爭鮮迴轉壽司 (Closed)

我和我的男朋友一向都喜愛光顧這間分店，相信今年已幫襯不下卅次，喜愛原因有二﹕1. 限食50分鐘，所以不會無了期的等位2. 食物質素﹑衛生一向不俗，可以說有信心但昨日的經歷令我對這分店的印象大打折扣。每人限食50分鐘的安排其實很不錯，不會因為時間太短導致食唔切，又或者不會食用時間過長令出面大排長龍。因此本人一向遵守食50分鐘的規則。很久之前曾試過有侍應在夠鐘前10分鐘溫馨提示食用時間快到，我認為這令食客有充裕時間作預算，雖然不用侍應提也應知道食用時間將至。可是，昨天我們本來可以吃到晚上8點06分，因此以店內時鐘作指標。但在8時04分時一名女侍應趨向我們並說時間到了。她二話不說為我們點算食用碟數，發還單據給我們，叫我們往收銀處找數，我們立即話想食埋一碟在迴轉帶上正來臨的三文魚生飯，她沒有回應，只叫我們去埋單，然後立刻收拾筷子等。 最初我以為出面很多人排隊，所以才趕我們走，但只見約7-8人在等位。最可笑就是在她收拾中途她才說想食可以食埋先走。之後我發悔氣地說"你都收哂我d筷子仲點食呀?"，她沒有回應繼續收拾。雖然如果我強要食，我可以取另一對筷子，但我為此感到氣憤，影響食慾，沒有吃便離開。離開

今日難得放假陪我的趣怪家庭,於是去我媽最喜歡食的"爭鮮"食lunch!!我未試過,但聽見8蚊一碟,試下先!!去到只有兩pair 情侶排隊, 我媽衝入去叫4位, 但侍應話照排隊,無票派!!但只能排樓梯, 好危險wor....等左7-8分鐘就有位, 仲要是卡位, 正!!!卡位4個人坐好闊落,而且都是有迴轉, 可以面對面傾計!!我地一坐低開始起動, 我地感覺好似任食似的, 不停拎!拎!拎!我亦影唔切相, 大家已食完近20碟!!!當中包括蟹子壽司 x 1, 普通,ok!三文魚壽司 x 3, 識得揀, 可以揀到肥美的三文魚!!鰻魚壽司 x 3, 超肥美, 真係回本!!吞拿魚刺身 x 1 (3-4塊), 不夠新鮮!螺肉小食 x 1 , 比較細碟,可接受!!花之戀壽司 x 2, 好開心呀,見到即搶食, 出面20蚊一碟,依度8蚊ja!!炸蝦壽司 x 1 , 但可能放了很久, 不熱, 所以淋左,唔好食!!三文魚刺身 x 1 (3-4塊) 我地揀得唔夠厚身,同色澤唔靚,但有時某d 幾靚+大塊的,8蚊一碟,抵!!北寄貝沙律壽司 x 1, 嘩, 想再食多一碟!!帶子壽司 x 1, 千載難逢, 終於食到一碟,

尖沙咀爭鮮當年食友南瓜一篇在明將壽司破地獄後,明將無人不知無人不曉的經典迴轉壽司,,自己讀中學年代都曾光顧此店,但再想一想深水埗的明將是自助任食壽司,只是約五十二元,你根本不能強求她要拖羅,找一片三文魚都難求啦,自然要追求沒有最差只有更差,更低成本食材去維持五十元這個價錢,早幾個月前友人找著我說不如一齊去食爭鮮,心想:,早一,二前和他一齊在元朗壽司代表田中以及酒泉力戰連場,大家用出內功和一眾壽司刺身鬥過你死我活,雖然打敗了酒泉,但被田中壽司一招絕技海膽軍艦將二人擊潰,當我和他二人神智不清的情況下被又最平凡最沒有攻擊力的加洲卷暗算,自此之後不再想踏足江湖.基於自己心軟,再加上朋友幾個月的要求,終於都要親身探訪這個興起的迴轉壽司,我想連元氣,元綠都賣十多元起一碟,爭鮮又怎樣可以碟碟8元,星期二尖沙咀的晚上過得漫長,覺得似電視劇某些角色將死,就會之前做著慣常的動作,望落食客上上落落,迴轉壽司逐碟計都要限時食,只得五十分鐘,真的第一次大開眼戎,比田中壽司長五分鐘,證明它不是最短時間限時食的日本菜,不能去取籌,只能默默地排隊,想不到站在門前發現有數十名食客正在享受他們的壽司,但師傅只得二個人,怎

