王家沙 (Closed)

一家人黎食晚飯, 作遲來o既母親節晚飯. 叫左1) 蔥油腰果酥-- 三個金黃色o既圓波波, 無蘿蔔絲酥餅咁鬆化, 似焗製而成. 餡料鹹中帶甜, 食唔出腰果味, 不過我同家姐都幾鍾意個味道2) 松子桂魚-- 價錢較小南國同儂平一截, 但賣相亦較後兩者差. 有少少腥, 而且唔夠熱, 相信唔係即炸, 麻麻地.3) 鮮茄炒莧菜-- 普普通通4) 咸肉津白-- 咸肉好腥, 津白太鹹, 唔得!5) 酸辣湯麵-- 麵質幾好, 幾冶味.6) 青豆蓉湯丸-- 豆蓉唔太甜, 皮好煙韌, 正!7) 豆沙湯丸-- 都唔錯, 不過青豆蓉湯丸特別d.埋單$271, 都幾平!

我非常贊同iihito 講法, 其實王家沙O的服務一向都出哂名奇差架啦, 總有O的野食又唔係特別好食, 我都唔明點解總有咁多人咁傻總走去排隊俾錢買難受.

同意Emily.幾個月前兩個人到旺角店. 生煎飽多汁好好食, 飽底微燶但脆. 蟹粉小籠包內的蟹粉似雪貨, 死實實兼沒有蟹味, 可能因為已經是十二月, 過了食黃油蟹的季節(咁仲賣蟹粉!). 旺角店D枱好逼, 人肥D行過都可以幫隔離枱抺枱.再之前同事請食香港仔店的蘿蔔絲酥餅, 幾好食.

d 野食都萛ok..但係叫個waitress過黎幫我同d friend 揸 機影相點知..影完相之後個waitress問: 你地部相機幾多萬象呀?我地話: 400 萬象waitress 話:0甘低既.. (仲要係大大聲+串串地0甘講喎!!)-0甘即係點呀????? waitress 有d問題....

今晚一行十人黎左開飯同琴晚一樣係食上海菜叫左個八人餐加小籠包同水煮牛肉但最後多野到食唔晒十分浪費八人餐有冷盤可以揀四樣我地要在皮蛋豆腐,牛月展,烤麩同糖醋排骨另外食物有魚羮,黃金蝦,松子桂魚,蔥爆牛肉,賽螃蟹,樟茶鴨跟蝴蝶包,蟹粉生煎包,棗泥糕同一碟唔知叫咩既炒雜菜另加送豆漿皮蛋豆腐同烤麩～味道一般,冇乜特別糖醋排骨～好入味,但d肉既質感似牛肉乾粒多d牛月展～有少少un,味道亦唔突出魚羮～有帶子粒同豆腐粒加莞茜煮成,濃淍適中,唔係用豆粉水煮成,清清地唔錯黃金蝦～呢個好香口唔算好油,用鹹蛋黃包住炸熟既大蝦,d蝦好大隻又有鮮味,鹹鹹地好好食松子桂魚～桂魚原條炸起,再舖上松子等等配料同醬汁,甜酸度適中,魚肉又炸得唔鞋,d粉又唔厚,好味道蔥爆牛肉～牛肉炒得好滑又唔油,又食唔到梳打粉既味,不過d蔥太多,食到尾時要慢慢o係蔥中搵番d牛肉出黎食,連埋薄餅一齊食好正賽螃蟹～呢個比較失色d,蛋白唔算炒得滑,而且又無乜料o係入面,普通至極樟茶鴨跟蝴蝶包～如果鍾意食鴨胸既朋友會鍾意,而且d肉好瘦,有煙薰既感覺,味道少少鹹,點埋醬汁忍唔住食左兩三件蟹粉生煎包～呢個好好味呀！皮煎得夠脆但略嫌膿左少少,但入面d湯

