TOSS 蘇媽.蘇媽

Open Now

Now Closed

【2024 年 1 月】係新城市廣場見到下午茶餐幾吸引就入去食個 late lunch ~~點了份。高佬麵配炸豬扒 + 拉茶 (HK$72)高佬麵係馬來西亞嘅特色乾撈麵將煎蛋、青瓜、花生和魚仔乾撈埋嚟食鍾意食辣嘅可以加少少辣醬炸豬扒大大件好脆口，開胃又惹味** 以上分享是以我的口味、體質和情況作出分享及感受，一試 / 合用與否請自行決定

想食蘇媽蘇媽終於開到沙田啦🙂‍↕️ 唔洗再下下出到旺角先有得食 不過食飯時間就超級多人排隊 都要等好一段時間 例牌叫左海鮮喇沙同牛油咖吔多士 喇沙湯底就有少少淡 麵質就可以 爽口咖吔多士就要趁熱食😛 牛油係口入面溶化

好耐冇食過肉骨茶，搵咗個朋友一齊嚟試吓。結果呢，肉骨茶麻麻哋，冇嗰種濃郁嘅藥材味（如果你想試肉骨茶，但又好怕好濃郁嘅藥材味，咁呢個應該啱你），反而叻沙同咖央幾好味。茶餐廳嘅環境，二人枱比較較少，兩個人幾乎一定要搭枱，有啲迫。上菜速度算快，唔使等太耐。一字骨肉骨茶，個人認為藥材味唔夠濃。椰香咖喱叻沙，唔知係咪因為肉骨茶有啲失望，呢個反而有驚喜。椰香咖央多士，幾脆，又唔係超甜，我諗好多鍾意少甜嘅香港人都鍾意食。

之前幫襯過尖沙咀嘅數碼，但係呢排尖沙咀分店都執笠咗，我諗都係有原因嘅，因為啲嘢食越嚟越唔好食，斑斕咖央多士係唯一好食嘅。嗰次四個人去食食咗五百幾蚊，難食都唔記得影相，唯一影低呢一個斑斕話說$78可能有10舊喺入邊，感嘆賺錢咁容易😂應該唔會再嚟食

晚餐黎左呢間位於新城市的分店，兩個人叫左四樣野食。椰香咖央多士$48多士烘得好脆，個咖央醬好香。吉打皮蛋肉鬆配糖黑醋汁 $72呢個份量唔算好多，個人覺得有小小貴，個肉鬆味道仲出過皮蛋味。魚仔醬炒蘿白糕 $92呢個辣辣地，佢做到蘿白糕個皮好脆，熱辣辣，呢個我好推介。👍🏻👍🏻👍🏻👍🏻馬拉沙嗲串燒6串 $98牛，豬，雞各叫左兩串，佢D肉比較乾身。椰汁斑蘭冰$48佢應該係倒出黎加冰就係，因為好快就送到黎，底有少少西米，都幾好飲。

人氣馬拉菜館 -「蘇媽蘇媽」，之前在尖沙咀分店吃過覺得不錯。沒想到原來現在連沙田新城市廣場都開了分店。剛好要和朋友在這邊晚飯，那就決定吃這間囉。星期日晚市大約要等20分鐘。裝修走東南亞風格，夠明亮，坐得也幾舒服。一字骨肉骨茶 (HKD 188) 4個人大約每人喝到1碗半左右。藥材味都算濃，帶少許甜味容易入口。肉的話非常軟腍，基本上是一咬就骨肉分離了呢。招牌椰香咖喱叻沙 (HKD 88)椰香味濃得來偏辣的湯底夠惹味，但配料感覺比較少。像是螄蚶就好像只食到一兩隻。另外這碗選了滲滲。四大天王 (HKD 92) 這個包括了味道很特別的臭豆，吸滿油的茄子、爽脆的豆角和軟糯粘滑的秋葵，整體味道很濃。羅惹生果豆卜 (HKD 76) 醬汁香濃且有一種甜味。很多食材都是脆身那種，像是爽脆的青瓜，油炸鬼等。海南鴛鴦燒麵包 (HKD 52) 厚切鮮牛油加上咖央，作為飯後甜點不錯。三色拉茶 (HKD 42) 就是有焦香的椰糖+奶+茶。喜歡喝甜的可以選這個。想解喝的話建議點 桔仔話梅水 (HKD 42)。