這間來自台灣的壽司店落戶香港不過一陣 由當初專做外帶做現在連門市也有外帶也試過幾次 都是在地鐵站內的 質素還可以 想試試和門市的分別鑑於大部分都落址新界 住港島的我沒有機會嘗試 聽聞尖沙咀開了間新分店就趁在附近看完戲來一試 餐廳不難找 就正在THE ONE 對面 要行樓梯上一層 也許因為來得比較遲 大概九點多了 所以不用等位 入面頗大 有一條循環的迴轉帶 還有幾張四人卡位 大概可坐一百人左右 其實有點狹窄 空間不是很多一坐低 待應就向我們介紹 壽司就從迴轉帶拿 碟碟八蚊 有一些小食要另外點台上有獨立包裝的荼包 可以自己用熱水沖 十分方便 不用每次叫待應沖 而且他也指明用餐時間只有六十分鐘 我們又不是吃得太慢 所以也可接受看看迴轉帶 選擇也不少 基本的都有 此外還有一些特別的 首先拎左一碟前菜中華沙律 味道一般 跟平時吃開的沒分別 分量也很少三文魚 不算很新鮮 不太肥美 還可以接受 我覺得全店最好還是三文魚類的東西.吞拿魚 一開始便預期和三文魚差不多 不太新鮮 吃下去有點韌 而且有點薄蟹籽軍艦 紫菜不太脆 有點難咬開 幸好蟹籽數量不少 也算新鮮多春魚 這個不錯 有很多魚籽

本人曾食過九龍灣,屯門,大埔同埋呢間爭鮮.TST 算係最好了,最差就係屯門.本人在星期四行下行下,突然見到爭鮮,就去食一下.可能當時只係7點到,所以排左15分鐘就有位了.見到師傅好像是台灣人,整的壽司都比較有光澤.平時爭鮮係一個師傅只負責一種壽司,所以好多時食來食去都係你面前果位師傅所製.但呢間師傅好好,他將整左幾隻壽司每次都會放,唔會只放一隻.同埋有D壽司係廚房出,新鮮好多.TST呢間係我食得最多種類一間,最喜歡就係燒三文魚同埋燒牛肉,真的好香.如果間間的水準可以同呢間一樣,咁就好生意好多.同埋呢間爭鮮的魚生係切得教厚,正...不過唯一改善係舊飯,有D一夾就鬆開,可以改善就好了..同埋要讚的係我發現WAITER放的杯是熱的,感覺CLEAN D......我仲記得屯門果間係濕的....想起都可怕...

行完街肚餓想吃壽司作晚餐在星期日七點去到，不用排隊等幸好早一步，見到之後都要排隊等了碟碟8元，抵！但質素參差不齊，一分錢一分貨。三文魚，幾好味仲有見到有三文魚腩，可遇不可求蝦方面，甜蝦不濟。反而有隻原隻大蝦刺身鮮甜吞拿魚，北寄貝，不過不失，一定好食過明將XDD還有火炙壽司。好多黑椒，還可以啦三文魚頭湯買一送一，料都幾不少，ok2個人吃了22碟。埋單不用200 又想吃壽司，又想平，算不錯啦

