452
36
15
| Restaurant: | Teppanyaki Kaika |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
Video
Exit B1/ N5, Tsim Sha Tsui / East Tsim Sha Tsui MTR Station
continue reading
Telephone
29722888
Introduction
Kaika, having just been recommended in the Macau and Hong Kong Michelin Guide 2014, will take diners in wonder with delightful Japanese cuisine, savor our fresh sashimi/sushi and authentic teppanyaki fare.
continue reading
Additional Information
Kaika, having just been recommended in the Macau and Hong Kong Michelin Guide 2014, will take diners in wonder with delightful Japanese cuisine, savor our fresh sashimi/sushi and authentic teppanyaki fare.
The new chef humbly embraces 25 years experiences in teppanyaki and will be bringing to Hong Kong his original dishes which will reshape Kaika’s menu.
His signature dishes include Grilled Kinki Fish with Herb Olive Sauce, Baked Top Shell with Butter Herb Sauce and Grilled Ayu.
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
*Lunch Last Order: 14:30 Dinner Last Order: 21:00
Above information is for reference only. Please check details with the restaurant.
About Reward Scheme
Offers
| Restaurant: | Teppanyaki Kaika |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
Video
Photos
麵豉湯
鐵板燒帆立貝松茸清湯
+6.5K
+250
Recommended Dishes
-
鐵板燒美國牛肉眼薄燒
-
甜品
-
櫻花蝦炒飯
-
煮春野菜海鮮腐皮
-
蜆清湯+26
Signature Dishes
