千府·居食屋

Open Now

Now Closed

入到餐廳叫油甘魚較，落完單之後，店員話無，咁唔緊要啦，要一夜干啦，店員又再落單，之後再講話原來無。哇，叫乜無乜嘅餐廳😓，點解店員會唔知有無貨嘅？賣晒咪寫明sold out 囉，要續樣問嘅咩？以為睇緊麥兜🐷嘅笑片🥲🥲🥲。咁就叫牛肉烏冬，鰹魚烏冬，同薯餅。朋友一早食完個牛肉烏冬，因為好細碗，幾啖就食完，咁佢就一齊等我嘅鰹魚烏冬。入座後要等30分鐘，鰹魚烏冬都係未嚟！我已經追問過幾次，依然無人理會，剩係話「整緊」Em….點解店員可以唔跟進就話整緊嘅？唔通佢同廚房有心靈感應？！問咗三次都無理過，今時今日，未見過咁🫠嘅服務態度㗎。當時間店係好空下，有圖為實，我朋友嘅牛肉烏冬已經食完，而我追問下我嘅鰹魚烏冬，但店員都無諗過話去跟進下個烏冬幾時有😒等咗好耐好耐，終於碗烏冬有得上枱，店員直接放落枱，一句「唔好意思，要你等咁耐」都無㗎，係無講過任何嘢就咁放底🥹。咁我就問下，點解要咁耐嘅？呢碗烏冬係需要煮40分鐘？店員話，你唔滿意可以消除訂單㗎，我哋無所謂嘅。🙃自己煮都好食過呢個無特別嘅烏冬🫣🫣🫠炸粉一堆，油膩嘅味精湯，又細碗，烏冬過軟身，一定無下次。十級中伏😓😓😓😓😓😓😓😓😓😓😅

在勝利道搵食，每次都期望可以食到好嘢，但每次都無乜話太大滿足感。見到食評一致讚好，的確係滿心期待，見到午餐都多選擇，而且都係坐得滿，應該唔太有問題🧐———————————————————————————🍽鹽燒牛舌井🐮👅💬牛舌都相信係比較穩陣嘅一款，不過好可惜，用咗炆煮常用嘅牛舌，比較腍身，燒嘅牛舌要爽口彈牙，因此並唔係預期之中，配上麵豉湯同無醬汁嘅沙律菜🥗，雖然無加一服務費，但感覺上可以更好🧐

普通居酒屋環境😌 食物質素與價錢不相符🥲入到鋪頭，環境幾舒服，lunch時間食即刻送上麵豉湯，湯夠熱略鹹。Menu 選擇幾多，有丼物、日式定食、串燒。安格斯牛肉烏冬湯底入口淡而無味，然後就會出現小小鹽既鹹味，完全無豬骨湯味。作為一個湯底，完全唔合格。安格斯牛牛味不足，只係食到小小騷味，唔算韌。烏冬係稻庭烏冬，因為湯無味，所以烏冬無咩味。牛舌醬油拉麵拉麵有全隻溏心蛋、豬腩肉叉燒、6-7 件牛舌。拉麵似油麵，唔太吸湯，味道比較淡，麵有小小實。湯底無豚骨味，有少許牛味，飲得多覺得偏鹹。叉燒正常。值得一提係燒牛舌好好食，雖然咬起身有小韌，但牛味好濃，好香口。溏心蛋正常發揮。燒物應該唔錯。🍁整體🍁🥑性價比：3/10🥑美味：4/10🥑環境：7/10🥑回頭：1/10🥑人均：$100-150

以前係勝利道有食開+支持開，不過宜家轉咗menu唔抵食之餘，仲轉埋人手，d野食嘅質素只可以用果腹嚟形容 （叫咗個溫泉蛋牛筋飯，個牛勁重黑胡椒 溫泉蛋太熟 仲要個飯係無汁 無味 食到成口都係黑椒 我唔好去食pepperlunch？）。以前餐廳氣氛好好 會播吓日文歌 宜家係度播廣東歌唔知做乜。 野食質素唔得 日式氣氛又無 今次當自己買個教訓 以後都應該唔會再去。

