The Point Kitchen (The Lohas) (Closed)

康城 The LOHAS入面都多餐廳。今日食左呢間 The Point Kitchen，意大利餐廳。試咗佢哋嘅幾款食物，感覺都一般般…😐🍝香蒜辣椒白酒大蜆扁意粉 $118小小辣（我本身譚仔食中辣），意粉質感ok🍏煙三文魚凱撒沙律 $108普通到唔普通嘅食材，最common 嘅沙律醬。都係爲左食果幾塊煙三文魚，想食高質沙律可以pass🍗醬燒豬肋骨 $118啲肉散散地，味道都一般般，有啲偏甜🥘食肉獸批薩 $118size偏小，佢係配燒烤醬，有啲過甜，唔鐘意食甜嘅人就未必啱食啦總括嚟講，我覺得呢間餐廳質素一般啦，唔算太特別出色，價錢都合理嘅。如果你唔知去邊度食飯，可以試下佢，但係如果你追求高質素嘅西餐，就要揾其他選擇啦。

第一次光顧，第一次寫食評：依度環境好，食物佳，價錢吸引，值得更多顧客！Weekday 2人晚餐南瓜湯夠濃郁！沙律大碟好味！三文魚扒肉厚汁美！Ribs 口感好、肉汁濃！蘋果冰茶有驚喜！

將軍澳呢條線，尤其周末總係人山人海！ 今日有小朋友要食Pizza, 大朋友又想食扒，又有朋友要食低碳水化合物😹😆🤣真係好難諗食啲咩， 好彩揀咗呢間，全部齊晒🤭🤭🤭🤭👅三文魚腩抵食， 入面剛剛熟，魚皮又煎得香香脆脆，唔錯，生酮朋友表示滿意👅牛油果🥑羽衣甘藍沙律拼大蝦， 蝦🦐好新鮮，烤得好甘香， 牛油果就硬得滯，睇佢燒到起晒格， 以為會好香軟， 點知硬到 連用匙更畢出黎都好吃力，請加油😬😬👅炸薯條，正常，係好食嗰批，唔會太油膩、立口， 都幾好！👅Day Day Breakfast 係合格嘅，個大堆頭睇到都開心啦🥰🥰🤣口👅Iced Coffee唔錯，起碼飲得出係一杯啡，而唔係出面好多餐廳嗰啲飲完以為飲咗洗杯水🤪🤣😆總結： 😺😺😺😺味道 😺😺😺😺價錢合理 😺😺😺😺環境乾淨整潔#thepoint #hkresturant #cafe #salad #tkodistrict #westernfoods #foodsearching #hkfoodies # 康城 #將軍澳 #周末好去處 #香港覓食 #星期日出街食飯 #少人啲 #牛油果 #烤大

▫️又黎到康城，路過幾次呢間意式餐廳，見到環境幾舒服，仲有多款手工pizza同意粉🍝 望落抵食又吸引😝🐰 Bunny Iced Chocolate $68▫️見到咁得意既復活節限定飲品即刻忍唔住要嗌😍 將奶製成超可愛兔仔冰🐇 坐係雲尼拿雪糕上🍨 再倒上熱朱古力🍫 兔仔會慢慢溶化，最後成為一杯香濃朱古力奶🤩▫️味道唔算太甜，有得玩又有得食，小朋友一定勁鐘意🥳🍄 蘑菇湯▫️5pm前有早鳥優惠🕊 凡惠顧任何主菜都會配上是日餐湯🥣 當日係蘑菇湯，幼滑香濃好鮮味🍄🥗 羽衣甘藍沙律配烤雞 $128▫️羽衣甘藍份量夠多又新鮮🥬 配上希臘乳酪，感覺健康又清新😙 牛油果夠熟，輕輕烤熱好香🥑 烤雞嫰滑juicy🐔 仲加左藜麥同南瓜子，口感層次好豐富🎃🍕 自選披薩9‘’ $88▫️見到自選pizza都幾抵食👏🏻 預先配上芝士🧀 揀左蕃茄醬🍅、西班牙辣腸🌶，同羅勒、黑醋等調味料🪴 餅底薄身煙韌，批邊都烤得香脆，芝士仲多到有拉絲效果🤩🍝 香蒜辣椒白酒大蜆扁意粉 $118▫️啲蜆真係幾大隻😮 蜆肉飽滿又鮮甜😆扁意粉煮得岩岩好，彈牙又充滿白酒香🍾☕️ Americano +$18▫️咖啡味香濃，最impress係奶會特登整熱，令倒奶

