To-Gather Cafe (Closed)

友人今晚起旺角附近, 唔想食D連鎖食肆+排勁耐隊, 想試下樓上鋪可以傾計+坐得舒服D, 所以就黎左to-gather😄 其實起洗衣街, 近旺角E2地鐵站- - -叫set送是日餐湯及($32)飲品一杯.是日南瓜湯: 熱到出煙🎃有南瓜絲+麵包糠, 有口感A餐 卡邦尼煙肉扭扭粉 ($95)D餐 芝士白汁吞拿魚焗扭扭粉 ($97) 雖然係焗意粉, 面頭芝士會乾, 但又保持到入面芝士白汁嘅濕潤👍吞拿魚鋪滿全個碟, 食到最後都仲有吞拿魚👍有洋蔥, 帶到甜味榛子朱古力 (熱) ($37) 榛子味好濃好香, 好滿足情意綿綿 (凍) (朱古力, 雲呢拿雪糕, 棉花糖) ($50)- - -侍應好細心👍上菜時, 記得邊位客人點咩菜, 放啱位置😉而且提示意粉啱啱焗好,小心熱♨ 侍應有禮, 上菜時有簡單講餸名. 職員都有著制服, 感覺好pro. 臨走有講拜拜餐廳音樂輕快, 晚餐愉快. 櫈pan夠高, 私隱度高, 座位闊落, 坐得舒適.欣賞board / card games夠多, 實有1款啱玩. 除左有大家平時玩開既, 其實都可以試玩新games😉

中學同學聚會，大家都想搵個地方可以坐耐點，食物質素唔差，地點又就腳，價錢又唔太貴既地方。見這間樓上Café評價不錯，又符合哂我地既要求。金雞廣場，旺角地鐵站E2出口，一直行就見到。到店鋪門前，已經見到櫃有board game了，而右邊仲有一個櫃放桌上遊戲。我地一致認為Party set B係抵食d，又豐富d。不消一回，食物陸陸逐逐地已經上齊。田園沙律配芝麻醬作為餐前沙律非常開胃呀!!沙律菜很新鮮，而且顏色配搭都很豐富，加上有日式芝麻醬，甜甜酸酸。小食一上菜是一大盤呀，我們都嚷著很餓!!有幾樣特別好食。泰式豬頸肉: 醃得入味，爽口彈牙，再加埋酸辣既醬汁，最快食哂!!慢一步都無蜜糖雞翼: 表皮甜甜地、而且香脆，內裡Juicy，又大大食!!無得輸芝士薯條: 炸得外脆內軟，再加埋芝士汁，很幸福。芝士汁焗蔬菜: 芝士焗得黃金，面層有拉絲效果，西蘭花很清甜!卡邦尼煙肉扭扭粉每粒扭扭粉都充滿著卡邦尼汁，煙肉分別有軟身及煙肉脆脆，雙重感覺，重口味人士一定很愛這個。黑松露海鮮意大利飯(海蝦、藍青口、魷魚、蜆肉)朋友們都說海鮮很豐富，每啖飯都總有一款海鮮加埋一齊食，意大利飯軟硬做到恰到好處，有口感得黎又唔

上次玩左間樓上cafe都叫有得玩住食， 玩左晚。想試多幾間。 性價一定要高。去到樓下都仲覺得怪怪地，但原來間cafe真係係上面。 可能我地早到冇乜人。 既然我地都坐低左， 叫完野食就開始玩！UNO玩左一鋪就野食上枱， 好快手。 我地叫左任飲既party set！荔枝紅茶好好飲同唔係好甜， 決定成晚都飲佢。 凱薩沙津都幾大份下， 好新鮮， 冇雪櫃味。 另外， 個「無得輸」芝士薯條真係人如其名， 冇得輸。 薯條炸到岩岩好， 上面加上溶左既拉絲芝士， 一上枱就搶食！ 其他小食成個拼盆上， 所以個樣擺到好靚。 但最怕真係得個「量」字。 量大唔好食有鬼用咩， 都唔岩食， 係咪？ 不過呢個拼盆都好夠誠意， 好好食， 又熱辣辣咁上枱。 不過我因爲唔多食甜野， 所以感覺甜左小小， 可以調整下。 如果係香辣雞翼會更爽。 主食叫左 卡邦尼煙肉扭扭粉 同 焗豬扒飯 。個扭扭粉煮得啱啱好， 卡邦尼醬亦都岩岩好， 冇話太濃太淡。 份量亦都有跟返人數一樣咁大份， 讚。焗豬扒飯， 外面好多時都係搵火槍喺上面噴一噴。 呢度睇嚟真係成個落去焗， 豬扒都好多件， 個炒飯底亦都啱啱好彈牙。 真係好食， 我哋仲估緊佢係咪餐廳