本來想去食韓國野, 但行到一半發現在爭鮮, 因為之前在地鐵站幫襯過外賣, 這個價錢有咁既質素已經十分不錯, 所以又撞左去食了. 環境是用最少的空間放最多的迴轉位, 有幾咁迫狹可想而知, 但只要見到碟碟八蚊, 我們又懶理佢個環境啦. 一坐低, 待應放低了獨立包裝的"哇沙米", 又幾特別啊!!!! 我以為好似其他店咁係枱面自己落添, 不過大家唔駛驚唔夠, 因為迴轉帶上有一盆在轉轉轉, 要多幾包咪自己拎啦. 因為趕時間會合爸媽, 所以就算佢寫明用餐時間只有五十分鐘, 這個限制對我們來說不算是什麼. 開始發動開餐, 先拎左一碟前菜海帶八爪魚, 味道好奇怪, 那個汁跟兩種食材很不搭. 之後就拎爭鮮好少失手的三文魚, 雖不至於很肥美, 但還可以, 不會有唔新鮮的感覺, 所以二人食左兩碟壽司加一碟刺身, 我覺得全店最好還是三文魚類的東西. 跟住食醋鯖魚, 這個麻麻地, 太鯹了, 通常用醋整過的, 唔會咁鯹的. 三文魚鬆軍艦, 紫菜雖然已經不脆, 但三文魚鬆加左沙律醫, 這個配搭很對味. 而海膽壽司是最令我後悔拎左落黎, 因為聞已經有鯹味了, 果然是八蚊的質素. 之後就食左個蝦刺身,

爭鮮係台灣開過嚟嘅連鎖壽司店... 賣點係碟碟$8 其實香港好耐之前已經出現左一間叫明將嘅嘢... 在本人中學時期, 紅極一時, 因為一個"抵"字, $49任食壽司...無奈地, 明將呢10年間, 實在將佢嘅創意玩得太盡... 乜鬼嘢紅豆軍艦, 熊仔糖軍艦... 真係聽到個名都唔想食~!! 因此, 近年我地有爭鮮...雖然論平, 佢一定唔夠明將嚟, 但勝在係合情合理囉所有嘢都... 其他分店未試過唔敢講, 因為呢啲嘢, 落差都頗大...起碼有個色澤俾人睇下先啦~~有啲壽司店嘅三文魚色水似係條魚死左幾百年, 仲要將佢片到紙咁薄咁上檯... 全部相片絕對唔係用嗰啲單反呀, 勁機嗰啲影, 本人乃屬中度機器白痴, 淨係識拎住部電話影架啫~海膽有金太郎海膽味, 不過$8, 想點吖~ 碟碟$8, 再俾佢加埋個一, 食到個個捧住個肚分分鐘都唔使$200...不過就限時50分鐘... 都絕對可以接受啦~~ 唔通要人蝕住做生意咩...

老實說, 只賣$8一碟, 我對她們真的不會有太大的要求~食物款式算多, 雖然看到轉盤上有些食物一直坐冷板坐了起碼兩個小時她們也不會收走, 那你自己醒目不要拿那些看似放了很久的食物便可!味道以這個價格來說已經是很超值, 而且因為便宜, 你可以隨心所慾的想吃多少就多少, 我們兩個人吃了20碟每人不過80多元, 這已經足夠我給她們一個笑臉~!還因為下午茶時間沒什麼人可以坐了兩個小時, 跟友人談個夠吃個飽的唯獨有個女侍應的服務態度不太好, 不過這等價錢, 我也不多作要求了~

我地食過幾間爭鮮,呢間真係唔多掂原本冇諗住食佢,但好少見冇乜人唔洗等位既分店,咁就上左去一坐低見到D位唔FULL,但已經7點幾,好少見仲有位點知一食就知點解了炸蝦-- 又凍又粉架三文魚-- 見到雅晒色,又少,唔新鮮帶子- 唔新鮮芝士蝦-- 一般八爪魚-- 一般雖然呢間多選擇,但可能回轉帶太長,D野食放得太耐,好多都冇人食D質差很多,連個蛋糕見到係乾晒皺皮,見到好多都冇人食只食左幾碟見到D野唔新鮮就走了....

