下江南

Open Now

Now Closed

位於西九故宮文化博物館有間新餐廳 吃的是京川滬菜餐廳名叫 -下江南-聽到名字就知當中有特色的宮廷菜式吧～在設計美美的餐牌裡完全就是選擇困難症意想不到在這個可以看海的位置店內裝修及食物味道都一流 價錢卻好平民 性價比甚高- 套餐 -❒ 醉鮑魚·夫妻肺片·重慶小麵 —$148❒ 花雕醉雞·鹽水鴨·山西肉夾饃 —$168❒ 宮廷小點 - 驢打滾 —$58❒ 紫薯芋圓涼粉 —$48❒ 高山烏龍茶 —$42注意要過安檢才可入店要去洗手間又要再過安檢大家要留意啊～

估唔到故宮博物館竟然會有一間古典風味嘅餐廳。餐廳入邊全部都係食著名宮廷菜。餐牌有介紹每一個宮廷菜嘅來源，除咗品嚐食物嘅味道👅，仲可以令我哋認識歷史🥹好有教育意義，下次一定要帶埋仔仔黎。今次黃昏五點幾嚟到，落地玻璃，陽光係玻璃投射室內，環境非常舒適。木係嘅室內設計，簡單舒服，座位寬敞。非常可惜好多宮廷菜已經售罄，睇嚟相當受歡迎🥹下次一定要更加早黎。我哋點咗「火熏玉蓮鴨子麵」，佢的主要特色就是以鴨肉和蓮子為主要材料，這確實是相當獨特的組合。先品嚐一口湯，濃郁嘅鴨湯口味。雖然麵條的份量不算好多，但配料反而很多，有足夠嘅鴨肉和蓮子，再加上其他配料，例如青菜和冬菇片等，使得這道麵變得豐富多樣。這個就是皇帝的口味九五！這款菜式的独特組合和豐富口感確實令人驚艷。最鍾意佢嘅湯底濃郁。每個主菜都可以揀兩款配菜，我哋選擇了夫妻肺片同埋醉鮑魚兩款小菜都好入味。尤其夫妻肺片，香辣口味，食完好開胃🤤仲嗌咗佢甜品，我哋還選擇了「豌豆黃」作為餐後甜品，這是一款小巧玲瓏、甜度不高但不會膩口的甜點。也感受到宮廷料理的特殊魅力。最後，醉雞醉鮑魚食完覺得啱口味的話，仲可以買返屋企繼續食。

放假天相約好友去西九文化區感染下文化氣息，參觀去故宮博物館後逛了逛禮品廊，竟然發現入面有一間中式餐廳「下江南」，木器傢俬裝潢走宮廷風格，環境舒適而且靠窗位置更可以遠眺維港海景。「下江南」全日供應「下江南」套餐連自選2款冷菜及1份主食，當然另有a la carte menu 更有宮廷小食、甜品等等可供選擇👍🏻本身想選擇醉鮑魚及醉雞的，可惜因為嚟到個陣已是下午茶時段，所以早已售罄，想試嘅就真係要早啲啲嚟啦😉鹽水鴨鹽水鴨超級入味，鹹度剛好又能提升食慾，肉質厚實四喜烤麩滬菜名頭盤之一，烤麩已經嗦哂醬汁，每啖都爆哂汁😆手拍青瓜🥒伴雲耳最愛冷盤之一，以白醋及辣椒🌶️調味，青瓜🥒雲耳爽口，酸酸辣辣好醒胃山西肉夾饃🥙肉夾饃其實係用烘烤過嘅手抓餅🫓夾住五花腩肉及大葱等，手抓餅超級脆身，腩肉以孜然粉調味甚富川滬風味🤗火薰玉蓮鴨子麵鴨肉係補益嘅食材，所以經常會出現係皇帝御膳中😆火薰鴨肉已經預先起骨，啖啖肉仲好軟稔一夾就散開🤓鴨肉薰過後更加添獨特香氣，唯麵條略為過軟稔碗豆黃 （4件） 慈禧太后最愛甜品，一客有4小件，淺黃色嘅碗豆糕細膩可口，碗豆蓉好綿密入口即溶👍🏻鮮雜果鴛鴦涼粉大大碗透心涼冰凍涼粉，多款新鮮水果

