王家沙 (Closed)

我好同意小桃所講王家沙真係得個出名, 旺角間舖未開個陣時, 我去過幾次黃埔度食, 都覺得ok. 但係上個禮拜去過旺角個間食真係食到一肚氣, 食物難食, 侍應又無禮貌, 好似一o的都唔憂做. 水準keep 唔到總要咁串,真係呢世都唔會再去. 好似呢o的上海菜館大把好過王家沙啦.

有時我真係唔係好明,點解好多人都鬧旺角王家沙鬧到死? 話說我第一次去既時候,一切都唔錯,或者我好彩卦!而且,我咁岩琴晚先同屋企人食完,不過今次係外賣,呢間分店既特色係多一個外賣部,我地要左三樣野,包括糖醋排骨,淨菜飯,同埋素菜包,奇怪既係,除左素菜包之外,其餘兩樣都係外同堂食有分別!!賣既糖醋排骨比堂食分量看似多少少,但係堂食多肉d,外賣好多骨,我地好似lun骨咁…外賣既既菜飯比堂食多左一樣料,係啡色一粒粒既,但係我地唔知係乜,不過好在味道無大變,都唔錯!其實素菜包係堂食好味d,主要原因係熱d,味道就庶分別。同埋,外賣係我落打電話落左order,然後自取,咁就唔使等!

尋日去食，等左大約20 分鐘就有位，初時重以為要等一個鐘啊，因為好多人在門口等位。 我地在下個層，4個人但俾左張5 人台。我覺得蔥油餅同擔擔麵(小辣)最好食，但係小籠包就差左D，個皮太厚。 D服務真係唔錯，每食完一碟，D waiter 好快就收野。

服務態度勁差, book左都仲要等成個鐘。以為有咩咁好食，食完後都係不外如是o者!仲要攪到一肚氣...，當我要落order時，落到一半就走去，完全都無耐性!更可以o向執時跌隻杯，都只係大笑一聲就算，一句sorry都唔講，同個經理投訴，佢都費事理，好似大晒咁!講真!食食到咁委屈，就算幾好食都食到背脊骨落，更何況佢又唔係咁好食!

星期六晚9點幾,旺角王家沙依然很多人排隊,幸好吃完的人亦多,只等了十多分鐘便可入坐大約個多月前,光顧過沙田王家沙,水準ok啦今次水準仍然ok啦蟹粉小籠包—多汁,但食唔到蟹粉,當然收30幾蚊四隻,不能要求多蟹粉擔擔麵—在沙田食過大辣也不覺辣,反而旺角要中辣就有辣味,證明品質控制仍需改善樟茶鴨—不夠熱且過鹹炸小黃魚—不錯,比小南國好酒釀丸子—一般芝麻湯丸—一般小籠包依然喜歡翡翠,擔擔麵還是詠藜園好

真係得個"出名",但要明白你係因為"食物好食"而出名,但出名都要keep 住有一定水準先得."蟹粉小籠包"唔得喎,個皮太厚身,內面豬肉都無小小蟹粉,得所為蟹粉汁係個包裏面."醉雞"得燒酒味,但其實除酒味之後,都應該會有少少當歸、花旗參等藥材味,但佢無囉.都係唔得.去過一之, 我就未必會再去囉.

唔駛等排隊幾好啦,點知落到地層已經知道唔得掂....D檯逼到埋一埋,要捐入去=="辛苦的一餐!中間唔知掂解有一塊板,左住曬!仲有樓梯好紮~好難行!最衰就係搭檯!明知上海野大大碟,野食好似要趺落來,而且聽到人們係到講咩,(一句講題:唔得!唔會再去!)

這裡的食家對這間王家沙的印象平平, 所以我今日都係懷著"期望不大"的心情光顧.Order左蟹粉小籠包, 三鮮水餃, 牛肉餅, 蔥油餅, 醉嘉美雞, 鎮江肴肉, 雪菜炒年糕. 雪菜炒年糕沒有什麼味道, 或許這就是食剩的原因吧. 其餘菜式我覺得有中上或不俗的水準, 算不錯吧.埋單$236, 大約$120一位. 整體而言, 我覺得滿意.

上個禮拜去王家沙旺角分店食晩飯, 我地本身book左7:00三位, 個reception話無問題, 點知當我地去到時個reception就好串咁同我地講"小姐, 你唔知三位無得book架咩?" 我地明明打電話落來book你話無問題, 點知去到你又話無得book, 你到底想我地點呀? 算啦, 我地諗住一場來到又見到問口唔係好多人等, 之後都等飛入去食. 點知原來咁o既決定係完全錯架.....1.生煎飽個底煎到黑哂兼硬晒, 總要size好唔一致, 賣相超唔掂. 2.招牌小籠包總唔掂, 冇湯得來皮又超厚. 真係好難食.3.松子桂魚, 我唔知係條魚唔新鮮定o的汁有問題, 總知就有陣怪味.4.糖醋排骨硬到好似石頭咁.我覺得王家沙總衰過茶餐廳, 宜家咁多上海菜, 是但搵間都好過佢, 以後都唔會再去.