前個月去咗勝利道睇吓有咩食，之前睇食評呢間壽司幾好味就過咗去試！果然比預期好！我哋嗌咗個套餐，炙燒套餐真係幾好味！海鮮夠新鮮，呢樣嘢係最值得讚！可惜有一段時間想再幫襯但發現冇開好耐！希望可以捱過！推！

我們終於都衝到去何文田午餐，黎到日式餐廳食。我和同事都點了串燒加角切魚生丼。我就點了牛舌，雞腎串燒。都意想不到是午市定食串燒質素都十分不錯！牛舌燒得很香口，不會太乾，都肉汁和肉質都很好吃。雞腎灑上醃料很好吃！而魚生丼就一般無特別。我覺得整個定食有湯，串燒，丼飯和飲品，性價比都不錯！

在店外望到午市餐牌非常豐富決定試試店內是日式居酒屋的格局上面放着不同的日本酒午市套餐包括兩件三文魚刺身、兩件帶子刺身、沙律、日式生薑和醃黃瓜雞軟骨肉餅迷你丼（$85）用雞軟骨及雞肉製成的肉餅加上生蛋有咬口而且很入味還有飯後生果蜜桃一片除了雞軟骨肉餅亦選擇鰻魚迷你丼（$108）也可選擇牛肉迷你丼（$118）牛肉份量十足A款壽司全都是魚生類B款壽司是火炙類包括甜蛋、三文魚、海老等午午定食由$85-$118包括前菜，刺身，迷你丼和五件壽司，還有飲品/麵豉湯和生果，十分抵食

之前有朋友介紹過呢間千府既便當，所以早排路過就諗住試下。一開始見到佢迷你丼呢個價錢，我係嚇親的，但睇真啲原來仲有刺身、沙律、果物、漬物同飲品，咁又唔算貴。我同朋友揀左迷你安格斯燒牛肉飯同蒲燒鰻魚飯。壽司拼盤～AB各一安格斯牛肉飯蒲燒鰻魚飯老實講性價比都幾高，只係$100左右就食到咁多野。雖然話係迷你飯餐，但份量迷你既只係舊飯XD，肉既量都唔算太少。刺身、壽司都是厚切的，完全冇因為係前菜而偷工減料既感覺。

無黎過哩頭原來哩條街都幾多野食見哩間日本野好似幾唔錯就入左去試下鋪頭唔大 都係得五六張枱兩個人嗌左兩個迷你飯餐——————————————-迷你吞魚魚蓉丼（$118）魚蓉份量都幾多迷你三色丼（$128）三色係指吞拿魚 池魚同埋甜蝦用料新鮮 食到魚生既鮮甜刺身有三文魚同帶子各兩件幾新鮮無雪味沙律菜幾新鮮 加埋蟹籽零舍有口感果物係密桃飯餐有兩款既五件壽司可以揀我地各揀左火炙同埋普通版火炙壽司既脂香感特別重我個人鐘意火炙多啲配紙包飲品或者麵豉湯我地揀左道地烏龍茶———————————-雖然話係迷你丼飯餐但其實加加埋埋食落都幾飽肚種類豐富岩哂我哩啲心多既人而且魚生質素唔錯想平平地過下口癮都不失為一個好選擇

今日去何文田睇下寵物用品，係勝利道行下行下，見到有間門口非常日本風既日本餐廳，激發起我地食日本野既慾望，刺身丼飯我地黎喇！-自選迷你飯餐，非常豐富，有刺身，沙律，果物，漬物，十選一迷你丼，二選一壽司拼盤，紙包飲品或麵豉湯。迷你三色丼👍🏻，有呑拿魚，深海池魚，甜蝦，好豐富，魚生好新鮮，好厚切，個人特別喜歡深海池魚既魚香味。火炙壽司拼盤👍🏻，三文魚同左口魚火炙之後好有油香，正。-迷你安格斯燒牛肉飯👍🏻，牛肉燒得好香，份量又多，配上蔥同蒜粒一齊食好滿足。壽司拼盤👍🏻入面既赤蝦好大隻，好鮮甜。******************************👍🏻好食 | 👌🏻可以 | 😔 難食評分 : 7.5/10簡評 : 自選迷你飯餐非常豐富，咩都有得食又新鮮好食