📍下江南 🔍尖沙咀西九文化區博物館道8號香港故宮文化博物館地舖-----暑假陪親戚去M+同故宮博物館參觀，順道嚟附近食個Lunch。見到呢間餐廳景觀開揚，嘢食都啱有小朋友同老人家嘅屋企食，就揀佢嚟試下。“下江南.精選套餐”佢哋嘅套餐，可以揀兩款小食再加一個主食，分別揀咗🦆火薰玉蓮鴨子麵（$178）同山西肉夾饃 （$168）。小食方面就揀選咗醉鲜鮑、花雕醉雞、鹽水鴨、醉珍肝等等。🍜鴨子麵湯底濃郁，帶少許黑蒜香，蓮子粉糯養生，麵質彈牙，似手工麵質地，火薰鴨肉嫩滑帶鴨香，整體不錯。但要說惹味，個人則更愛外皮酥香，及帶大量孜然粉和京蔥的後者。4款小食，帶醉的3款，包括鮮鮑、醉雞及珍肝都非常不錯，彈牙、嫩滑、爽脆。而鹽水鴨就相對鹹味出少少，單食較濃，配搭🥒青瓜食味道會更到位。#蜂蜜菊普茶（$58）菊味清香，低甜解膩，冰凍爽涼。#紫薯芋圓涼粉 ($48）幾有驚喜嘅甜品，主要是芋圓軟糯度做得很不錯，加上香甜飽滿十勝紅豆，比唔少甜品專門店做得更好。

呢間係係故宮博物館入面嘅餐廳，所以菜式融合咗古代歷史，好特別！都好多人嚟食，所以下晝三點左右有啲食物已經售罄，想試特色食物嘅就要早啲嚟食啦！Lunch Set 小食x 2 主食x 1醉珍肝 + 四喜烤麩 + 青筍蔥椒丸子飯醉珍肝醃得好入味，而且切咗一片片好容易入口。酒味同鹹味適中，濃郁，好滋味，令人一片一片係咁食。四喜烤麩亦切到一口大小，加埋雲耳、金針菇、筍。青筍蔥椒丸子飯，份量好豐富，有6粒丸子，青筍份量都好多覆蓋成個飯嘅表面。丸子嘅肉打到好細好滑，入口即溶。食落有香濃嘅馬蹄味，但係完全食唔到一粒一粒嘅馬蹄完全同啲肉融合晒一齊。青筍入面仲要有冬菇片，同中式醬汁好夾，而且青筍食落爽口。驢打滾餐牌話係慈禧太后最愛食嘅甜品之一，所以好有興趣叫你試吓。佢係由糯米粉整成嘅麻糬捲着豆沙，表面再撒上黃豆粉。食落麻糬好煙韌，豆沙餡亦都唔會過甜，幾特別。

山西肉夾饃 ＄168 如果叫下江南套餐嘅話就會送埋兩款小食，如果單叫嘅話就要＄138。肉夾饃入面有好多京蔥絲、肉粒同生菜。餅酥好鬆脆，咬落去熱辣辣咁好幸福。餐廳用左辣椒粉、孜然粉同白胡椒粉去調味，真係好有山西食物嘅特色。驚太辣嘅人都唔洗怕，佢唔係好辣，份量落得適當，可以帶出個味道但係又唔會太西利。跟餐有醉珍肝同埋四喜烤麩。醉珍肝聞起黎有淡淡嘅酒香，但係又唔會話係好刺鼻。肝咬落去又唔會柴，又唔會好乾，相反好入味唔會苦。四喜烤麩鹹鹹甜甜咁好開胃，而且因為烤麩入面好多個孔，吸晒啲汁好正。佢烤得好，咬落去口感好有彈性。火薰玉蓮鴨子麵＄178都係叫左餐所以有埋兩個小食。鴨肉燘得好細心，細緻油潤。米酒做調味可以令到鴨肉完全冇腥味。湯底濃郁而且有鴨肉嘅肉汁。配麵嘅好處就係可以食晒成個餐嘅精華！小食方面叫左夫妻肺片同鹽水鴨。夫妻肺片嘅麻辣係香港人接受到嘅辣度，有牛肺、牛心同牛舌。三樣都好軟嫩爽滑，滷味都有保留到。鹽水鴨嘅味道又同個鴨子麵唔同。肉質甘腴鹹香，好嫩滑。食完依幾舊之後仍然想再食多幾件！

