香港醫學會會所

Open Now

Now Closed

老實講食物味道唔錯。 但落單阿姐態度差不止，仲要有錯唔認。硬要客人埋單， 其實錯唔緊要，老實交代就ok。但阿姐一直有佢講 無人講，佢不斷推卸責任，話客人落單唔清晰。話減人數時無同佢清楚要8-10餐， 所以要硬食11-12 人嗰個餐喎！ 如果係唔係都唔改8-10 餐，我仲洗乜同你講減人數呀？ 之前係WhatsApp 問多兩句都好似唔多耐煩，有乜都叫人自己睇網頁，呢個我明 我自己睇。但落單講多兩句都覺得佢「串」。啲嘢抵食、好食都無用，一肚氣！

疫情下番工中午同同事外出吃飯我哋都比較揀擇，唔想太多人要等位，最好有得訂位，枱與枱之間距離要合格，食物質素唔好太差啦，地方要乾淨。醫學會會所我同飯腳就好滿意。餐廳會將兩星期餐單放上醫學會網頁，一目了然。我哋就習慣今個星期訂定下星期嘅位，因為枱比較少。每日有三餸一湯，我覺得佢哋啲餸有屋企feel，個湯日日唔同，應該唔係千年湯，不過唔會太熱，呢様希望佢哋可以改善下，湯要夠熱先好飲。我最鍾意佢地蓮藕炆腩仔同蘿蔔牛腩，蒸三色蛋都好正👍🏻服務方面，有啲似朋友咁，因為一星期見至少一次。價錢方面$65一位，四位起，我覺得超值👍🏻

唔係朋友係會員帶我地來都唔知呢度有個會所，灣仔雖然多嘢食，但都總會有唔知食乜嘅時候，朋友見我地諗得咁辛苦，就提議我地過來食，原因係呢度係set 好晒，又唔使諗，啱晒我地呢啲選擇困難症人士！😅😅😂😂😂😜😜朋友沿路行過來，一邊行一邊book位，而且仲睇埋食今日menu , 枝竹冬瓜火腩，瑤柱肉鬆菜脯蛋同脆皮五香素鴨，再加上蓮藕章魚排骨湯，$65/位，仲要無加一，好好食咁喎！😂😂👍🏻👍🏻一去到地方都幾大，又唔多人，都坐得幾舒服，除咗有壺茶外，仲有壺竹庶矛根，幾好飲！一來先上湯，勁大兜又足料，而且無味精幾好飲！👍🏻👍🏻👍🏻 再來係素鴨，原本我以為會點醋，但佢有無俾我地，但食落口其實又夠晒味，幾好食！再來係菜脯蛋，我本身唔係咁鍾意食菜脯，但佢唔係有好多，所以在我來講可以接受到，而且蛋又炒得幾香，份量都幾多！因為我地太遲book, 所以個枝竹冬瓜火腩最後無晒，不過來在個椒鹽骨，我覺得幾好食，不過有少少肥左，同黐肉，但總體來講係okay 的，幾香口！呢度暫時無乜人知，拎位易啲，你知呢，灣仔食飯時間好寶貴，下次又可以過來試下其他嘢食！👍🏻👍🏻👍🏻提提你！呢度淨係card only ~~🤣🤣

會所餐廳每日有三餸一湯套餐，$65一位，最少四位，今日集齊四人去食。因為好多客人不用返工，取消訂枱，所以冇例湯，改了粟米羹，有一大湯碗，味道可以。今日有節瓜粉絲蝦米，正常味道。豆豉雞就一般，之前吃的瑞士雞翼好味D。另咸蛋蒸肉餅唔夠實，下次應該會改左衣個餸。灣仔衣個價位午餐唔太多，算抵食。

之前發現咗香港醫學會餐廳好好味就一直等佢個餐牌轉係海底椰排骨湯嘅時候就同啲同事去食因為個海底椰排骨湯好好味一班同事去通常都係要套餐六個人就可以揀四款餸再加多半隻脆皮炸雞 每碟餸個份量都好足夠 椒鹽鮮魷夠香脆 咸魚蒸肉餅上面有一大塊鹹魚而果塊鹹魚係超級鹹 脆皮炸雞個皮都真係脆啲雞肉都算嫩滑 不過沙爹金菇肥牛煲就一般 肥牛唔算太多 嗰汁嘅味道唔係特別好味 每次食完都會好飽 好味嗰個湯係冇得添㗎 佢係預得啱啱好份量 想再飲就要下次再去食過啦

以為灣仔溫莎公爵社會服務大廈只係上堂，不過原來呢度係有飯食㗎。如果唔係有人介紹真係唔會知道原來5樓香港醫學會會所係一間餐廳😂平時經過以為係醫生先去得嘅地方，原來唔係醫生都可以去食飯㗎!不過，一定要預早book枱，連餸都要預早一日落order，而且只限會員，但會員係可以即場登記，唔係醫生都可以做會員。午市有幾款超值套餐，今日叫咗一個12人套餐，包括足料明火例湯、脆皮生炸雞、加另外六款餸$1310，全部都好大份，而且好好味。

睇個名以為一定係貴野，結果其實係出乎意料地平，佢係見你有幾多個人就決定俾幾多個餸，唔係自己叫，幾特別，個菜心幾新鮮，夠爽口，又唔會油，粉絲煲清清哋，無乜特別，仲有咕嚕肉，啲肉唔會肥，又唔會太硬，不過不失啦，煎豬扒係最好食，不過佢日日唔同款，希望下次黎都有啦...