《The point》出咗個復活節限定嘅兔仔朱古力飲品好吸引，朋友仔又想食pizza，咁就啱晒😍╰☆ 意大利風乾火腿夏威夷披薩 $128餅底煙韌脆口，大大塊嘅意大利風乾火腿加上焦糖菠蘿同松子，仲有酸酸甜甜嘅蕃茄醬，口感豐富╰☆ 自選意粉 $88包括意粉 、醬料同兩款普通配料加多$12可以轉手工意大利寬條麵配料揀咗辣烤雞、菠菜同蕃茄醬料，味道又幾夾喎！搭配埋彈牙嘅手工意大利寬條麵，好味到眨吓眼就清晒😳╰☆ 醬燒豬肋骨 $118豬肋骨肉味香濃，醬汁濃郁惹味，仲有粗身薯條同埋田園沙律🥗份量十足╰☆Bunny Iced Chocolate $68冰兔仔好可愛😍🐇冰下面仲有雲尼拿雪糕，將另一個裝住比利時朱古力杯倒入去兔仔度，睇住兔仔慢慢溶化好治癒😌味道好濃郁╰☆Apple Juice $36

前菜選擇太少了四款中沒有一款合心水.我們只點了主食....水牛芝士pizza整體味道還可以, 不過皮太硬了.蕃紅花海鮮意大利飯海鮮新鮮, 不過飯同樣也很硬....如果仲有下次的話, 應該會選擇set dinner. 

這間專門做薄餅和意粉的餐廳，最特別之處係可以自由配搭，簡直係意式車仔麵一樣。既然可以自選揀，做素食就無難度出了。這天吃的是自選意粉，蔬菜都幾多款揀，仲送埋餐湯和特飲添。康城這個商場平時都幾靜，平日行過間間餐廳都無咩人。大概一點半左右坐低，店內只有幾個客，可能過左食飯時間掛。大自然色系的裝修，座位闊落都坐得幾舒服既。意粉和薄餅都可以自由配搭，彈性非常高，吃素也十分方便。這天的餐湯是栗子蓉忌廉湯，又幾特別，飲落都真係有粟子香味。意大利香草醬雜菌櫛瓜長通粉 HK$88 由意粉到醬汁到配菜都可以自己揀，蔬菜選擇都幾多揀兩個都要諗一下。意粉份量適中，長通粉咬落彈牙無煮得太爛，青醬香氣十足亦唔算太油膩，倒時水感蠻重。整體來說都可以接受，埋單連加一HK$100有找，平過去咖啡店食黑松露意粉。

自疫情後再加上生完bb，都冇乜機會約朋友出去食飯。今日約咗個外國返嚟探親嘅朋友下午茶聚舊，開心到暈啦。咁啱大家都係住康城，一行人有大人有小朋友，我自己又推埋bb車出去，第一時間諗嚟The Point Kitchen, 貪佢冇乜客，地方夠大，唔會阻住人，而且都係諗住食完就走，唔會stay到人哋晚市。我推住bb車行到門口，見有個staff食緊嘢，另一個就企到盡頭角落，似乎係做緊嘢。我一如以往都係禮貌地同呢個做緊嘢嘅女staff講我哋入座人數。唔知係咪對方戴住口罩，再加上我耳仔又唔係咁靈啦。聽唔倒佢講乜？！總之佢再示意叫我坐某張枱，咁我咪行前多一步，想行埋去囉。跟住呢位女staff就用d好差嘅態度同我講：「妳等陣，我都要set好張枱俾妳㗎！」我當堂odd咗！😨然後有個男staff走埋嚟幫手set枱，態度好好多，又問要唔要兒童餐具？又問要唔要bb櫈？👍🏼佢哋俾我哋坐張3張二人枱組成嘅枱俾我哋坐。而張baby booster就放咗响3張有背餐椅嘅中間，咁我就將架bb車放咗响盡頭，我就坐响bb車旁邊嘅有背餐椅，我bb坐booster. 個女staff就叫我將架bb車擺响另一邊嘅盡頭，佢話我原本放嗰