服務態度一般，因買了一支港幣24圓的430ml Watson 支裝水，竟不提供水杯。套餐重慶小麵，麵質似粉團，不似一般的麵條有彈性，味道一般。最差的是小食分量，四喜烤夫四小粒，三片小雲耳，三小塊鹽水鴨及一條幼小條青瓜，一絕。另青荀蔥椒丸子飯味道也是一般。竟在香港故宮博物館內食中菜，沒有一樣好，真的有失中國人的面。希望貴餐廳多多改善服務態度和食物品質質素。高興參觀故宮博物館，卻在餐飲上敗北，有失香港美食的美譽，又何況是中菜。

放假同阿媽專程入去西九故宮行下,行到咁上下當然要醫下五臟廟🤣經過下江南,見環境幾開揚又見到海景就入去試下😋下江南名字畀我覺得好似皇帝出巡落民間品嚐美食😋叫咗兩set下江南精選套餐可揀(兩款冷菜+一款主食）🏮醉鮮鮑+花雕醉雞酒味夠香但又不會蓋過本身嘅鮮味,鮑魚彈牙,醉雞夠嫩滑！🍜火薰玉蓮鴨子麵去骨嘅鴨肉大大件,有好多肉,蓮子粉腍,加上炸京蔥絲,冬菇片同其他配料,連同上海麵食,真係香氣撲鼻!果然名不虛傳👍🏮夫妻肺片+鹽水鴨夫妻肺片麻辣恰到好處好惹味,而鹽水鴨肉質結實,味道亦相當唔錯！🥙山西肉夾膜餡料有大蔥,入面嘅肉調味啱啱好,份量都多,表皮似手抓餅皮,Size唔會太大,胃口細嘅女士食就啱晒,肉同大蔥都好食,又幾香口😋🥤高山烏龍奶蓋茶烏龍茶嘅清香茶味再加芝士奶蓋非常之夾🍠🍡紫薯芋圓涼粉紫薯芋圓涼粉唔係一般嘅黑色涼粉而係水晶粉,紫薯丸煙煙韌韌好有口感,加埋紅豆蓉賣相好靚👍

故宮博物館 精緻中式宮廷料理開咗一段時間嘅故宮博物館原來除左睇展覽之外樓下仲有不少裝修具特色嘅餐廳今日我地去咗下江南 一間以宮廷料理為賣點嘅餐廳食午餐餐廳空間感十足 而且裝修好舒服我地叫咗兩個下江南精選套餐套餐包一個主食，另有兩款自選前菜前菜以冷盤為主 岩曬夏日炎炎黎食醉鮮鮑第一次食醃咗酒香嘅鮑魚唔好睇佢色水清淡 食落酒味都幾濃而且口感軟林林 值得一試花雕醉雞雞肉鮮嫩 反正冇鮑魚咁重酒味但口感加分醉珍肝咬落爽脆 雞腎我只係食過小食即食個款一般都係偏硬而乾身依款相信係自家醃製 食落會鮮嫩啲手拍青瓜拌雲耳醃得好入味！青瓜咬落入面有醃汁唔係表面嘅酸甜 而係每件都吸收曬 好味係目前試過最好食嘅手拍青瓜重慶小麵偏麻 辣度對我唔食辣嘅人黎講可接受麵條彈牙 不過未算好驚喜火薰玉蓮鴨子麵必試推介首先湯底係清甜嘅 對比重慶小麵惹味食物依款鴨子麵幫你清清味蕾但唔洗擔心口淡淡 因為鴨肉好加分鴨肉肉質好滑嫩 相信係烹調火候有用心個陣鮮味絕對會為成碗麵加分鮮芒果雪糕大明珠份量都多 唔會太甜 兩個人share食岩岩好百香果青檸烏龍不過不失！冇特別落糖漿所以飲落清新 係茶味突出嘅飲品