星期日晚喺 The ONE 搵餐好啲嘅慰勞餐，就揀咗19樓嘅「海賀 Kaika 鐵板燒」，試吓佢哋夏季限定嘅「海賀盛夏祭」套餐。特價 $638 一位，當然要加多杯 Suntory 生啤 🍺 配住先夠 Chill！全晚由一位熟練又風趣嘅師傅幫我哋即席鐵板燒，坐得舒服又觀感十足！---🥗 1️⃣ 大蝦蟹子沙律餐前先來一客清新沙律，大蝦爽口彈牙、蟹子鋪滿沙律面層，粒粒晶瑩，入口有趣。配合沙律菜、青瓜絲等蔬菜，整體口感層次豐富，唔單止係一味清爽，而係真正做到「涼而不淡」，係夏天開胃嘅好選擇。---🐟 2️⃣ 三點刺身刺身三點包括三文魚、油甘魚同赤身，切得厚身，魚味保持得唔錯。三文魚油脂分布平均，口感滑溜；油甘魚偏向紮實、有咬口；赤身冇筋，帶返少少清甜。不過以鐵板燒套餐嚟講，刺身質素已屬中上。---🔥 3️⃣ 鐵板帶子配橙香辣肉腸汁帶子厚身唔過熟，中心保持嫩滑，煎香面層帶少少焦脆感，對比感做得出色。橙香辣肉腸汁有驚喜！酸甜帶辣之餘，有啲似墨西哥風味融合日式手法，好香口，唔會搶味，反而幫帶子加咗層次。---🐠 4️⃣ 鐵板白鱈魚配燈籠椒煙肉汁鱈魚外皮煎得脆卜卜，魚肉夠嫩，少少油香但唔膩。重點係煙肉汁！香氣滿分，有少少鹹香襯返白鱈魚嘅細膩口感，中間夾住燈籠椒嘅微辣感，整體味道唔算複雜，但係協調感幾高。---🍤 5️⃣ 鐵板虎蝦配紅咖哩蝦醬汁今餐我自己最鍾意嘅就係呢道！虎蝦夠大隻，而且煎得啱啱好，完全唔嚡口。紅咖哩蝦醬汁有濃濃泰式風味，但未至於太重手，反而係帶出蝦鮮。成件蝦連蝦頭都處理得乾淨，誠意分加分！---🍗 6️⃣ 鐵板愛媛雞 or 美國牛肋眼 / 加配A4和牛原套餐係二選一，我哋選咗 upgrade +$200 試 A4和牛，牛扒厚切，五成熟左右，師傅手勢準，外層香脆，內裏仲保留粉紅肉汁，唔需要太多調味已經好好食！油脂分布靚，但唔會漏，食完唔會有負擔，完全符合A4級數水準。---🍚 7️⃣ 蕃茄煙肉炒飯食到呢度已經八九分飽，但呢個炒飯仲係好有驚喜～用番鐵板現炒，蕃茄味濃郁之餘煙肉香氣滲晒入去，每粒飯都炒得乾爽唔黏，拌埋少少蔥花提香，一口接一口停唔到。---🍨 8️⃣ 甜品甜品就比較簡單，當晚係一客士多啤梨雪糕＋焦糖脆脆碎，收尾位唔算突出，不過夠清新，喺多道菜之後就啱啱好冇壓力。---📝 整體評價整個「盛夏祭」套餐份量剛好，由頭到尾每道菜都見到誠意，唔會有中伏位。最欣賞係每道菜都設計到配合季節感，例如酸甜橙汁、紅咖哩醬汁等等，適合夏天食。師傅現場即燒，互動感幾足，仲會細心介紹每道菜材料同煮法，坐窗邊望住維港景色，氣氛加晒分。價錢方面，$638＋加$200升級和牛＋$88啤酒，兩個人埋單連加一共 $1597，雖然唔係平，但以鐵板燒來講算中高質素，適合慶祝／想食得豪少少嘅日子。下次有機會會想試埋佢哋嘅黑毛和牛全餐或午市 set！---✨ 食材新鮮、火喉準、服務到位，係 The One 想搵個舒服位置、睇景又食得好嘅餐廳，呢間係不錯選擇。建議早少少訂位，唔好 miss 咗靚位！
continue reading
