豆糕，都係唔會太甜，但又不是太特別。長形菜單有主食單點或套餐，$138-178 一個主食配兩款冷盤。火薰玉蓮鴨子麵 - 鴨為補益之物，皇帝餐餐都食鴨！鴨肉煮得剛好不會韌。湯頭味道鮮甜，飲完都唔會太口渴。但麵量不大。配 四喜烤麩及夫妻肺片山西肉夾饃 - 豬肉絲調味味道不錯，有少少麻，餅皮香脆鬆化。配 醉雞及鹽水鴨整體食物質素不錯，雖說是宮廷菜式，但大部分係普通食材製成，所以價格不算高。可能皇帝食慣珍饈百味，平民美食就更顯特色。

難怪清朝乾隆皇帝這麼喜歡下江南，原來江南風景好，多美食。🤗🤗😋😋江南泛指長江以南，包括江蘇安徽湖北湖南江西廣東廣西等地區，由於氣候溫和，土地肥沃，農產品豐富，長久以來發展出豐富的美食文化。今日因為好朋友在故宮做義工，熟悉此處環境，⛳️帶我大鄉裡出城，順便【下江南】嘗美食。餐廳就在故宮博物館地面層，左手邊就會見到【下江南】的大門，餐廳設計同故宮建築建築物同出一轍，高，大，尚，超高的樓底，左邊是全落地玻璃窗，采光度十足，外面的美景一覽無遺，藍天白雲，綠樹林蔭， 秀色可餐。🤩🤩餐牌設計得很特別，一把宮扇似的打開，介紹各種食物，點餐可用套餐形式，兩個冷盤小食配一個主食，自由配搭，非常方便友善，將江南特色美食融匯貫通，巧妙呈現。最意外的竟然有山西烤餅，好像中式三文治，🤗🤗還有甜品和各種飲品。我們點了兩個套餐，火熏玉蓮鴨子麵配醉鮮鮑和花雕醉雞。另一個是山西肉夾饃配四喜烤麩和手拍青瓜拌雲耳。 兩個女人當然是少不了甜品，又點了一個豌豆黃，這是慈禧太后喜愛的甜食。還有一個棗泥麻餅， 因為喜歡紅棗和芝麻。點完就先欣賞窗外美景，看看旁邊的人吃甚麼，在舒適的環境享受美食確是賞心樂事。今天的食物非常精緻，特別出色

以康𤋮帝、乾隆帝六次巡幸江南時所見所食為靈感，提供有宮廷飲食文化又有創意，而價錢又親民嘅餐廳主打招牌#火薰玉蓮鴨子 原來鴨肉係好嘅補益之品，清代皇帝差唔多每餐都食鴨，鴨肉香口，湯底濃郁，除咗麵亦可以配飯個人推介#重慶小麵 醬汁非常香辣惹味 撈粗身麵條食真係流小食#醉鮮鮑 新鮮彈牙爽口有酒香打卡飲品 #打印奶蓋茶 第一次見印花面嘅手搖茶 茶底有多種選擇 奶蓋都做得唔錯餐廳位於故宮文化博物館地下大堂，室內以月為設計主題，富南北建築特色，結合新舊藝術氛圍，再加上西九龍文化中心對出嘅 #草地 #海景 #藍天 特別加分！

-下江南-@尖沙咀.假日去西九龍文化區閒逛，經過故宮文化博物館估唔到都有餐廳，剛好就可以坐低食下飯休息一下。.餐廳樓底好高，加上有一邊係大玻璃，食飯時可以望到對面海，好開揚，空間感好足。.下江南精選套餐 ($168)套餐係2個冷盤加一個主食，都好抵食。.小食可自選2款，我地揀左醉鮮鮑同四喜烤麩。醉鮮飽好軟身，醃得好入味。.山西肉夾饃因為已經單點左一個麵，所以套餐的主食就選擇左夾饃，一試不得了，超級推介。.饃烤得超級香脆，質地有點似酥皮包有好多層，食落口感很好。餡料除左豬肉外仲有蔥絲同生菜，加上微微的麻香，味道同口感層次都好豐富。.火薰玉蓮鴨子麵 ($138)湯底雖然好清，但味道都好濃，滿滿鴨香但唔會好油。鴨同蓮子份量不少，鴨食落都好香而且唔老，配埋好滑溜的麵，成碗麵都唔錯。.紫薯芋圓涼粉 ($48)好足料的甜品，滿滿的薯圓同涼粉，仲有紅豆蓉。薯圓好煙韌，都好香紫薯味。食完超飽肚。.