因為黃埔唔就腳，所以知道旺角有分店，就好高興咁去試... 週末下晝一點幾都好多人等位，寫飛果位小姐態度差，朋友已經發火話唔想食，好彩等咗唔係好耐有位，不過要搭枱... 無想過環境咁差，服務員十個有九個都黑口黑面，叫住都仲走開...- 蟹粉生煎包、蔥油餅、煎八寶飯- 幾好味- 酸辣湯- 料少又唔夠熱，味道麻麻- 薰疍 - 疍OK，不過竟然用白鹽- 擔擔麵- 麵普通、湯唔熱又唔夠味... 要唔辣，不過佢俾錯咗隔離枱碗少辣我- 鎮江肴肉- 得個咸字真係無下次！

今日與友人飯局, 地點佢地定, 雖然知道這店水準差左, 但好耐都冇幫襯過就試下啦! 7點未夠去到, 坐樓下, 此時仲未爆滿, 但都坐左一半人左右。我們叫左三絲粉皮、蟹粉小籠包、生煎包、懷舊咕嚕肉、雞翼炒年糕(仲有兩碟都唔記得名), 由落單到全部菜上晒檯都唔駛十分鐘, 犀利! 蟹粉小籠包個皮好厚, 但生煎包塊皮更厚, 有點硬, 麻麻地; 三絲粉皮的粉皮多過三絲, 味道一般; 至於懷舊咕嚕肉及雞翼炒年糕都唔係好熱, 覺得係一早整定的貨色。懷舊咕嚕肉賣相幾大, 但係粉厚過肉, 食左一件就冇再食; 雞翼炒年糕就唔錯, 雞翼係一早起左骨的, 年糕食到底o個d好深色但都唔會好咸。但我相信我唔會再黎幫襯!七點半左右已經坐滿, 到八點走時見門口有好多人排隊, 係咪真係咁好食呀?

王家沙真係令人好失望...第一,侍應態度勁惡劣,好串,令人冇晒胃口食o野!我問個侍應可唔可將辣醬同麵分開,佢D態度勁差咁答"小辣都使分開?!"點知佢所謂o既小辣辣到我食唔到...我真係想講粗口鬧佢!第二,由坐低至埋單都冇人主動o黎serve,連menu都冇!第三,污煙漳氣令我好辛苦...最後,就係連意見紙之類o既o野都冇,問佢拎張意見紙,佢只係俾張白紙我!唔知佢o地係咪覺得自己已經冇改善空間?連麥當勞o既侍應都好過佢o地, 早知去麥當勞食算!(好彩下午茶好平冇咁嬲!)

話說一家人開開心心去王家沙食野，以為有幾勁啦，點知就食到一肚氣走呀!真係從來都未見到服務態度咁差既侍應，一坐低好聲好氣叫個侍應幫我加多張CHAIR 啦，點知語帶不滿話："等陣啦，我碗筷都未擺好，點拎呀"...好啦，我都OK，冇乜點。點知隔左一陣我家人唔小心張CHAIR 阻到個侍應上菜，佢就知點解語氣極差咁叫佢：借開呀! 都算啦，跟住叫人拎張點菜紙比我，叫左三次都冇人應我(佢地一定聽到的)，我就開始有D不悅喇，皆因LUNCH TIME又唔係多人，但都仍然好聲好氣同部長講：可唔可以比張點菜紙我，我叫左幾次未拎到喎...點知佢就勁串地講：係牙，叫左三次牙...我本住基督愛既精神都算，不過就覺得上樑不正下樑歪囉。跟住服務態度仍然勁差，仲有，落錯單仲要態度極差話唔係呀馬(好似係佢自己落錯嫁喎)，又迫人地要喎，而我呀媽又話新正頭算喎，個侍應同我媽一齊激死我! >_< D侍應好多都係大陸人，真係忍唔住覺得大陸人好唔爭氣呀，冇乜禮貌,文化，自己做CHEAP自己，食完就覺得個老闆真係夠曬愛心，咁既員工都肯請...至於食物，普通啦，一般上海菜水準啦，都唔夠觀塘廣場果間野好食。心諗，下次食老

食過黃埔果間，發覺王家沙是一間不錯的食店。難得的一天假期，我跟媽媽去完朗豪坊，便前來一試。兩個人點了生煎、蔥油餅和酸辣湯麵。酸辣湯麵味道不錯，辣度適中；蔥油餅一點都不鬆，跟本不能與黃埔相比；生煎，極度失望，肉汁早已流出飽外，味道也一般。抱著希望，拿回失望。下次都是回黃埔吧!