今日cell 愛筵，由於人數比較多，所以事前book 好枱。一坐低就有個湯，但今日係冬瓜湯，天凍似乎唔太合適...之後陸續上另外五道菜：—蒸水蛋：蛋蒸得好滑，入面有乾瑤柱練令到有咬口—酸甜骨：整道菜酸酸甜甜唔會太滯—西芹炒牛肉：西芹煮到有d 過淋，我唔食得牛，但聽同事講佢覺得普通—西蘭花炒魚蛋：鍾意西蘭花唔會煮得太軟，有咬口，切左條ge 魚蛋有d 濃味—土魷蒸肉餅：無mei 特別，算係食得過但總體㴝講，肉類似乎多左d, 最好多d 菜

公司的聖誕節聚餐，選址在只招待會員的「香港醫學會會所」。當天很多高層在場，期間更遇上了衛生防護中心總監 - 曾浩輝醫生 老闆預留了約 $3000 的套餐，共十多款小菜，白飯和湯任添。據說每天的餐單都不同，雖是家常小菜，但味道確有水準。當中最深刻美味的是蝦仁炒蛋，炒得香滑，更用上大大隻鮮蝦。脆皮炸子雞，非常入味，伴碟的蝦片也很受歡迎。椒鹽鮮魷，香脆可口，炸漿很薄，讓人不知不覺吃很多。蒸東星斑，時間控制剛好，魚肉鮮嫩順滑。席間有男同事更足足吃了三碗飯 ，可見小菜多出色啊。飯後贈送的甜品是杏仁茶，更每人送上一個蜜柑，貫徹中國人「又食又拎」的好意頭 可能是熟客的關係，服務不錯。穿恤衫的老伙記全程照顧我們，貼心地為我們裝飯添湯

我同同事與舊同事敍舊，一行4人近大家office，要又方便又經濟，我就揀左係灣仔醫學會開飯，我都好耐冇黎，已經加價由以前45蚊一位到宜家48蚊一位，最低消費係4個人，所以我地今次人數o岩o岩好。一黎到就有一大兜湯飲，我都唔知係乜湯，成兜湯都揾唔到D湯料，似係霸王花煲瘦肉之類，非常健康，最重要係不含味精，唔會飲完口渴。我最鍾意係食蝦，喜出望外有碟蝦仁炒蛋，蛋炒得好滑，仲加左D葱花，葱花使蛋味更突出。蝦仁係新鮮蝦，鮮味十足。可惜蝦份量不多。咸魚蒸肉餅呢碟餸，好住家feel，好健康o既菜式，賣相好靚，咸魚D味滲左入D肉餅，味道唔會太咸，駛到D肉餅魚香味特濃。仲有一碟煮冬瓜o既餸，不過我唔記得影相。甜品係杏仁茶要自己另外加，6蚊一碗，最少一日前要訂，否則廚師唔會特別整。杏仁味濃濃，仲食到磨到細細粒o既杏仁，而且杏仁味好香濃，糖水唔算好甜，尚算可以接受。同事與舊同事都好鍾意係度開餐，又清靜，又便宜，食物又健康，下次再黎!

友人推介香港醫學會會所，說味道不俗，價錢合理，藉得一試。於是與兩位好友相約訂枱前往吃晚飯。訂枱時對方問明是否會員，當時訂枱的友人已告知自己並非會員，對方說到時提出會員號碼便可。豈料訂枱後第三天再收到會所電話，請我們先訂菜，友人請對方介紹菜式，對方先介紹炸子雞，當時友人即訂了半隻，然後對方再介紹蝦子柚皮，由於本人不喜歡柚子的獨特味道，友人便拒絕了。此時對方說那麼蒸一尾魚吧，友人基於首次光顧未有信心亦婉拒了。豈料對方竟再進一步說要雞燉翅吧，友人再說我們是不吃翅的。到此時，對方竟說當晚有一位教授訂了枱，到時我們未必有枱，著我們當晚姑且一試是否有位。直到那時我真的被弄胡塗了，對方剛才不是在介紹菜式嗎？為何特然間情況急轉直下變成不一定有位呢？各位，將來你們是否願意光顧這會所自己決定吧！

約了舊同事午飯, 上星期已打來訂枱, 接線員告訴我要100元一位, 我說ok。今早我打去confirm枱, 接線員說我是否知道100元一位, 我說知道, 因我時常去中環醫學會。他隨即說中環是以潮菜為主, 這裡是以廣東菜為主，100元一位是這裡遊戲規則, 並叫我取消今次訂枱。嘩, 未食已趕客, 係咪好生意到要趕客, 好唔掂喎!!! 佢地真係要睇下劉德華廣告既勸喻。這是我第一次訂枱, 亦都係最後一次。奉勸這店東主要留意並再培訓有關員工.....