去開西九文化區玩，見到呢間好多人嘅人氣熱店，入咗去試下，見佢主打宮廷菜，十分特別，Menu上都唔係平時會食到嘅野😍百香果青檸烏龍-好清新，仲食到百香果果肉，非常開胃🫶🏻前菜-我哋揀咗醉飽魚 醉珍肝 四喜烤夫 醉飽魚同珍肝都清爽彈牙，酒味唔過濃山西肉夾饃-餅皮外脆內軟，入面有啲香脆嘅蔥同香料，豬肉，唔會好濃，但食完每啖都會有陣香味，豬肉唔會太重調味，所有味道同口感加埋一齊啱啱好
火薰肉蓮鴨子麵-湯底好香，同鴨肉好夾，麵係有啲口感嗰種，唔會太淋，加上有啲乾蔥，令香氣再多咗老薑茶湯丸-湯丸皮幾薄，薑味夠價錢雖然偏貴，但食完都覺得非常值得，食得出每樣嘢味道上嘅嘅配搭，原汁原味，唔會好重調味料/味精味，推介！

餐廳位於故宮文化博物館入面 餐廳係以紀錄康熙同乾隆帝時期 下江南視察民情嘅靈感概念設計出呢間中菜館🥟非常欣賞佢哋裝修設計嘅心思 連菜單都以月亮做設計 同時記錄左每一道菜嘅典故🌕餐廳主要係食京川滬菜同特色嘅宮廷菜式 當中仲可以品嚐到當年慈禧太后喜愛嘅甜點☺️貫徹𝘊𝘶𝘳𝘢𝘵𝘰𝘳 𝘎𝘳𝘰𝘶𝘱 既藝術風格 係奶蓋上面都有藝術打印 非常適合打卡 而且奶蓋味香濃配合下面嘅茶底 中和左𝘤𝘳𝘦𝘢𝘮 𝘤𝘩𝘦𝘦𝘴𝘦溜嘅感覺😋ᥫ᭡今次點左〰️๑ 下江南套餐 (兩款冷菜+一款主食)🥢醉鮮鮑+花雕醉雞酒味非常香 但又唔會蓋過鮑魚同埋雞嘅鮮味好有驚喜👍👍🥢火薰玉蓮鴨子麵聽聞鴨肉係乾隆帝既膳單中 會經常出現嘅食材～ 果然名不虛傳 無骨既鴨肉大大件 肉質好淋好嫩 麵條十分彈牙🤤๑豌豆王其中一款慈禧好鍾意食嘅甜品小食 同我想像中嘅口感有啲唔同 佢係入口即溶 味道較為淡口 適合鍾意食清清地既你～๑ 棗泥餅唔好睇佢咁薄身 大大塊好飽肚🤭🤭 食落唔會太甜剛剛好～𝑰𝒈: 𝒑𝒎𝒎𝟒𝒍𝒂𝒎

平日想搵個靜靜地嘅地方同朋友食個簡單飯，喺九龍區好似冇乜可能咁，但係今日比我發現到原來喺西九文化區一帶嘅餐廳，平日夜晚好寧靜好悠閒，仲要有好靚嘅維景夜景欣賞。本來都知道近海邊係有啲酒吧，但係今日想食中餐，就同咗朋友嚟故宮博物館嘅下江南。大家如果喺平日夜晚嚟，一定記得要喺LG層經過安檢入去，工作人員會問你要去邊一度，然後行一層上G/F，千祈唔好嘗試喺G/F嘅博物館入口進入餐廳，因為博物館已經閂咗門。雖然食物選擇唔多，但係我覺得嘢食水準係喜出望外嘅，小食一定要食佢嘅花雕系列，我哋試咗醉雞同鴨都好好味，主食方面我哋叫咗重慶小面同埋火熏玉蓮鴨子麵，蓮子鴨麵係必食，坊間比較少地方有得食。我覺得重慶小面嘅麻辣口感都係好好食，唔會超辣，啲面亦都唔會太硬或者太爛，喺出面食過，有啲黃豆做得唔好，成個感覺好似食糊仔咁，呢度就唔會有呢個情況。仲有，我覺得一定要食佢哋嘅甜品，當日有部份食物都已經賣晒，點咗棗泥餅，好鬆脆，芝麻好香，不過預咗會有少少飽滯，可以四個人share一份，每人試少少。另外佢個桑寄生蛋茶味道好濃郁，甜度略甜，但係個紅糖好好食。仲有點左雜果鴛鴦涼粉，味道就比較普通，不過個賣相都係非常之討好嘅

鴨係「鞋」嘅、醉鮑魚同醉雞得嗰三片不在話下，冇酒味之餘仲乾掙掙…… Curator Group收呢個價錢，得嗰快餐質素?!?!?! 連水都冇杯!!! 食物唔掂，都廢事點$60+嘅茶飲，免得中伏！