華都海鮮酒家

Open Now

Now Closed

原來很多朋友都不知道東涌有海鮮吃哦~~水太太十分推介東涌海鮮，比起南丫島、長洲、三聖等實在更平更新鮮呢﹗其實晚上坐在碼頭邊的風景頗漂亮的呢﹗食海鮮最重要是食材夠新鮮這個白勺海蝦，簡簡單單，完全無須任何調味料，已經勁鮮甜﹗炸鮮魷~~~~ 非常邪惡，但水太太吃了很多呀﹗因為鮮魷雖經油炸，但仍有很多汁呀﹗果然非常新鮮惹味~~!!鼓椒炒蟶子果真沒得彈，蟶子大大啖肉，又爽又鮮甜﹗油鹽浸蜆，蜆肉比蟶子更清甜﹗無得頂﹗正到痺呀﹗份量亦不少﹗美女指明要點的蝦仁炒蛋，超考功夫，但大廚一點也沒有被難倒﹗美女平日十分嘴尖，難得今晚竟大讚這個蝦仁炒蛋，皆因除了蝦仁夠新鮮爽甜，炒蛋也很滑，很JUICY~~ YUMMY!!炸生蠔絕是今晚的亮點，時間炸得剛剛好，外脆，內超鮮甜，生蠔的海水味在味蕾中彈出來的感覺，實在很捧很難忘﹗﹗﹗這魚不記得是甚麼魚了，很鮮很爽很滑~~揚洲炒飯一樣是非常足料，雖然偏咸，但炒得乾身，更是大排擋份量﹗我們這麼多人也夠吃~~蒜蓉炒生菜也平凡得來不俗~~乾炒牛肉也很正斗呢﹗超有穫氣，很入味哦~~雞與之前的食物比較起上來，是普通了一點，但肉質算很彈牙亦很滑~~漁鄉小炒，很香口惹味﹗讚﹗大家都吃

對比其他海鮮酒家，華都有自行出海捕魚，所以海産都較新鮮，也有較多種類，而價錢合理。蒸了一條叫不出名字的海魚，肉質鮮嫩，配上豆豉蒸引出鮮味已經很美味。椒鹽鮮魷偏咸但炸很酥香，搭配喼汁更鮮味，適合配白飯。還有一味做法簡單的蒜蓉茄子。其實也就只是把蒜蓉放上茄子上蒸熟，但兩種食材很速配，送飯吃很適合。飯後酒樓有送水果，也是較普通海鮮酒家新鮮。當作懶得自己下廚而出外食的家常飯是不錯的，可惜餐廳位置較偏僻。

這裡的好處是致電即可安排車接送，當然不是benz.但服務不错。要不然没車一族甚難可享受此地美食。環境。自然風吹起，是曰天氣一般但無損我們的雅興。 還挑選室外的座位 看海。來這裡多次，小炒熱菜都出色，但本人較爱海鲜，蒸海三寶有蝦干魚干吊桶。清蒸都巳很惹味。椒鹽鲜魷亦出色。外皮薄脆。欖角排骨第一次試，是意外驚喜。味濃肉嫩，欖角再配水蜜桃，比美大酒店出品再加上油麥菜!在大自然青山绿水中享用美食，太醉人了。

在香港食海鮮，掛在口邊的，通常都是西貢、布袋澳、鯉魚門、流浮山、三聖墟、同長洲、南丫島等地。其實，昔日的東涌，也是一個會有人專程來食海鮮的地方。可是，機場的發展，昔日的小漁村已經變成一個公屋及豪宅林立的新市鎮，漁村風貌同美味海鮮是否因為市鎮的發展而消失呢? 答案是沒有，反而，因為這兒近機場，交通比以前方便了，這兒變得比以前更出名。是日，在機場工作的朋友將要離開香港，前往印尼登巴薩兩年，為近他們一家人，我選了這兒為他們一家人餞行。特意早一點來，因為這兒沒有足夠的車位，而我們在餐廳旁，往碼頭看，眼神刻意地避開燈火通明的機場後，再閉目幻想一下，當年坐4、5個小時船 + 巴士才能夠到達的東涌，就是這感覺的。在碼頭旁回頭一看，是一條小小的漁村，叫做馬灣涌，可是昔日的漁船，現在只是零零散散地泊在海灣內，而此碼頭亦沒有渡輪服務了，來往屯門，東浦，大澳的船，停泊的位於市中心的新碼頭。如今，我只見過水警輪停泊，村內的食肆把一袋一袋的飯盒送上船。再回頭，就是村口，而村口的第一家食肆，就是我們的飲食目標《華都海鮮酒家》。這一個地方，這一條小村莊，若是沒有背景的高樓大廈，這兒的漁鄉感覺，黃昏的海邊感覺，很寧靜