尋日下午o係朗豪坊行街, 走時o係王家沙買左盒醉嘉美雞作晚飯加餸.夜晚食飯時一打開個盒, 好香紹興酒味呀! 係咪真係嘉美雞就不得而知, 但係起碼雞肉唔肥亦唔鞋口, 爸爸媽媽食得津津有味! $28氹得老人家開心, 好抵!

食個tea~~~~ 幾抵呀，d野食都幾好丫........$15 per person........good!~

話說半月前與35知己到旺角王家沙,7時到達但要等,門口帶位員工唔錯,先俾一張菜單介紹食品,約20分鐘有,唔食煙要落下層,進入時班侍應微笑揮手帶領入座,接柯打前後都有講多謝,令人感覺唔錯.隨便叫幾道菜,東波肉,崧子桂魚,醉,咸肉津白,蝦仁兩面,2客蟹粉小籠飽,味道幾好,約$400 埋單都唔算貴.埋單後去朗豪坊行行,約半小時才發覺唔見銀包,真黑.諗諗落王家沙問一問,一入門口,哈哈,侍應話係你啦,係唔係唔見銀包,失而復得,開心.王家沙員工扺讚.

成日經過都見勁多人排隊,今日六點零鐘就食Dinner,唔駛排咪試下.入黎地下呢層最篤個位,同隔離台得一條罅隔住,同搭台冇咩分別,我張凳仲要係摺凳添,全程要攬住個袋o係心口食飯.兩個女仔只叫了一個酸辣湯麵,鮮肉小籠包(6隻),紅油炒手(6隻)同香蕉豆莎鍋餅(八件).酸辣湯麵- 只係好耐前食過一次,無從比較,我覺得入口ok,微酸微辣..不過d麵條好長,同個friend share時好麻煩..想用spoon界斷佢地,點知又鬼咁靭,好難界喎!鮮肉小籠包- 皮有點厚同乾,勝在唔易穿,不過d餡麻麻,湯又唔多.紅油炒手- 上次o係稻香食過一次覺得正所以黎呢間試下,但我覺得d味怪怪地..條利"較o岩位"至有少少辣..香蕉豆沙鍋餅- d豆沙唔知做乜bit哂出黎,賣相麻麻,奶左d豆沙,感覺好似食梗香蕉糕,冇乜豆沙味,d皮又唔夠脆.不過d服務都ok,成日有人自動黎斟水,換碟同執台(唔知做乜我今日又跌小籠包,又瀉麵,又跌豆沙鍋餅..-_-")唯廁所有人放枝煙o係米缸由得佢燒,好似點蚊香咁,臭.=.=overall我都覺得呢個價錢唔值,唔駛等位都未必再幫襯,除非有朋友食過,有其他心水推介啦~!

睇完戲響附近搵地方食飯, 都成九點半, 諗住可以試下呢間長龍餐廳. 點知都要等位, 好彩只係等兩張檯就到. 唔係好肚餓, 三個人點左:馬蘭頭豆腐----馬蘭頭完全無味, 豆腐碎到唔講都唔覺有.生煎包----聲稱係改良版, 個皮唔同一般生煎包果d, 肉餡好多汁, 味道唔錯, 不過已經唔算係生煎包, 而係煎小籠包囉.擔擔麵----麵太腍.干煸涼瓜四季豆----幾大碟, 可以再濃味d.入面環境都幾嘈下, 上菜超快, 有d壓迫感. 食物唔算出色, 不過幾經濟, 要等位的話就免了.