尋日同男朋友想搵個舒服嘅地方坐低慢慢食，傾吓計。於是就喺OpenRice嗰度搵啦，最後搵到旺角呢一間樓上咖啡室。應該食評好好，所以就決定試吓！果然最後冇令我地失望！我哋帶咗青咖喱豬頸肉飯，蕃茄香茅豬扒飯同埋一個芝士焗蔬菜。佢本身一定要我哋嗌一人一杯飲品，所以我哋就帶咗熱嘅黑糖紅棗茶同埋一杯凍嘅榛子朱古力。冇諗到價錢好平，但係食物嘅份量係超多！仲要味道係好好味！最後我都食得勁勁勁飽，但係都仲有野剩佢嗰度仲要有好多game可以借，環境好舒適好乾淨，真係好適合朋友聚會

今日帶埋仔女同朋友聚會，選擇嚟金雞廣場To-Gather Cafe, 皆因環境好舒適，又有好多益智桌遊大家一齊玩，明智地選擇呢間Cafe, 食物質數真係唔錯，價錢是逐位計，每位百零蚊，飲品仲無限添加，確係超值👍🏻👍🏻👍🏻揀咗Party Set B, 一大盤八款小食，我個人最欣賞"無得輸芝士薯條", 食完就會明白...真係無得輸，濃濃的芝士味，全部都是即叫即製，熱辣辣。芝士汁焗蔬菜，拉極都唔斷嘅芝士，好足料好正😋主菜揀："抗氧黑蒜忌廉什菌意粉"+"黑松露海鮮意大利飯" 意大利飯好有口感，佈滿大蝦．藍青口．鮮魷魚圈．蜆肉，最後送上每人一粒雪糕糯米糍，滿足哂我地大人小朋友對玩同食嘅慾望，今晚玩得好開心👍🏻絕對係一個傾計聯誼嘅好地方

嚟過好幾次了，無論同一大班朋友玩board game，抑或係普普通通食個便飯，呢到都係一個好選擇～ Set Dinner大約$100位，多人嚟叫Party Set就更加抵！Set D 芝士白汁吞拿魚焗扭扭粉 $97 芝士再配上帶有淡淡鹹味嘅吞拿魚，配搭得好好，呢到嘅焗嘢一向不錯，一路食一路見到拉芝，都咪話唔吸引！Set E 鮮茄焗招牌香茅豬扒飯 $97 我最近三次嚟都係叫呢個飯食😂 比起出面連鎖餐廳嘅焗豬，呢到嘅芝士份量恰到好處，而且豬扒大大塊，每次食，肉質都好腍軟，以香茅調味之後更加有層次～跟餐加配咗飲品同New York cheese cake。飲品款式都幾多，我呢款嘅Oreo味都幾rich。New York cheese cake味道不過不失，$10嚟講性價比高～需加一服務費，埋單2人約$250。如果你鍾意睇我嘅食評，不妨關注我，支持吓我，謝謝你☺️💕

今日同朋友去cafe gathering 去咗一間係金雞廣場嘅cafe入去有好多board game真係好適合一班朋友一齊來玩呢度有party餐 同埋一人晚餐俾你選擇我哋就叫咗個招牌焗豬扒飯 同埋黑松露意大利飯首先大家都有個餐廳 好濃好結而鮮茄焗豬扒飯 好有大家樂嘅感覺食得出豬扒用香茅醃製過而黑松露意大利飯都好有黑松露味都有好多海鮮我哋仲叫咗兩個小食一個係鹽酥雞另一個係燒豬頸肉都幾唔錯都幾香口嘢飲我叫左個紅棗桂圓茶養生一下

近排成日都約朋友到旺角的樓上cafe， 發現有很多的質素都幾好， 今次帶屋企兩大長老到旺角金雞廣場19樓的To-Gather Cafe 食晚餐。 兩大長老都覺得這裏新奇有趣， 因為他們第一次到有board game 的餐廳，原來老人家都好鍾意這類型的cafe。 我們一行四人，店員安排大大的梳化非常舒適， 餐牌上有散叫，dinner set or party set， 當晚我們選擇了Party B $159一位， 包括有日式芝麻醬凱撒沙律，小食有吉列珍寶蝦，泰式豬頸肉，粟米墨魚餅，芝士焗蔬菜當日沒有改了做煎餃子，蜜汁雞肉串，無得輸芝士薯條，惹味咖哩角，蜜糖雞翼。主菜有五款可以選擇， 三至九個人可以選兩款主菜， 點了卡邦尼煙肉扭扭粉， 黑松露海鮮意大利飯 （ 海蝦，藍青口，魷魚，蜆肉) 。甜品有一口雪米糍。特色飲品有六款選擇， 我們選了柑桔蜂蜜， 蜂蜜綠茶， 巨峰提子乳酸。日式芝麻醬凱撒沙律～ 沙律菜好新鮮又清新， 再配上甜甜酸酸的日式芝麻醬， 非常開胃。無得輸芝士薯條～ 熱辣辣又香脆的芝士薯條， 面層佈滿了香濃的芝士味， 感覺不會太熱氣。小食有吉列珍寶蝦和惹味咖哩角， 兩者都 炸得很香脆