宜家食日本野要平既話, 唔洗諗, 一定係爭鮮特別鍾意黎呢間爭鮮, 因為唔洗點等位, 夜晚6點半鍾到都仲有好多吉位。入座後限食50分鍾, 所以一坐底就急住拎野食。碟碟$8, 到宜家都未加過價, gd! 坐正個靚位, 睇住佢出野食, 岩就第1時間拎到, very gd~宜家d 款仲多左tim 呀! d 魚生又新鮮又肥美~2個人食左15碟(三文魚, 鰻魚, 沙律蟹棒, 甜蛋, 櫻花蝦軍艦, 螺肉軍艦,........)埋單都係百幾蚊, 真係好抵食。

去加連威攞牛仔褲 ! 經過見到8蚊碟 ? 咁平 ! 上去睇下啦 ! 一上到去 , 已經排到樓梯 !都算ok , 唔太多人 , 等20分鍾左右就有位 !如一般自助迴轉壽司一樣 , 咩都係自己黎 , 當然對服務呢方面 , 係無期望架啦 !第一碟就試左三文魚壽司 , 真係好薄 , 而且無魚味 , 但8蚊 , 係咁上下啦 !第二碟 , 甘蝦壽司 , 有5隻蝦 , 但得一舊飯 , 蝦都算ok pass !第三碟 , 蛋壽司 , 無記錯好似係有三舊 , 不過可能放在迴轉路軌有段時間 , 所以出左水 ! 無食到 !第四碟 , ... .... .... .... 講真 , 真係無驚喜 , 我寫落去 , 你都未必想睇 ! 最後食左十碟 , 加埋一都係88蚊 ! 不過飽唔飽 ? 緊係唔飽啦 ! 所以咪落左去寶X行食串燒囉 !同意上面師姊所講 ---> 如果只是為飽肚是可以接受的，但如果想食比較優質一點的壽司，還是別家好了~

Sushi train - cramped seating, chairs at the train rather small, but it has two booths also. Only Coke, cream soda and tea to drink, but endless sushi. Reasonably priced at $8 a plate.Time limited to 50 minutes a sitting, but not sure how they'll evict you...Service ok, a little understaffed, but not too busy. No queue at lunch.Sushi is very good for the price, fresh and a good selection. Good sized portion. Nice, clean environment

女朋友一向很喜歡吃壽司的，昨天(23/10)她帶我去尖沙咀這間$8壽司店，我心想，哪會有那麼平又好吃的壽司？不過一試該處的壽司，又真感覺物超所值！以這樣的價錢，已算好吃了。帶子和三文魚壽司前後分別吃了3碟和2碟，又加買一送一的味噌湯（好夠味，又有三文魚和豆腐），結果前後我倆吃了19碟壽司及2碗味噌湯，不足$200而且有得找！後來她告訴我，這間店原來總部在台灣的，想不到台灣人都肯將平價壽司推介到香港，徹底顛覆壽司的貴價形象！

爭鮮愈開愈多, 由外賣到堂食, 終於開到尖沙咀。怕要等位, 所以放工6點立即去食。早早地, 無咩人, 唔洗等, so gd!上到去, 發現個個waiter 都係講國語, 唔知佢真係台灣人定係公司規定要講普通話呢?迴轉帶上擺滿晒壽司, 碟碟$8, 款式多, 抵呀! 質素都唔差, 三文魚都好新鮮呀!三文魚, 鰻魚, 帶子, 甜蛋係我至愛。軍艦都好多款, 味道ok。天婦羅壽司就俾個樣呃到, 食落天婦羅蝦淋晒, 差呀!小食同甜品都唔吸引。食左14碟, 加埋一, 先係$123, 抵爆呀!