西九文化區都開咗一段時間，見咁好天去行下。就係行故宮文化博物館嘅時候見到呢間叫下江南嘅餐廳，見個名好有感覺又肚餓就試下佢啦。康𤋮同乾隆都係在位期間，曾多次下江南地區出巡，途中考察民情風俗，品嚐各地特色美食呢間下江南位於故宮博物館，取名好有心思。餐廳充滿典雅氛圍，設計又別出心裁連餐牌都以月亮造型呈現🌙而從餐廳寬敞嘅窗戶望出去，更可欣賞到西九維港壯麗嘅景色，為用餐環境增添不少分數。我地選擇咗兩個套餐。第一個套餐有火薰玉蓮鴨子麵🍜，麵份量不少，啖啖鴨肉鮮嫩多汁，濃郁的湯底中蘊含著豐富的鴨肉香氣，蓮子亦輕輕入口即化。而小食方面，醉鮮鮑同花雕醉雞，鮑魚切開三片，著柔軟卻有彈性又充滿酒香。配上醉雞酒香醇厚，雞肉細嫩多汁雞肉充分吸收了花雕酒的風味，同時保持了肉質的嫩滑和原汁原味。至於酥油野雞瓜飯🍛，雞肉嫩滑香濃美味帶微辣酥油，配上松子紅椒，正而小食鹽水鴨同醉雞一樣嫩滑和鮮美鹹香可口，手拍青瓜伴雲耳就正常發揮。飲品方面，杯水果茶清新解渴最後，甜品選擇驢打滾，甜度適中，建議上枱盡快食，以保留外皮嘅軟糯。

如果去西九文化區睇完展覽或者參觀完，就可以好方便咁即刻喺附近食嘢。呢間餐廳平民化、裝修簡單，可以享受到中菜。呢度有下江南.精選套餐 ，套餐有兩款前菜及主食。我哋揀咗一個套餐，另外散叫咗一啲嘢一齊食。▶️下江南.精選套餐$168套餐前菜揀咗醉鮮鮑及四起烤麩。主食揀了山西肉夾饃 🥙。鮑魚味道唔錯，充滿酒香。四起，烤麩夠入味。山西肉夾饃好特別，外皮酥脆餡料豐富。▶️重慶小麵 $138重慶小麵係粗麵，麵條質感煙煙韌韌，而且充滿麻辣味，非常之香辣。▶️桑寄生蛋茶 $48呢個甜甜地，隻蛋最入味，另外有少量蓮子及紅棗。▶️蜂蜜菊普茶 $58大大杯、蜂蜜味香濃，夠晒滋潤。▶️龍井1位$42有一大壺水俾你自己加，茶味濃郁。

今日放工放半日去故宮博物院遊玩，周圍影相打卡之後覺得肚餓啦，就簡左呢度G層一間好靚既中菜餐廳，繼續一邊醫肚，一邊打卡！呢度既裝修風格真係好靚窗外面既靚景色都令人賞心悅目我同朋友每人叫左一個下江南既精選套餐，套餐可以加兩個特色小菜。呢個係火燻玉蓮鴨子麵，個菜名十分之詩情畫意，火燻鴨肉有熏香既味道，加上用蓮子熬製既湯底，成碗面都好入味誘人！呢個餐配搭左呢兩樣小菜，分別係夫妻肺片同埋手拍青瓜拌雲耳。而第二個精選套餐，我哋就叫咗呢個山西肉夾饃，入面有好多蔬菜同埋鹹鹹地嘅鴨肉，仲有好香嘅孜然味。呢個套餐嘅小菜就揀咗鹽水鴨同埋醉仙鮑，兩樣小菜都非常有特色，味道好唔錯！最後仲叫咗個甜品，鮮芒果雪糕大明珠，呢個甜品真係好夾呢個熱唔熱炎炎夏日。