今次朋友生日, 於是我地一齊黎到位於旺角金雞既『To-Gather Cafe』黎幫佢慶祝下：Ｄ！ 整體上我覺得相當唔錯, 食物質素OK, 價錢亦十分公道, 相當不錯！- 簡單直接易明既Menu價錢同食物既內容清楚說明, 當然如果有部份食物既圖片插入更加好！- 芒亨(芒果蜂蜜)淡淡的芒果味, 加上微微的蜂蜜, 融合起來味道意外的清新, 而且不會太甜, 不會出現喝完更口渴的情況。: 巨峰提子乳酸, 巨峰提子飲料很容易調出藥水味, 但together café的卻沒有, 與乳酸的味道混合, 兩者的味道出奇的融洽。最重要是兩種飲料的顏色很好看,打卡一流, 嘿嘿！- 黑松露芝士薯條份量好大, 夠晒10個人share。黑松露味好重, 而且仲有勁多芝士係面, 好抵食XD薯條即叫即做, 食落外脆內軟, 口感一流！- 吉列珍寶蝦前菜小食有一道吉列珍寶蝦, 甫上菜就見到炸蝦份量十足, 上桌後仍然熱騰騰, 香氣四溢, 使人食指大動！以這套餐價錢來說性價比極高。麵衣偏向薄身香脆, 口感清爽, 同時亦能鎖住蝦肉水份, 突出食材原汁原味, 不會喧賓奪主。蝦肉口感扎實爽彈, 蝦肉鮮味與醬汁相輔相成, 一試難忘。令人

六大兩細去食，一張u 形臺都逼逼地。叫左個七人餐，兩個小朋友當一份大人。野飲任加同埋可以轉唔同款，有熱同凍飲選擇，幾好！野食方便，不過不失，但等左好耐，但唔多夠食。小朋友嗌唔夠！下次未必會再來！

今日同屋企人、親戚一齊飯聚，平時都係去酒樓度食小菜又或者去飲茶，今次想有啲變化，我提議去cafe😝大家都幾鍾意喎呢度嘅嘢食款式有好多，我哋就費事揀啦，直接就揀咗八人餐😏咩都有得食，大家都有自己鍾意食嘅嘢😝沙律我哋揀咗田園沙律🥗配意大利油醋汁，夠晒開胃😋小食款式有好多，吉列珍寶蝦、泰式豬頸肉、粟米墨魚餅、芝士汁焗蔬菜、蜜汁雞肉串、無得輸芝士薯條🍟、惹味咖喱角、蜜糖雞翼 咁多嘢食入邊我最鍾意食嘅係芝士薯條，名副其實嘅無得輸啊，我哋三分鐘食晒成碟，一條都冇剩，芝士醬超級濃郁😝薯條炸得外脆內軟，好滋味！主菜有卡邦尼煙肉扭扭粉、黑松露海鮮意大利飯(海蝦、藍青口、魷魚、蜆肉) 我覺得黑松露意大利飯超級香，食落都夠creamy，cafe質素來講都真係算唔錯🤩❤️甜品就係一口雪米糍😋我嘅至愛飲品揀左芒亨(芒果🥭蜂蜜) 同埋巨峰提子🍇乳酸 每位$159，要加一，平時去酒樓食飯都冇坐得咁舒服同埋傾到咁多計，最重要係好抵呀😝

終於約齊一大班friend啦😍今次唔食放題或者打邊爐，決定去Cafe度玩下card game，吹下水，當然仲有食下嘢😝咁多嘢食入邊我最鍾意食嘅係黑松露意大利飯，真係有好多海鮮呀，有魷魚、蝦、青口，肉質都幾彈牙，最正係個飯，醬汁夠晒濃郁，又夠多，每一啖飯都好香濃味美☺️☺️仲有吉列蝦呢個小食都唔錯，炸得啱啱好，蝦肉都幾鮮，佢嘅豬頸肉同埋雞肉串都中規中矩最重要係呢度嘢食份量真係好多，食到我哋冇停過口，好飽好飽🤩啊，另外佢嘅芝士蔬菜🥬認真唔慳皮，落咗勁多芝士🤤🤤同埋薯條都係咁呢度嘅特式嘢飲係任飲嘅，傾到口乾都唔驚😝呢度啲card game款式都唔少， 最緊要係張枱夠大，可以咁多人一齊玩同一款game😁整體來講，呢間Cafe都唔錯，服務都幾好，值得再嚟啊❤️