去到日出康城搵食，見到呢間座位寬躺，格調都好有特色，決定一試。午餐好抵食：一個主菜，送是日餐湯同埋飲品。價錢由$88-$128。🥗全日早餐 All day breakfast $118蔬菜新鮮，有茄汁豆同牛油果醬調味。麵包好香口，牛油查得好平均，唔會一啖無味另一啖好油咁。煙肉脆唔會硬。🍟黑松露薯條呢個一上枱就超香黑松露味，忍唔住就即刻食一條。黑松露醬分開另外上，所以如果鍾意食可以點多啲，分量自由配搭。🍹跟餐果茶自己覺得比較細杯，味道較淡但聞落有淡淡果香。🫕跟餐餐湯當日我嘅餐湯係南瓜餐湯，餐湯一啲都唔馬虎，係好有質感嘅濃湯。餐廳嘅特色食物同嘢飲都做得好精緻，座位舒服，都幾啱聚餐。😆

呢間係康城The lohas嘅The Point Kitchen係第一次食，食完覺得食物都幾高質，環境都不錯👍🏽所以推薦比大家試下😛呢間餐廳主打自家製創意手工pizza 同意粉，lunch time黎到都唔算太多人，同埋餐廳都幾大，坐得幾舒服😜佢有個All Day menu都幾抵食，個set有餐湯同特飲😋 餐湯都幾大碗，而且熱辣辣，飲完會開左個胃😙🔻🍟黑松露薯條 $48呢個小食見到必叫😂薯條炸到好脆，而家上面加左大量巴馬臣芝士碎，每一條薯條都點到😚配埋滿滿嘅黑松露蛋黃醬，中意點幾多都得😜🔻🍝波隆那肉醬配手工意大利寬條麵 $98寬條麵係手工製，所以食落真係好彈牙好有口感，而且啲肉醬平均分布係寬條麵入面，食落唔會覺得好dry👍🏽🔻🍕意大利風乾火腿夏威夷披薩(9”) $128呢個手工pizza材料有意大利風乾火腿、焦糖菠蘿、松子仁、火箭菜，個底就加左蕃茄醬，pizza 皮烤到又薄又脆，唔會覺得好硬/好乾😊🔻除左佢特定嘅手工pizza/ 意粉之外，客人仲可以自選意粉/自選pizza，中意落咩醬料/配料都得，自由度好高，唔錯！😛

最近朋友搬到康城，我都入去搵佢食飯🤪當然由朋友介紹附近搵下有咩食，佢話呢間西餐廳坐得舒服，質素唔錯，啱曬可以慢慢吹水。<Dinner set for two> $268頭盤蘑菇湯蘑菇湯味道濃厚，飲得出蘑菇嘅鮮味，上面放咗幾粒麵包粒，而且都幾大碗。原隻烤春雞 +$28除咗雞肉之外，配菜亦附上甜蕃薯同埋蔬菜沙律，咁就唔洗擔心營養不均衡喇。雞肉原汁原味，沙律主要以鹽調味，連埋啲雞肉一齊食就正好balance。炸甜蕃薯香口甜糯，反而有驚喜!!麵豉醬烤三文魚+$38主食除了三文魚之外，側邊附有牛油果醬拌薯仔，三文魚肉質細嫩，麵豉醬味道唔會太鹹，健康又美味。小食套餐叫小食要額外再加錢，今次就嗌多兩個小食😋黃金雞翼+$28雞翼炸衣唔會太厚，更食到鹹蛋黃醬沙沙既texture，雞肉滑嫩爆汁。脆炸薯條+$18薯條新鮮炸起，厚切薯條外脆內軟，不過建議點黃金雞翼，感覺更特別同抵食。DrinksDinner set揀特飲會有半價，今次就揀咗兩款cocktail，話曬喺Girls Night啊嘛。Strawberry bellini +$34用咗士多啤梨果醬做基底調制，酒味相對明顯，不過由於有水