睇完戲，搵餐廳醫肚，見到呢間唔駛點排隊就入座睇完餐牌就叫左碗“檳城亞参叻沙”黎到見到面頭鋪滿洋蔥，九層塔，睇落唔錯，到放落口頂你吖，辣中帶酸可能係惹味，但辣中加勁酸係咩一回事呀？互相搶味，叻沙係咁既咩？食左兩啖，以為食緊剩麵，湯底內仲有少少魚肉碎，收$83都可以做好少少呀呢間野絕對無下次

食過荃灣果間覺得唔錯…以為佢改左少少名開係沙田近近地就帶媽媽黎試下食肉骨茶…點知同原店完全唔同….肉骨茶一啲味都冇…水汪汪又冇料又油原店會另外斟個湯俾你飲又有得加湯…呢個完全唔係…個湯根本飲唔到

之前旺角上海街分店食過肉骨茶一字骨、椰香咖央多士，而且佈置格調十分地道，相比之下呢間感覺商場得多，過咗午餐繁忙時間嚟到可以直入。因為我哋好晏先食早餐，今次只係簡單叫咗兩款小食，話你知啦薄餅配素咖哩、馬拉沙嗲串燒（豬牛雞共6串），飲品點咗椰汁斑蘭冰、桔仔薄荷梳打。食物味道良好，沙嗲同咖哩屬於專家水級，可能串燒放涼咗影響感覺，薄餅層層脆香超級好味，一定要食。特飲少冰帶甜斑蘭椰香正常，特別推介桔仔梳打。

所謂夜繽紛就是九點半都未到就要埋單，瘋狂執枱，抹枱，變相趕人走。8點幾先入座，又唔係一秒上齊餸，2個人4個菜，2杯嘢飲，成枱菜只食到一半時，成班員工為了早收工就來要人埋單，又嚟左執右執，又收碗又想收碟，搞到人無心機食，打包即走。想早收工，不如8點就唔畀入座，做少輪枱啦。食到火都嚟。

🇲🇾其實我都幾鍾意食東南亞菜式假日去沙田行完街就要搵嘢食見到「蘇媽蘇媽」，印象中好多人推薦就走去重拾馬來回憶，餐廳設計都幾有feel一路唔知店名咩意思，以為係有位叫「蘇媽」嘅人開Google完，原來「蘇媽蘇媽」係馬拉文「乜都有」的意思😯🔎砂煲老鼠粉💰128送到檯面先知原來老鼠粉即係銀針粉😂粉彈牙，加上豬肉碎、魚乾、豬油渣同雞蛋多重口感夾擊！味道超濃郁！🔎肉骨茶大雜錦（3-4人）💰198主打肉骨茶🍖點可以唔試吓食完覺得一字骨煮得唔夠腍🥲肉亦較多肥膏，湯都有啲油不過湯好重藥材味，飲完帶點甘甜份量亦俾得好足，有：一字骨、冬菇、豆卜、腐竹、腩肉、豬肚, 豬腳🔎檳城炒粿條💰118我覺得似乾炒牛河😂不過係牛肉換左蠟腸、蝦仁口味偏甜，油咗小小🔎椰香加央多士💰48最快上檯，一定要趁熱食！外脆內軟，斑斕咖央醬好香加牛油不得了😈🔎羅惹生果豆卜💰76最鍾意試新奇嘢所以嗌😂原來係水果沙律🥗由沙葛+青瓜+炸豆卜+油條+花生組成醬汁又甜又辣，好特別亦好開胃🔎椰汁斑斕冰💰48椰汁好濃厚🥥斑斕味好香仲有西米飲落唔錯👍🏻🔎桔仔薄荷蘇打💰48🍊桔仔酸甜+薄荷清新🍃一定係夏天必備開胃清涼飲品