中學時代成日都要上金雞度補習，事隔多年再黎呢度既一間cafe同朋友聚會，因為佢除左有散叫，仲有Party Set提供，最啱就係一班人黎😛雖然餐廳環境唔算大，但勝在有幾張大梳化，閒日夜晚都滿座，見隔離幾檯坐八至十個人都夠，我地一行四人就可以鬆動少少😎仲要任坐唔嬲，邊食邊玩左五個幾鐘層層疊、飛行棋、大富翁、牛頭王、Pictionary等等▪️ Party B 💲每位159沙律一大煲既田園沙律，鋪滿左粟米、青瓜、番茄仔、沙律菜，感覺都幾清新，再淋上份量適中既日式芝麻醬，香口之餘唔會過鹹🥙小食即叫即炸熱辣辣既一大盤，淨係賣相已經夠曬壯觀，店員都有提醒要趁熱食☺️泰式豬頸肉同粟米墨魚餅既口感都彈牙，佢哋本身會比較淡口，可以配上泰式酸汁以作調味🙈吉列珍寶蝦同埋惹味咖喱角都炸得夠脆身，前者炸粉都唔會話過多，後者就帶有微微既咖哩味🤗無得輸芝士薯條係波浪型嗰種，入口粗身啖啖薯，芝士加上忌廉汁幾好食🍟蜜汁雞肉串甜甜地，肉質不過不失🐔個人最鍾意蜜糖雞翼，外脆內嫩味道夠曬甜絲絲唔錯😍芝士汁焗蔬菜，有住大量既芝士拉絲，配以粟米、甘荀、西蘭花、紅蘿蔔條，係稍微硬身左啲🥦主菜三至九個人可以揀兩款主菜，十個人或以上就三款

非常難得地約齊一班中學同學出黎聚舊食飯，最岩我地緊係有得玩Board game 既Cafe，一行十人約左係旺角聚會～我地Book左7點到，人流唔多，不過再晏啲就坐爆成個場，多人去最好Book定枱先.Party Set分別有Set A、Set B，價錢相差唔多，而且我地人多就揀左Set B，每人$159加一，款式多野揀啲！Board Game種類繁多，講得出既都齊都有，所以黎呢到唔怕冇野玩唔怕悶XD特濃芝士薯條，芝士香濃，薯條脆身又香口，食落去芝味濃郁，作為前菜小食，大家好快一掃而空～凱撒沙律，酸酸甜甜好開胃，比想像中好食有驚喜！吉列珍寶蝦，味道中規中矩，自己覺得炸粉偏多，食落去較粉質感芝士汁焗蔬菜，除左小食主菜，蔬菜都有，可以滿足唔同人既需要，味道亦不錯 。黑松露海鮮意大利飯，超盛大海鮮意大利飯！用料好有誠意，黑松露入味，口感Creamy，每啖都好新鮮，一黎到大家都忍唔住食多兩啖，不過製作需時。蜂蜜綠茶、柑桔檸檬，綠茶偏啖，未話好入味，柑桔Lemon幾受歡迎，最好既係飲完一大枝後可以再揀其他款式！

Cafe位處金雞廣場，地點方便，但又冇咩招牌(可能我睇唔到啦)！咁啱同朋友附近想搵間樓上Cafe食下傾下計，上網稱讚依間cp值超高！本住一試心態，點知真係幾有驚喜，無論味道、價錢、份量同服務都out of my expectation!!!2個人360蚊埋單，但有哂餐湯、主菜、飲品，仲叫咗2個小食都係360蚊到，相當抵食！！！！👍🏻👍🏻👍🏻👍🏻晚市我見有set dinner，如果3個人以上就可以叫Party Set(每位都係129)我哋得2個人就叫咗2個Set Dinner加小食!咁侍應都好貼心咁唔會一次過上哂啲小食同主菜先，等我哋慢慢食！另外值得一讚係我哋落咗一陣單先突然想轉飲品(都有點唔好意思)，原先諗住如果佢整緊就廢是，但店主仍然轉俾我哋，實在太好人🥰仲有見我地食唔哂(其實係我哋叫多咗少少...)，會問我哋係咪唔啱食！仲問有咩改善，好有heart!!!講返食物先:::1. 粟米湯(餐湯)我覺得味道都唔錯，有麵包粒係入面！但我個人認為唔加比較好！2. 日式餃子🥟話說好似都係40幾蚊，但份量好多！好抵食！仲好好味，唔油膩！平時啲餃子係煎，仲有好多油！但佢應該唔只齋煎，仲有擺入焗爐焗，