阿媽成日話想食日本野，今晚就帶咗佢去何文田勝利道食下刺身壽司set😄一過滿足晒兩個願望～呢間餐廳主打丼飯，每款都配沙律、前菜、、刺身、壽司同生果，仲可以揀味增湯或飲品～😌沙律好新鮮、菜夠爽脆、仲有蕃茄仔、粟米仲有蟹籽，前菜就係黄蘿蔔同薑片、食落夠晒開胃～刺身有三文魚同帶子，厚切食落好有口感同好新鮮，媽媽食得好滿足😂😂至於壽司有AB兩款，一款主要係魚生、一款就火炙～我哋各人揀一款～款式每件都不同～A有三文魚、深海池魚、赤身、墨魚同赤蝦，B就有火炙三文魚、熟蝦、玉子、鰻魚同左口魚，以呢個價錢食到咁豐富，性價比好高！🤩🤩🤩｜迷你蒲燒鰻魚丼｜$118日本米果然係好食啲～軟滑又有黏度有咬口，鰻魚份量都多又夠厚，鰻魚汁撈飯正呀～🥰🥰🥰｜迷你蟹肉丼｜$108上面舖滿蟹肉、蟹絲一梳梳，有青瓜絲、蟹籽、賣相唔錯同味道都一流～～

最近聽朋友講公司附近有間叫千府居食屋既日式便當外賣好抵食又好食，所以今日放咗工就去買個餐返去同老婆慢慢食第一個餐揀咗迷你燒鯖魚飯，鯖魚好大塊，燒得好香。第二個餐揀咗迷你三色丼，包括吞拿魚，深海池魚，甘蝦，刺身好鮮甜，蝦好大隻，雖然係迷你丼，但係一D都唔迷你，飯都唔少，仲要每個餐都有沙律菜。介紹完迷你丼，仲有兩款壽司拼盤第一款係壽司拼盤 (三文魚，赤身，深海池魚，墨魚，赤蝦)第二款係火炙壽司拼盤 (三文魚，熟蝦，玉子，鰻魚，左口魚)仲要有野飲真係好豐富

陪狗狗去睇完醫生，起等待⌛️時間行到條橫行好多野食，剛好地上反映左千府字眼起我鞋上，日本餐，好呀😊店長服務好體貼，幫我地兩位準備左兩個細套餐。還適合返工族，唔洗諗，一個套餐搞定。我個套餐不簡單，有酸菜，有沙律，仲有三種刺生，吞拿魚、池魚、甜蝦，好肥美，再配火灸壽司5件，三文魚、熟蝦、玉子、鰻魚、左口魚，飲埋包飲品真係好滿足！朋友喜歡牛，所以叫左安格斯燒牛肉飯，好濃的味道，配上寿司拼盤5件，不同的口味，新鮮的用料，好味😋真令人回味日本的感覺！

迷你蒲燒鰻魚飯嫩滑鮮美的鰻魚搭配暖暖的白飯，對，雖然是外賣，可能因為包裝設計保暖嘅緣故，返到屋企鰻魚飯都仲溫暖的。甜甜嘅鰻魚汁除咗令鰻魚更亮澤外，更可將鰻魚嘅精華滲入白飯，令食指大動。迷你角切魚生飯我各設魚生飯上最搶眼嘅係吞拿魚蓉，份量一啲都唔馬虎。跟落咗唔少嘅玉子粒，蘑菇粒，青瓜粒，蟹子，當然仲有多款魚生。既清新，又繽紛可口，清涼感覺十分適合炎炎夏日。迷你飯套餐除咗有豐富嘅前菜同飲品之外，仲會配搭壽司拼盤，每款五件壽司。第一個款係有三文魚、赤身、墨魚、赤蝦同深海池魚。第二款，亦係令我回味無窮這一款就係火炙壽司拼盤。有三文魚、熟蝦、鰻魚、玉子同左口魚，燒得半熟嘅魚生面上再配一層沙律醬，絕對係味蕾嘅享受。