東涌許多中學生都喜歡叫華都外賣因為又快又好味，不過華都最近又加價加上有甲甴事件仲有華都職員態度差所以一大班人去叫外賣都冇人願意去打電話去落訂呢排都食狗飯（學校飯）。。。直至前兩日有位勇士話想食華都就自告奮勇話幫我地訂埋，我叫咗個咖哩牛腩，我啲朋友叫咗茄子炆米，魚香茄子，椒鹽豬排，咕嚕班腩同日式炒烏冬。到手後拎返班房慢慢嘆。華都份量果然多，半盒飯已飽，咖哩味濃，略嫌薯仔太少牛筋太多，咖喱牛腩唔錯不過我啲朋友就喺度呻咕嚕勁酸又剩係得舊骨，茄子又得幾片，豬排細塊，日式炒烏冬原來只係豉油加啲粟米火腿蟹柳撈埋一碟唯一好評係椒鹽好足料。我心諗 好彩我食開咖哩牛腩都keep到水準姐題外話 有次食咖哩牛肉啲咖哩好水但隔離同我一齊訂華都佢都食咖哩又ok喎，百思不解

7月28日，我們一行16人探訪完沙縲灣莫老師農莊，坐船去東涌舊碼頭華都。莫先生跟店主非常熟，她介紹了一條三斤的黑立，肯定是catch of the  day，由於黑立本身肉貭不及黄腳立，所以很考功夫，但出來的效果不俗，只有魚身中間近大骨部份鞋一點，其他部份都很滑很快食清光，我要了個魚頭，魚味特別香濃。另外每人一只超級大的扇貝、斤半白灼蝦、一隻古法雞、海龍皇湯、三客鮮魷和在農塲帶來的茄子(清蒸)。扇貝、白灼蝦和鮮魷沒有甚麼驚喜但 其中古法雞就非常入味，我只分到兩塊雞尾，下次人多可以叫兩只。價錢卻非常超值，埋單只需HKD2,600.00，比起那些西貢海鮮餐館，倍覺到這種舊式小店的殷實 我一定會再來。。

前幾日先嚟過一次，因為覺得好好味，所以帶埋屋企人嚟開餐~ 我地7個大人，叫咗：- 花雕蛋白蒸蟹- 蒜蓉粉絲蒸扇貝- 蒸立魚- 薑蔥焗生蠔- 豉椒炒蜆- 椒鹽魷魚- 臘味煲仔飯- 蒜蓉炒菜心基本上全部海鮮都蒸煮嘅時間好啱，亦好新鮮，無論係蟹、扇貝、魚定係生蠔嘅肉質都啱啱好，好鮮味。花雕蛋白蒸蟹應該算係招牌，次次都見有人食，我今次都係encore；呢期d扇貝好大隻好正，又係代表作；桶蠔都好肥美，食落口好滑同薑蔥嘅味道又好配合；蜆比較細，炒起上嚟得番好少，不過其實order嘅時候職員已經講咗俾我地聽呢個時候d蜆係細d嘅，我地想食所以照order，其實佢味道係好嘅。椒鹽鮮魷嘅味就唔係咁夠香口。煲仔飯好足料，一打開已經好吸引~呢度嘅職員都好nice，連免費接送去地鐵站嘅司機都好好人。環境幾特別，我地坐近門口室外海邊，食完沿住碼頭行入去原來好長好多檯，幾有風味。海鮮嘅價錢睇落都唔平，但煮得好食又唔收加一唔駛茶芥，最後埋單都唔係貴，7個人唔駛$1400，亦食得好飽，都算好抵食~