唔知係咪近排呢類京滬菜館開得太濫，為了迎合香港人的口味，搞到菜式不太正宗。當我以為這間會好一點時，誰知又是失望而回。酸辣湯，料好多，但水冇乜，味道尚可；擔擔麵，好細心咁用匙將花生醬分開上，但如困唔落花生醬，湯底淨係得個辣字，沒有麻醬香味，>_<；蘿蔔絲酥餅，個餅底焦，餡居然有肉鬆同花生，蘿蔔絲反而超少？！至於賽螃蟹就普普通通啦，好似落味精，味道偏濃，最不滿是要收茶錢，但杯茶跟茶餐廳那些差不多，而且麻煩侍應加茶，叫十次先加一次，離譜！

服務勁差, 檯的設計又密又差, waiter仲要係俯身誇過另一張二人檯要你接過你order的菜, 乜行多幾步路都唔得咩?食物有頭髮, 已經blacklist 唔會再去金滿庭服務同食品同好過佢多多聲

之前食過黃埔果間，麻麻地，今次又試吓旺角哩間，唔洗等位，七個人叫咗都幾多嘢︰松子桂魚︰都OK，個汁都唔錯東坡肉︰係咁多樣最好味，個汁好甜好味蟹粉小籠包︰麻麻地，可能小籠包會好味啲啩紅油抄手︰麻麻地，太細粒雲泥白肉︰$48但得幾片，搵啲粉皮墊底醉雞︰最唔得，完全冇酒味三鮮炒年糕︰冇乜味，好清燻魚菜飯︰一般，個朋友仔話唔好味酸辣湯︰OK，冇乜特別香蕉豆沙鍋餅︰個皮唔太好，而且唔多覺有香蕉位又逼服務又麻麻，比起金滿庭真係差啲，所以都唔會再去食

我覺得D 檯設計令人坐得唔舒服,中間有塊木欄住兩隻腳,穿裙的不能坐.所以就算食飯時間去到都會有位.食物都唔錯.

真係不知所謂。一行四人同人慶祝生日，想食京川滬菜，咪試下呢間新開既食肆，明知好多好旺既食肆都唔俾book 檯，咁我打電話去訂檯果陣，我就已經第一句問佢：「你地呢度有冇得book 檯架？」跟住個伙計就問我幾點同留乜名，咁我以為訂左啦，點知一到，先知訂左檯同冇訂檯冇分別，都係一齊輪候，仲要最後俾搭檯俾我，有冇搞錯，如果係訂同唔訂冇分別的話，咁咪話我知冇得訂囉，最白痴係佢樓下大部份都係大檯冇乜細檯，差不多檯檯都係搭檯既，連大卡位都係搭檯！咁蠢既設計都諗得出？不如放多d 細檯好過啦！後來我地落左單，見到有個卡位空左，就問伙計可唔可以調過去，佢個部長d 語氣勁差話唔得，咁既服務真係食到一肚氣！講返食物呀，小籠包真係唔及金滿庭好食，蒽爆羊肉就蒽多過羊肉，羊又冇乜味，仲要唔多熱，蘿蔔絲酥餅又唔鬆，蝦仁兩面黃就幾好既，最好食係生煎包，講真，大把京川滬菜好食過佢多多聲，與其要等位，我寧願等金滿庭，一來好食好多，二來人地服務態度好，唔會昆左你去訂位先啦，人地客多到唔憂做，其實服務馬馬虎虎都大把人去啦，但係仲可以好到竟然為排隊既顧客提供茶水(仲要唔係品質差劣既茶喎！)同點心喎，一間食肆留唔留到客，除左食物，

原來旺角開間王家沙都唔知tim，成年前試過紅磡個間，唔知呢間點?冇紅磡個間咁虛，我食完7點幾走時，都冇人排隊。建議坐樓下闊落d，樓上太迫唔係幾舒服。係咪新開關係，d 待應都幾生手。冷盤糖醋排骨同燻魚好得喎，兩碟都夠晒入味，排骨鬆化唔會實、燻魚唔會炸得乾淨淨，好似魚朝乾咁!擔擔麵已經叫了大辣都唔夠辣，係非常之夠咸就真，而又好夠麻，不過唔係麻辣個麻，係好勁麻油味，以為食緊公仔麵，麵身又淋，好似浸了好耐咁。蚧粉小籠包湯汁雖多，味道與一般小籠包沒分別，完全食唔到蚧粉鮮甜味。番茄炒莧菜係紅磡都食過好食，所以再叫，味道ok。豆漿唔錯好有豆香味，而且仲飲到少少豆渣tim。