這是一月初跟瓜、陳真、龍火大哥的午餐聚，先在此多謝陳真的邀請。醫學會位於溫莎公爵大廈內，如非地頭虫，真的難想像到這裡有一間會所式的中菜小廳，由於客源主要來自附近的寫字樓文員，這餐的上餐速度都是來去如風，完全體現出香港快速的生活步伐。簡單的四人飯局，先以花生眉豆雞腳湯作開場，材料十足，湯底清甜，想像一下每天困在寫字樓，上班加班無下班，午膳時把握時間飲啖靚湯，也是一種享受、一種鼓勵。咕嚕肉，一道易煮難精的中式小菜，不論是汁醬稀杰、或是調味火喉，都絕對考大廚功架，這裡的出品賣相認真麻麻，咕嚕肉一眼看出是預先炸好，放上黃青椒後洒上芡汁，肉質入口鬆軟，毫不脆口，算是失敗之作。再來的是脆皮生炸雞，這雞水準絕對比咕嚕肉好，單單是薄而脆口的炸雞皮，已值得欣賞，加上雞肉嫩滑，雖然伴碟的蝦片賣相求其，但味道已算是收貨有餘了。另一道小菜是玉樹麒麟班，是睇得唔食得的代表，冬菇絲魚片火腿交疊並排，可惜一夾起散修修，魚肉更不甚新鮮，有點失望。隨餐附送一碟蠔油生菜及杏仁茶，其中後者入口有些杏仁碎，甚為特別，味道竟不讓附近的名苑專美。短短四十分鐘的午飯，味道亦不深刻，倒有點家庭住家餸的感覺，不用八十蚊有湯有餸有飯有甜

同朋友傾談, 細說什麼會什麼會未入過未食過. 偶聽聞溫莎公爵大廈醫學會有個午餐set, 便一直心郁郁, 想找幾個好食之人, 中午來試一試菜. 首先要說呢三次與醫學會周旋既不愉快經歷: 第一次不愉快經歷, 中午時段, 打電話去問長問短, 結果因為他們說中午太忙, 沒時間給我問長問短. 第二次不愉快經歷, 一早打去問, 想book 兩個人去食飯, 佢地話最少要要有3個人才 accept booking. 最低消費$120.第三次不愉快經歷, 正式make booking, 佢問我有冇黎過, 是否member, 有冇member 介紹........答哂冇之後話full 左......我再話有朋友黎食過介紹, 而且想上黎試試, 第日book晚餐架..... 之後再說, 都有張細檯既. 但要我做mamber先. 之後佢好主動fax張membership form 同 午餐menu俾我.成功book到位, 電話裡的X先生態度大變, 已開始做新手教路, 亦好積極問我要點乜菜, 呢度慣例係點既 etc etc.1點, un-official 既試食會開始, 先來一個例湯. 例湯顯然未夠老火, 但飲落

如非陳真兄之相告,也不知道在灣仔電盈機樓旁邊的溫莎公爵大廈,有間醫學會的會所,於是他便在此來個四人午餐局.會所在大廈的五樓,會所門外的牌指明是"Members only",而事實上,如果你是街外客,就算有位也不會接受訂位.如果來到即刻入會就不同.是否要醫學界同業才能成為會員?又不是,任何人也可入會,可見其入會的門檻都不高.下午的灣仔,周街也是千千萬萬的上班大軍,正在找地方午膳,醫學會也座無虛席.我們四個人,可選四至五位用的精選午餐,價錢$308,不收加一.而這個午餐,在七道菜之中,任選三款,另外送例菜,老火例湯,而且白飯任裝.多人一點,可來個八至十位的午餐,$788一席.在十四款小菜之中任選六款.點菜不久就即刻差不多一次過上,速度很快,好像驚死我們在"磨爛蓆".是日例湯為花生眉豆雞腳牛展湯,平常不過的例湯,喝落很清甜,不鹹,沒有下味精.深信同會所的形像,醫學界的人吃得健康的有關.菠羅咕鹵肉色水不深,本身枚頭肉食落頗脆,肉質鬆化不硬.是個甜酸汁味道未夠突出.脆皮生炸雞以蝦片來襯托,乾脆一點叫做炸子雞.都做得皮脆肉嫩,雞味同樣不算突出.反而伴碟的蝦片,吃得津津有味.見到玉樹麒麟班,我就想起