我同六位親友到呢閒酒家吃晚飯。係門口間海鮮擋要了一條黃腳立魚同兩隻蟹。同海鮮男話要條細魚, 佢就話冇肉食。最後要左條中魚, 海鮮男就話條魚大約二十兩重, 但兩隻蟹就冇話幾重。攞入廚房煮前又冇話俾我地聽條魚同兩隻蟹幾多錢。碟魚煮出來都係得十二兩到, 碟蟹仲衰叫兩隻蟹有三隻蟹蓋但蟹鉗又唔夠四隻, 蟹肉又唔新鮮。我地仲叫左炸子雞, 雞係雪藏雞。齊豆腐, 炒蜆, 芥蘭炒鮮魷, 西芹炒肉粒, 還可以。酒家環境同衛生差劣。要係呢閒酒家食海鮮, 要留意唔好俾人呃!!

今晚和親朋戚友到東涌新華都海鮮酒家慶祝生日。這家酒樓的海鮮種類齊全，而且令人回味，蟹的肉和膏是我們多年來所吃的膏蟹之中，最充滿了肉和膏的蟹。桶蠔同樣很肥大多肉，只是少了些蠔味。此外，還叫了炸子雞。由於此店的拿手菜是海鮮，並不是腥葷，加上他們選用雪雞，故此製作不太美味。蒜蓉雙邊蝦與蒜蓉扇貝惹味十足。環境不是很理想，雖然頻面對海邊，但由於衛生欠佳，以致積聚很多油漬與臭氣。值得一提的是，該酒樓有免費穿梭東涌地鐵站之間的小型汽車接載服務。:

呢日, 行程已定!!!!!!朝早至中午, 相約左一堆同事仔入東涌踩車車, 然後夜晚就去食海鮮!!!!Nice Gathering~~~~~~ YoYo = =v踩左全日單車, 都真係幾攰....................好在之前已經定好晒行程, 唔使再慢慢傾慢慢諗 =]交完車, 就向我地既最終目的地進發, 吼吼~雖然其中有個同事仔係住東涌既, 不過原來佢都未去過 = ="半搵半問之後, 終於見到我地想去一試既海鮮店!!其實位置都幾隱蔽, 經過一條小村, 再有一個碼頭, 夜晚周圍都係黑麻麻, 都真係幾難搵........去到之後, 小店門口就有一隻小艇, 小艇既每一格都係唔同既生勾勾海鮮 =)先搵位坐好, 跟住我就同個同事仔出去睇野食.....睇下問下計下之後, 我地揀左:- 清蒸鮑魚仔- 清蒸xx魚 (老板娘介紹, 古怪名, 唔記得左 = =")- 辣酒花螺- 豉椒蟶子- 清炒西蘭花- 白灼海蝦- 芥菜肉片湯揀好餸, 就乖乖坐低洗碗筷.....全埸滿坐, 所以等左大約 10-15 分鐘先有得食......好肚餓耶!!!還好, 呢餐無令我地失望~清蒸鮑魚仔: 味道鮮甜, 無蒸過火

兩年後再踏足嘅酒家...... 記得以前嚟過幾次，每次都滿意地回家 去到八點，全店滿座，唔知係咪因為天氣熱定係太晏入到去，可以選擇嘅海鮮唔多，起我哋考慮食乜期間，連最後一份螺都無埋，無蝦，蚧又貴，魚無乜特別。最後只係叫咗砵酒焗蠔、炒蜆同埋椒鹽鮮尤三款算係海鮮。炒蜆當然好食，份量也多。鮮尤都好味，但相對以前，份量少咗好多。砵酒焗蠔味道唔錯，酒味適中，但因為係美國桶蠔，所以蠔嘅 size 太大，我比較鍾意食細隻 d，一啖一隻啱啱好。其實都只係叫小菜，生炒排骨保持水準，仍然係我嘅至愛。豬骨串，第一次食，好味，而且整得好稔~~我希望下次去可以多 d 海鮮食丫~~