🇭🇰尖沙咀《海賀》盛夏祭🌈鐵板燒🔥🔥The one浪漫天際🎆維港全海景✨✨又一年の生日漂亮飯🍰🍧💕💁🏻♀️位於尖沙咀The One19樓《鐵板燒海賀》🩵年年生日必打卡餐廳🎉💝拍不膩的維港🇭🇰浪漫全海景🎆每次過來都心情超靚✨環境一如既往的有情調又有格調，燈光柔和氣氛優雅，白天通透自然光☀️晚上夜景璀璨🎇🌃平時鍾意坐鐵板燒位置，欣賞廚師烹調過程🔥偶爾想浪漫也可選擇窗邊位置，享受成個海景View😊💕和閨蜜一起拍照打卡超「出片」的喔📸餐廳現在有推出🌸《海賀盛夏祭》🌸套餐抵食又豐富🎊🎊🎊🌺三文魚親子沙律：三文魚片新鮮厚實，搭配細嫩嘅三文魚籽，粒粒分明，清新嘅沙律醬，開胃又醒神✨🌺刺身三點：新鮮度十足，肉質鮮甜入口爽滑，搭配特調嘅醬汁，將魚嘅鮮味完美帶出✨🌺鐵板燒帶子配香橙西班牙辣肉腸汁：帶子煎得外脆內嫩，香橙汁嘅清新酸甜與辣肉腸汁嘅香辣完美融合，食落仲有濃郁芝士味I like😍😋味道層次豐富，令人回味無窮✨🌺鐵板燒白鱈魚配燈籠椒煙肉汁：白鱈魚質地細嫩，呢個組合都幾特別，燈籠椒嘅微辣與煙肉嘅鹹香相輔相成👏🏻口感好Nice✨🌺鐵板燒大蝦配紅咖喱蝦醬：大蝦煎得啱啱好，肉質緊實彈牙，紅咖喱醬味道濃郁，不會搶咗大蝦本身的鮮甜，令人食指大動✨🌺鐵板燒美國牛肉眼薄燒：牛肉質地柔嫩，油花分布均勻，煎得外焦里嫩，卷包住蔥花香蒜一齊食，肉汁Juicy油香四溢，一口下去超滿足✨🌺蕃茄醬煙肉炒飯:炒飯粒粒分明，煙肉嘅鹹香與蕃茄醬嘅酸甜相互搭配，好Yummy呀✨🌺甜品：丸子奶凍，丸子煙韌，奶凍滑嫩，解膩又甜蜜💕餐廳仲好貼心甜品寫生日字，特別安排我哋去露台影相打卡呢👻又是一年美美的生日漂亮飯✨📍 《海賀》鐵板燒 尖沙咀彌敦道100號The ONE 19樓
continue reading
來自日本東京銀座嘅鐵板燒海賀，位於尖沙咀The ONE嘅高層，能飽覽維多利亞港及城市美景，無得彈！海賀嘅食物出品優質，服務態度良好，難怪閒日晚市都接近Full場，席前位座無虛席！海賀盛夏祭 $638/位三文魚親子沙律清爽嘅沙律菜配搭三文魚刺身同埋三文魚子，啖啖鮮味！刺身三點鯛魚 - 口感柔軟，頗為鮮甜！煙燻鰹魚 - 加埋漬洋蔥，更顯甜！甜蝦 - 軟糯甘甜，蝦膏鮮味濃郁！鐵板燒帶子 配 香橙西班牙辣肉腸汁肥大肉厚嘅帶子香煎兩邊至半生熟，鮮甜被放大，Good！鐵板燒白鱈魚 配 燈籠椒煙肉汁厚切嘅白鱈魚火候準確，水嫩美味！鐵板燒大蝦 配 紅咖喱蝦醬大蝦爽彈鮮甜，紅咖喱蝦醬令風味更濃郁！鐵板燒美國牛肉眼薄燒五分熟嘅薄切肉眼夠香又夠軟嫩，配山椒燒汁特別惹味！而辣根忌廉汁就帶來類似Wasabi嘅風味！蕃茄醬煙肉炒飯｜味噌湯｜漬物炒飯較濕潤，配搭漬物更開胃！甜品是日甜品為白桃奶凍，香甜美味！Sorrento $138以Gin做base嘅Cocktail，加入芒果蓉、Cream等材料，酒味溫和口感幼滑，幾好飲！Ananas Comosus $108以熱帶水果配薑味汽水，係微酸清爽嘅Mocktail！
continue reading