今日喺康城個商場行完一轉就肚餓想食野，咁啱行到呢度就索性試下呢間啦，入去坐低職員好有禮貌，叫咗個義大利風乾火腿夏威夷pizza同埋自選意粉，個pizza好有驚喜同平時食開唔同。

《康城手工薄餅🥰》———————————————#thepoint 🍕-作為將軍澳友，一路都知道康城其實係個美食沙漠，餐廳選擇唔多，但當中就有呢間高質西餐廳係我嘅最愛，主打手工 Pizza☺️ 尤其裝潢走木系簡約風，環境坐落好舒服，地方寬敞，野食亦份量十足，性價比高✌🏻-🌟 Dinner Set for Two我同男朋友兩個人就叫咗個套餐，包咗頭盤、主菜同埋餐飲🍹前菜有餐湯或者迷你凱撒沙律可以選擇，雖然話係mini，但其實size都份量好足🥗 而當日嘅是日餐湯係椰菜花忌廉湯，質地濃郁，上面仲有啲麵包粒，層次豐富😛-主食就揀咗麵豉醬烤三文魚，十分特別，肉質嫩滑，外皮烤至焦香，配搭麵豉醬好有驚喜👍🏻 而鹹蛋黃忌廉雞肉意大利麵嘅醬勁濃郁，意粉軟硬度適中，都幾掛汁😝-另外我哋仲加咗兩款小食，包括黃金雞翼同黑松露薯條🖤兩款都炸得好香脆，勁有咬口， 十分邪惡😈-套餐升級特飲有半價，我哋就揀咗Strawberry Ice Cream Float 🍓以梳打做基底，士多啤梨味道突出，酸酸甜甜咁好開，加埋雪糕入口即化， 清甜解渴，消暑一流！ 另一杯Mojito Lychee 帶點荔枝嘅微甜，容易入口，啱晒女

康城西餐選擇唔算多🫢入開呢頭或者居民值得試下呢間主打手工Pizza嘅連鎖店～環境坐落幾舒服，野食大大份性價比不錯，啱哂一大班朋友聚會😋🍽:✧ 香蒜辣椒白酒煮大蜆🌟推介之選！佢用嘅蜆大大隻有鮮味，貝殼類海鮮狂熱表示approved!🥰🤣鍾意佢個香蒜辣椒白酒sauce，甜甜白葡萄酒味好出又帶啲惹味👍🏻點牛油toast食都好夾～✧ 牛肉芝士漢堡🌟佢嘅手打牛肉幾有咬口，mix左啲herb，配上黑松露蛋黃醬，burger仲係塗滿牛油同埋烘脆左👍🏻 ✧ 水牛芝士Pizza手工pizza底不錯😋餅邊厚脆中間帶點煙韌🍕有好多款topping選擇～✧ 煙三文魚凱撒沙律🥗✧ 黃金鹹蛋黃炸雞翼（配墨西哥辣椒蛋黃醬）

星期六唔想係樓下等甘耐所以揀咗外賣送餐💙我地叫左一個4人餐.大概45分鐘左右送到上黎.比我預期中快.四人餐有2個主食1個薄餅2個小食同埋4罐飲品💙1）番紅花海鮮意粉🍝用番紅花黎整意粉幾特別.好食既.單點都會揀佢2）肉醬手工意大利寬條麵味道岩岩好.唔會好濃3）羽衣甘藍沙律配大蝦好大份.好多羽衣甘藍同埋藜麥.佢提供既係乳酪唔係沙律醬.即刻健康曬4）黃金雞翼食到就黎無曬先發現比漏左雞翼我呀😱好傷心.好想試5）夏威夷薄餅比起其他薄餅佢都算足料.條邊脆脆地.就算送到上黎都冇凍曬6）烤三文魚好特別.佢用左麵豉醬去整.將日本野黎左個fusion~唔錯唔錯下次會試下堂食💙