到東涌行山，中午安排了吃素，晚上選擇了這家海鮮酒家。酒家坐落在東涌舊碼頭旁，有室外和室內的位置，如果天氣好的話，在室外進餐會更有氣氛。但緊記在進餐時，眼睛切勿往水裏看啊一行十二人，先看看海鮮情況，未知是否天氣太凍？或是這裡消費較高？海鮮價位頗高，還是吃小菜罷了。羊腩煲椒鹽鮮尤鹽焗雞 - 雖然有點嚡，但味道豐富，絶不是沙薑加鹽的所謂鹽焗雞。椒鹽骨 - 送酒、送飯一流什菜煲蜜汁豬展骨 - 好味三寶蒸茄子 - 上枱以為唔熟，其實是無有經過油泡的茄子吸收了銀魚、蝦干、魚干的味道，又甜又好味。金銀蛋浸菠菜

星期日一家人到東涌這間比較隔涉的酒家食海鮮, 好處是人少易搵位, 唔好處是海鮮選擇較少... 中午十二點左右到達, 似乎我們是第一檯客人, 於是隨我們選擇坐位, 可以選露天或室內位置用餐; 雖然露天位可以望著海景進食, 但因為同行有老人家, 避免風大著涼, 還是選擇了室內.酒家的地理位置唔錯, 面對大海景和昂平纜車山景; 店外是碼頭, 有幾部小船停泊著, 其中一部是水警輪, 治安問題絕對可以放心 點完菜後和家人走出碼頭逛逛拍照, 大概十分鐘後回酒家便有得食 今次飯局主要目的是食海鮮, 所以點了八菜一湯, 其中除了炸子雞和炒菜外, 其餘全部是海鮮, 切合主題!!先上的是薑蔥炒蟹, 我們選了羔蟹, 好多蟹羔~~ 自己好喜歡把蟹羔混和著薑蔥一起吃, 味道又甜又有點薑的辣味, 諗起都流口水 另外蟹肉都好鮮甜, 作為整頓飯的第一道菜, 完全合格以上!!第二度上檯的是椒鹽瀨尿蝦, 相比起薑蔥蟹, 這道菜較普通, 蝦身不長也不厚, 鍾意吃多肉的我並不太合意. 而且椒鹽的用量比較起坊間的海鮮酒家來得少, 整道菜的香氣變得相對失色...之後是海鮮豆腐湯, 湯料很足, 有很多魚仔和貝殼類海鮮, 加

諗住行完街搵間有d特色o既地方食晚飯, 呢間對住果海, 應該有d風味, 不過一坐低, 風味就冇乜, 臭味就一陣陣! 我朋友仲見到隻大老鼠行過, 一d都唔驚人, 可能係間飯店隻寵物啦....不過一場黎到, 如果d食物有番d質數就算, 出去睇d海鮮, 選擇唔多, 只係有賴尿蝦, 鮮魷, 扇貝,蟶子, 中蝦, 有幾條魚, 花螺, 蜆, 但係價錢就一d都唔平, 想簡簡單單食個晚飯, 所以只係點o左6個菜, 鼓椒炒蟶子, 鼓椒炒蜆, 黑椒牛排, 東江豆腐煲, 冬菇菜膽, 西芹雞柳點完菜連水都冇, 蟶子同炒蜆好快上, 不過係凍o既, 叫o左幾次至拎d水俾我地, 其餘d餸就等好耐都唔到, 隔離檯d食物一個接一個上, 可能因為大部份都係海鮮啦!我地就睇住人地食飯, 自己碗飯就攤到凍晒d餸都未上.....結果餐飯食足兩個鐘!頭先講過, 碟蟶子同炒蜆係凍o既不特止, 只係有鹹味冇海鮮味, d牛排好靱, 雞柳淡而無味, 係個東江豆腐煲正常d!埋單果時仲拎o左第二檯d單俾我地, 唔check單就真係雙倍價錢, 咁普通o既餸菜, 埋單都要成四舊水!係好後悔帶班朋友去受罪, 以後一定唔會再幫襯!

大排檔一個，但又對住個海。(雖然個海幾污jo，不過夜晚唔覺既) 其實風味勝於一切~對得字個海，都係食海鮮嫁啦~點左椒鹽賴尿蝦同清蒸花蟹。賴尿蝦幾夠肉，幾新鮮。花蟹原隻蒸好鮮味。哎多左個菜，一碗賴粉，一支可樂，2個人咁就3百幾蚊了。以佢D海鮮既新鮮程度黎講，呢個價錢可以接受，會再幫襯~