故宮博物館真係有好多嘢可以參觀，基本上一定會行到成日，所以行完成日，都想搵個地方坐下飲杯嘢，所以就去咗呢間有落地玻璃幾光猛嘅下江南甜品有好多選擇，我們喜歡吃芋圓，所以叫了芋圓紅豆涼粉。望住中環景色甜品，真是別有一番風味，芋圓非常之新鮮，很Q彈，食落去就知道涼粉很適合夏天嗰陣時食，加埋啲花奶同埋啲紅豆，真的透心涼哦飲品方面，水果茶和百香果青檸茶，真的值得叫，份量竟然是手搖飲品一樣，非常大杯，而且所有東西都是鮮榨的，非常之清甜又新鮮。坐到咁上下，我們決定食埋個輕盈晚餐先走，這個山西牛肉夾餅真的很特別，就算在平時的上海餐廳都見唔到，很有北方的孜然粉風味，入面又有不少青菜，中和返孜然牛肉的口感。醉雞非常之入味烤夫甜甜地，非常開胃。快雲吞湯底非常鮮甜，還有用上櫻花蝦和蛋花，用料考究，非常精緻。夫妻肺片有麻辣味牛腱，非常過癮。最鮑魚醃得剛剛好。

今日去故宮博物館當然一定要去食宮廷菜啦…「下江南」位於西九故宮博物館一樓…環境優美，邊望窗外景色嘆宮廷菜，一樂也🥳🥳花鵰醉雞，酒香夠和肉質嫩滑！夫妻肺片，有牛肚和牛展 .. 帶點麻香辣 ，不錯！ 醉鮮鮑，是一開三🤭肉質彈牙👍🏻 醉珍肝，酒香夠👍酥油夜雞瓜麵， 雞件嫩滑，湯底帶點香辣，夠惹味..！火薰玉蓮鴨子麵，湯底好濃好好味，麵條都入味👍驢打滾 ..慈禧太后喜愛的甜品之一🤭原來是 用糯米做皮，紅豆做饀.. 再加上黃豆粉…不會太甜，口感煙韌，不錯！

下江南尖沙咀西九文化區博物館道8號香港故宮文化博物館地舖G/F, Hong Kong Palace Museum, 8 Museum Drive, West Kowloon Cultural District, Tsim Sha Tsui故宮文化博物館起好後, 展覽吸引了本地同外國遊客來打卡, 中國交化及歷史源遠流長, 藝術價值甚高, 值得來看看欣賞及增加見聞。行完博物館也要醫一醫肚, 貼返主題, 不如就吃個中國菜餚吧!下江南套餐是頗吸引的，客人可在這套餐中的七款冷菜與八款主食中揀選其中兩款冷菜和一款主食，價錢由最便宜的 $138起到稍貴一點的 $178，主食店中推介的清宮菜式兩款冷菜分別點了花雕醉雞、夫妻肺片、醉珍肝及醉鮮鮑。有酒香的鮑魚令人一吃難忘，麻辣肺片惹味，拌飯吃，肝軟腍。火熏玉蓮鴨子飯，以鴨肉和蓮子作為主要的材料，再加上青菜與冬菇片等，豉油有鴨油香，完全是白飯殺手。酥油野雞瓜面，雞肉塊嫩滑，陽春麵因加了酥油，不會單調。老薑茶湯圓，黑芝麻餡，湯薑味十足，喝後胃也發熱。宮延食物在香港不多機會吃到#香港美食 #hkfood #hkfoodie #yummy #foodporn #