今日約咗朋友嚟食鐵板燒真係好有氣氛❤️ 裝潢充滿空間感仲有落地大玻璃對住尖沙嘴夜景🌃咁啱望住幻彩詠香江真係好有情調🌙 有種Fine Dining的感覺🫶🏻食物質素方面好有水準🥹原來鐵板燒師傅師承日本大師技巧比起一般港式鐵板燒更為出色值得一試呢🧡⭐️ 春日精選前菜兩點 🍱飛魚子配上海螺🐚充滿鹹鮮嘅香氣但係好開胃🌊 作為前菜好清新☘️⭐️ 甜蝦 櫻鯛薄切 初鰹配洋蔥酸汁 🍣三款刺身用料好新鮮💙配合春天主題味道都比較清新為主🌿 特別係洋蔥酸汁嘅酸度提升了鰹魚既鮮味🧅⭐️ 蜆清湯 🍲口味恰到好處🥹調味清新食得出蜆肉嘅飽滿同鮮甜🦪⭐️ 煮春野菜海鮮腐皮 🫕海鮮嘅精華配上腐皮嘅豆香🫔腐皮看似簡單但好幼滑有一種日式嘅精緻同埋經典嘅味道⛩️⭐️ 鐵板燒蟶子王配文也汁 🪼蟶子爽口又彈牙非常新鮮🩵 配上蘆筍嘅爽脆既口感好豐富🫛⭐️ 鐵板燒比目魚配蕃茄醬 🐠比目魚新鮮而且口感好絲滑😊值得一讚嘅係配上自家製嘅蕃茄醬🍅有別於一般鐵板燒既牛油汁通常都好油膩😅蕃茄嘅鮮甜同比目魚更加配合❤️🔥⭐️ 鐵板燒美國牛肉眼薄燒 🥩薄燒嘅肉眼火候控制得啱啱好🔥鎖住了肉汁特別喜歡用辣根醬調味🌶️整體口味唔會膩⭐️ 櫻花蝦炒飯 🍚飯粒粒粒分明加上櫻花蝦鮮味嘅點綴🌸都係水準之上😇⭐️ 甜品 🍮柚子雪芭好Refreshing🍊清新返味蕾總結一餐啱啱好🍦
continue reading
今次嚟到位於尖沙咀The One高層嘅日本過江龍鐵板燒-鐵板燒海賀，餐廳裝潢高雅有格調，有席前料理吧台同埋餐枱座位，可以近距離欣賞師傅鐵板燒嘅手藝，又可以同師傅互動，另外設有落地大玻璃，景色開揚，可飽覽到維多利亞港景色，無論係中午定係晚上到訪都氣氛一流，呢度除咗出名食鐵板燒之外，仲有Omakase提供。春日會席春日精選前菜兩點新鮮嘅鯡魚籽醃製成嘅數之子，口感爽脆，帶鹹香味道，汁煮響螺入口清爽，味道鮮甜，兩者都完美呈現海鮮滋味。刺身三點包括甜蝦、櫻鯛薄切同埋初鰹配洋蔥酸汁，味道由淡至濃嘅味覺層次，櫻鯛薄切肉質爽脆幼嫩， 口味清香鮮甜；初鰹經過煙燻處理後，魚肉份外肥美，搭配特調洋蔥酸汁，味道酸甜清新，更突顯初鰹魚肉嘅鮮美。蜆清湯蜆肉湯頭清澈，味道鮮甜，加入咗清薄菜增添香氣，內有三隻肥美飽滿嘅大蜆，蜆肉彈牙而且無沙，飲完後非常暖胃。煮春野菜海鮮腐皮當造嘅春野菜搭口感配嫩滑而且豆香濃郁嘅腐皮，配上鮮甜彈牙嘅蝦肉同埋柔嫩嘅帶子，饀料非常豐富，腐皮亦吸收咗海鮮嘅高湯，每一啖都充滿味道層次。鐵板燒蟶子皇 配 文也汁最精彩主打嘅席前鐵板燒環節開始，師傅剪開大大隻嘅蟶子皇，肉質厚實彈牙，配上濃郁牛油香嘅法國文也汁，令鮮味更突出，配菜蘆筍亦非常爽口甘甜。鐵板燒比目魚 配 蕃茄醬師傅將比目魚煎至外皮香脆，魚肉嫩滑，配上慢煮番茄醬，味道酸甜，提鮮之餘亦好開胃，同埋可以中和魚油膩感。鐵板燒美國牛肉眼薄燒牛肉眼油脂豐盈，薄片經過師傅快速炙烤，五成熟嘅牛肉包上蔥花同埋蒜片，牛肉味濃郁，油脂豐潤，配上鮮蕃茄、鮮菜同埋脆片，口感豐富。櫻花蝦炒飯炒飯好有鑊氣，加入雞蛋，飯粒粒粒金黃分明，櫻花蝦口味酥脆，味道鹹香，鮮味十足，櫻花蝦鹹香鮮味滲透住每一口嘅米飯，非常高質。Dessert香檳金橘吉士脆最中餅，最中餅係一種日本甜食，最中餅口感外脆內軟，夾上金橘同埋吉士忌廉，金橘味道酸甜，吉士忌廉軟滑，配上最中餅嘅外脆，好有層次感。Mentha SuaveolensCocktail 用上蘋果薄荷伏特加作為基底，再加上白酒、香草、青蘋果、青檸同埋梳打水調製，容易入口，味道酸甜，口感清新。20th Gen RosemaryMocktail用上士多啤梨、士多啤梨果泥、柳橙、迷迭香橄欖油同埋鹽打製而成，帶有濃郁士多啤梨味，非常清爽。
continue reading