好味指數😋😋😋😋回頭指數 ⭐️⭐️⭐️開心指數🤗🤗🤗其實蘇媽蘇媽我食過深水埗、旺角同荃灣分店，當中以荃灣係做得最差。同朋友 gathering，佢揀咗食沙田嗰間。上網搵 Treasure of Semua Semua（TOSS 蘇媽蘇媽）同 Kedai Kopi Semua Semua（蘇媽蘇媽馬來西亞餐室）有咩分別，唔算太搵到，只係響 社交平台 呢間沙田嘅 TOSS 專頁中搵到店家回應客人講TOSS係新品牌（但又冇講分嘢係咩），升級咗肉骨茶嘅質素同埋冇添飲。睇返個餐牌，食物 item 比起深水埗原店係多咗，但同時價錢都貴咗！例如大雜錦肉骨茶，就係$198 同$148，椰汁斑蘭冰係$48 同$38嘅分別，大概係貴咗30% 左右。🍴大雜錦肉骨茶（$198）呢款肉骨茶係有幾款唔同嘅肉，再有冬菇、豆卜、腐皮、油條等配料，店方面講個肉骨茶升級咗，同埋冇得添飲，其實我自己冇覺得wow升級完好飲咗好多，somehow 我覺得同原本嘅冇咩明顯升級，我彷彿覺得係變相加價 only～🍴奶油大蝦（$188）呢個我記得原店冇嘅，大蝦有4隻，配有油餅，蝦都幾大隻新鮮，肉質爽口，個汁好 creamy 好味，幾好食！🍴

餐廳環境乾淨企理，地道菜式多，由湯粉到肉骨茶再到咖哩，好多選擇。👉🏼檳城白咖哩油麵 $79一上菜就聞到香濃嘅椰子同咖哩味，白咖哩食落唔會辣，入口甜甜地，油麵軟硬度適中。👉🏼招牌砂煲老鼠粉 $129老鼠粉入口彈牙，每一條都唔太油膩，配合埋豐富嘅配菜，有唔同層次嘅口感，配菜中最鍾意係脆魚仔😆👉🏼美祿暴龍$48香濃嘅美祿加上一球雲呢拿雪糕，口感細膩，適合唔怕邪惡嘅朋友🤭👉🏼桔仔薄荷梳打$48呢款梳打口感清新，桔仔酸酸地配合埋薄荷葉，夏天飲特別消暑。

蘇媽蘇媽開咗喺沙田之後一直都好想搵食今日見到佢午飯好吸引絕對要試一試依間店主打一定係肉骨茶佢先一定嗌過肉骨茶先囉，成個肉骨茶上嚟選左用一字排唔肥瘦分明又有骨香而最緊要梗係佢真係好足料飲到好香嘅藥材味而且份量好多暖笠笠，加入肉骨茶精華同藥材，好養生啊棒棒骨有4條，肉質腍身，沾秘製醬油好滋味啊仲有豆卜同金菇，索哂湯底，好入味啊馬來西亞梗係要叫返個喇沙啦成個喇沙湯底濃掛住係面上面加埋豬頸肉面都覺得好惹味桔仔話梅水桔味好重，成杯飲品唔會太甜，仲酸酸地好清爽，飲完好開胃另外朋友嗌咗杯美祿美祿味濃，美祿專屬回憶返晒嚟

之前去過食下午茶, 覺得唔錯,所以今次再去. 但轉左食晚餐..但呢次真係絕對失望!!餐廳入面, 係有大量空位, 但我企係門口取票等位. 係無人理. 等左幾分鐘 同行人士不耐煩. 直接問入得去未, 店員先話 “ 係喎, 睇唔到有客”入座後, QR Code 自行落單.辣死你嗎配炸雞球雞球 有4塊.係炸得幾嫩, 但係. 好咸.飯係有椰香味, 但食落同白飯無分別怡寶雞絲湯河粉湯河粉 算係最正常一樣. 只有少量芽菜, 雞絲少少”鞋”口. 但可以接受! 但係, 入面魚片又係好咸.河粉 分量算正常最離譜係呢樣, 入面其中一樣配料係豬油渣.我地食到有油”益” 味. 同店員講.店員回答: 今日無客人講過.之後就走左去. 完全沒有跟進!!幾粒豬油渣由精華. 變左老鼠屎.順帶一提. 我不期望有優質的服務, 但最起碼店員 回答都可以專業少少.PS   收銀員唔識用THE POINT 點直接儲分